Markos 13
13
Kari Pgeela Kkuuka Sapah Thmkuwan
(Mat 24:1-2. Ruk 21:5-6)
1Mlatac peeyah Sapah Thmkuwan ciida ka Yesu, niqan 1 tnugsaan na rmengo heya: “Mptgesa, qtai, teyal ma uka ba hhwaun ka btunux nii! Uka ba hhwaun snlmean pnheyu nii!” 2Rmengo heya ka Yesu: “Mita su so nii knpruwan snlmean? Maha uka ani 1 btunux ini sliqi hmurah meniq tnnetun bobo btunux hini.”
Pskraya Nhdean
(Mat 24:3-14. Ruk 21:7-19)
3Meniq Dgiyaq Curung tleung mquri Sapah Thmkuwan ka Yesu, lmeing rmengo heya ka Petros, Yakobu, Yohane ma Andreas: 4“Rngage miyan, mmeyah knuwan ka ooda nii ho? Mpbale ba moda kana ka nii ciida ge, niqan pnskraya na ho?” 5Rmengo dheya ka Yesu: “Qlahang ka yamu, so uxe psridil yamu ka seediq. 6Meeyah ka hbaro seediq pooda ngayan mu, rmengo: ‘Yaku ka Kiristo’ mesa mpsridil hbaro seediq. 7Mbahang namu mccebu ma hrenang bgihur mccebu ciida, iya kiicu. Ida asi ka mooda so nii. Ani so kiya, uxe qnhdean nana. 8Mccebu seediq ka seediq, mccebu qnlhangan ka qnlhangan. Maha hbaro niqan krayan ma runu. Kana so nii we kiya ka prdingan ba mqraqil. 9Asi namu ka qmlahang nanak. Ado meeniq ka seediq, bege namu daha prngagan. Psruun namu daha sapah pssliyan. Ririh yaku ma mpheyu namu berah dmpdudul ma dqbsuran paru. Pgkela namu dheya. 10Kiya de, asi ka pllayun gmarang kana qnlhangan ka malu kari nii. 11Desun namu daha ma sbege namu daha seediq ciida we, iya plaale pslhebun mprengo su maanu. Betaq ciida, maanu ka kari bnege mu sunan we kiya ka rngaani. Ado uxe yamu ka gaga rmengo, Bgihur Utux ka kiya. 12Mtswai we phqilun na ka mtswai, tama we phqilun na ka lqlaqi. Lqlaqi we mptbrinah ma mphuqil tama ma bubu na. 13Ririh ngayan mu ka pqnqihun namu daha hbaro seediq. Kiya de ini klgelu knremun ka seediq we maha dooyun baga.”
Paru Mqraqil
(Mat 24:15-28. Ruk 21:20-24)
14“Nasi namu taan nii mheyu uxe hyegan na ka qnqihun ta madis smeeliq de (msepu we klai). Ciida, asi ka qduriq dgiyaq ka seediq ga meniq Yudaya. 15Ga dnamux ka seediq ge iya eyah truma, iya osa remux sapah ruma mangal qyqeya. 16Iya osa mbrinah maangal lukus ka seediq ga qnpahan. 17Ali ciida we maha mqraqil ka mqedil ga mchedil ma ga nmunuh laqi! 18Druni ka yamu, so uxe eeyah misan ka nii! 19Ado maha mqraqil ka ali ciida. Uka ka so nii ndaan, peeyah pnrdingan bobo dxeral snlmean Utux Baro betaq saya. Uxe maha uka so nii ka nexal. 20Nasi na ini stkuhi ali ka Bukung ge, kana muudus niqan heyi ma dara we uka ani 1 ka dooyun baga. Ani so kiya, ririh seediq gneegan na, wada na stkuhun ka ali da. 21Nasi rmengo yamu ka ani ima seediq ciida: ‘Tai, nii hini ka Kiristo!’ Iya ba snhii, ‘Tai, gaga hiya ka Kiristo!’ 22Ado meeyah ka mnnangi Kiristo ma uxe bale ba mpgeela kari mooda meepah pnskraya qneepah utux ma sklwiun ooda. Nasi mtduwa we, maha mpsridil seediq gneegan Utux Baro uri. 23Qlahang ka yamu. Wada maku pllayun rmengo kana ani maanu di.”
Meyah ka Laqi Seediq
(Mat 24:29-31. Ruk 21:25-28)
24“Meniq ali ciida, kiya ka bobo mqraqil,
pnkmanun ka hido, uxe mpkledax ka idas uri.
25Mptuting peeyah karac ka pngerah,
slgelu kana ka niqan klegan ga baro.
26Ciida, Taan daha ka laqi seediq nii dmoi paru beyax ma knledax paapa plabu meyah ka laqi seediq. 27Ciida, mpskagul snkgulan baro, mpsseli gneegan na seediq peeyah 4 bgihur, peeyah puting dxeral betaq puting karac.”
Pnungalan Kari Tnugesa Qhuni Nunuh
(Mat 24:32-35. Ruk 21:29-33)
28“Slhai ka pnungalan kari quri qhuni nunuh. Smtasin qhuni ciida ma hmeru waso de, klaun namu nii smdaling ka rbagan da. 29Mntena so nii. Taan namu meyah ka so ooda nii de, klaun namu smdaling ba da, gaga rhengun da. 30Bale ba rngage maku. Ini hrinas ciida na ka mknexal saya, maha mooda kana ka so nii. 31Mpkuuka ka karac ma dxeral. Kiya de kari mu we uxe mpkuuka ani betaq knuwan.”
Uka Seediq Mkela ka Ali Kiya
(Mat 24:36-44)
32“Ali ciida ma knuwan we ani ima ini kela. Ani snkgulan ga baro uri ma Laqi seediq uri we ini kela. Wano Tama nanak ka mkela. 33Qlhangi, kiiyo ka yamu. Ado ini namu klai meeyah knuwan ka ali ciida. 34Mntena so 1 seediq smwaye sapah ma mosa theya. Biqan na pusu beyax ka dtnqliyan na ma knkingal we biqan na qpahun daha. ‘Kiiyo’ kesun na rmengo ba ka mpqlahang rhengun uri. 35So kiya de, yamu we kiiyo. Ado ini namu klai meeyah knuwan ka tnpusu sapah. Ye gbiyan ho? Ye ceka rabi ho? Qgquwan rodux ho? Mgrebu ho? 36Uxe uri we asi lux meyah, taan namu na nii mtaqi. 37Kari srengo mu yamu we, kari rnengo mu kana seediq uri, Yamu we, kiiyo!”
Currently Selected:
Markos 13: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
