ПСАЛМИ 14

Безумство и дела на нечесни

За првиот пејач. Давидов псалм.

1Безумникот рече во своето срце: „Нема Бог!“ Се расипаа; нивните дела се гнасни нема кој да прави добро. 2Господ гледа од небесата на човечките синови за да види дали има некој разумен: кој да Го бара Бога. 3Сите свртија заедно, сите се расипаа; нема кој да прави добро, нема ниеден.

4Зар нема да се вразумат сите, кои беззаконуваат, кои ги голтаат Моите луѓе како да јадат леб? И не Го повикуваат Господа?

5Таму ќе затреперат од голем страв, зашто Бог е во праведно поколение. 6Ги засрамивте намерите на бедниот; но Господ е негово прибежиште.

7О, нека дојде од Сион, спасението на Израел! Кога Господ ќе ги врати заробениците од Својот народ, тогаш ќе се зарадува Јаков и ќе се развесели Израел.

Currently Selected:

ПСАЛМИ 14: MKB

Highlight

Copy