ПСАЛМИ 143
143
Молитва на верен во неволја
1. Тага и покајание
Давидов псалм.
1Господи, послушај ја мојата молитва, чуј ја мојата молба, по Твојата вистина; услиши ме по Твојата правда. 2Не оди на суд со Твојот слуга, зашто никој жив не е праведен пред Тебе! 3Непријателот ми ја гони душата, до земјата го притисна мојот живот; ме фрли да престојувам во темнина, како оние што умреа одамна. 4Мојот дух веќе примира во мене, моето срце трпне во градите. 5Си спомнувам за минатите дни, размислувам за сите Твои дела; размислувам за делата на Твоите раце. 6Ги пружам своите раце кон Тебе, мојата душа, како сува земја, жеднее по Тебе.
2. Молитва за избавување
7Послушај ме поскоро, о Господи, мојот дух изнемоштува! Не криј го Своето лице пред мене, за да не станам како оние што слегуваат во гробовите. 8Соопшти ми ја наутро Твојата милост, зашто се надевам на Тебе. Покажи ми го патот по кој да тргнам, зашто ја вознесувам душата кон Тебе. 9Избави ме, Господи, од моите непријатели, јас прибегнувам кон Тебе. 10Научи ме да ја исполнувам Твојата волја, зашто Ти си мој Бог. Твојот благ Дух нека ме води по рамен пат! 11Заради Твоето име, Господи, оживи ме, заради Твојата справедливост изведи ми ја душата од тешкотија! 12Според Твојата милост, сотри ги моите непријатели, погуби ги моите угнетувачите на мојата душа, зашто јас сум Твој слуга.
Currently Selected:
ПСАЛМИ 143: MKB
Highlight
Share
Copy
Want to have your highlights saved across all your devices? Sign up or sign in
The Macedonian Bible: Old and New Testament, Konstantinov
Copyright © 1999, 2004, by Loukas Foundation ®
Used by permission of City Bible Foundation ® All rights reserved worldwide.
