ПСАЛМИ 88
88
Молитва за избавување од смрт
1. Молитва на псалмопевец
Песна. Псалм. За Корееви синови. За началникот на пејачите на Махалат за понизност за пеење. Учење на Еман Езрахит.
1Господи, Боже на моето спасение, дење викам, а ноќе тажам пред Тебе. 2Нека стигне мојата молитва до Тебе, приклони го Своето уво кон мојот повик.
2. Беди на псалмопевец
3Зашто мојата душа е наситена од страдања, мојот живот наближува кон Подземјето. 4Ме вбројуваат кон оние, што слегуваат во гроб, станав сличен на немоќниот. 5Моето легло е меѓу мртвите, како убиените што лежат во гробот, за кои веќе не се сеќаваш, од кои ја тргна раката. 6Ме смести во длабока јама, во темнини, во бездна. 7Тешко ме притиска Твојот гнев, и со сите Свои бранови ме прекриваш. 8Ги оддалечи од мене моите познати, направи да им бидам гнасен: затворен сум, не можам да излезам. 9Очите ми гаснат од тага: викам кон Тебе, Господи, секој ден, кон Тебе ја пружам раката.
3. Збунетост на псламопевец
10Зар над мртвите ќе правиш чудеса? Зар сенките ќе станат и ќе Те фалат? 11Зар во гробот се раскажува за Твојата милост? За Твојата вистина во Гибелта? 12Зар во темнина се објавуваат Твоите чудеса и Твојата правда во Заборавот? 13Сепак, јас викам кон Тебе, Господи, пред мугрите, со молитва Те претекнувам. 14Зошто, Господи, ја отфрлаш мојата душа? Зошто го криеш лицето од мене? 15Беден сум и умирам веќе од детството, изнемоштев, носејќи ги Твоите морничавости. 16Преку мене минаа виорите на Твојот гнев, Твоите стравотии ме засекоа, 17секој ден, ме опкружуваат како вода, сите заедно ме обиколуваат. 18Ги оддалечи од мене: пријателот и другарот, мракот ми е единствен познаник.
Currently Selected:
ПСАЛМИ 88: MKB
Highlight
Share
Copy
Want to have your highlights saved across all your devices? Sign up or sign in
The Macedonian Bible: Old and New Testament, Konstantinov
Copyright © 1999, 2004, by Loukas Foundation ®
Used by permission of City Bible Foundation ® All rights reserved worldwide.
