Smnlean 10

Lqlaqi Sem, Xam ma Yepet

(1 No 1:5-23)

1Nii ka lqlaqi laqi Noax: Sem, Xam ma, Yepet. Bobo snrnecux paru de, tmlaqi kana ka dheya. 2Laqi Yepet we Gomer, Magog, Maday, Yawan, Tubal, Mesek ma Tiyras. 3Laqi Gomer we kiya ka Askenaj, Riypat, Togamah. 4Laqi Yawan we Elisah, Tarsis, Kityim ma Dodan. 5Peeyah ckceka dseediq nii we niqan ka dseediq qnlhangan ga ssiyo rcilung trehak meniq ani inu. Dheya we niqan dxeral daha, txtaxa daha we niqan kari daha, pusu rudan daha ma qnlhangan daha. 6Laqi Xam we Kusu, Micrayim, Put ma Kenaan. 7Laqi Kusu we Seba, Xawilah, Sabta, Ramah ma Sabteka. Laqi Ramah we Suba ma Dedan. 8Tmlaqi Nimrod dungal ka Kusu. Heya we kiya ka tgplaale ba mnpahung ba bobo dxeral nii. 9Heya we seediq mptcamac, niqan ba pahung meniq berah Utux Tmninun. So kiya de niqan ka kari: “So su mntena Nimrod mptcamac niqan paru pahung meniq berah Utux Tmninun.” 10Plaale ba qnlhangan na we meniq Babel, Erek, Akad ma Kalneh. Ga meniq dxeral Sinar kana. 11Pneyah dxeral hiya mquri Asur, smnalu Nineweh, Rexobot, Kalax ma, 12Resen ga cenga Nineweh ma Kalax. Alang paru ka kiya. 13Micrayim we tnlaqi seediq Lud, Anamim, Lehabim, Naptuxiy, 14Patrusiy, Kasluxim ma Kaptor. Seediq Peliset we pneyah seediq Kaptor.

15Kenaan we tnlaqi Cidon tgparu laqi, dungal we tnlaqi Xet, 16Yebus, Amori, Girgas, 17Xiwiy, Arki, Siniy, 18Awadi, Cemariy ma Xamat. Bobo na de mkgarang ka pusu rudan Kenaan da. 19Ayus dxeral Kenaan we peeyah Cidon betaq Gerar, smdaling Ajah, betaq Sedom, Amorah, Admah ma Ceboyim betaq smdaling Lesa. 20Nii we kiya ka laqi ltlutuc Xam. Niqan pusu ddrudan, kari, dxeral ma qnlhangan daha nanak.

21Tmlqlaqi laqi ka Sem uri. Heya we qbsuran Yepet, kiya ka pusu rudan seediq Eber. 22Laqi Sem we Eylam, Asur, Arpaksad, Lud ma Aram. 23Laqi Aram we Uc, Xul, Geter ma Mas. 24Arpaksad we tnlaqi Selax. Selax we tnlaqi Eber. 25Eber we 2 laqi na rseno. Kingal we Peleg kesun, ado seediq qnlhangan ciida we wada mkgarang kana bobo dxeral. Yoqtan ka mtswai Peleg. 26Yoqtan we tnlaqi Almodad, Selep, Xacarmawet, Yarax, 27Hadoram, Ujal, Diqlah, 28Obal, Abimael, Seba, 29Opir, Xawilah ma Yobab. Laqi Yoqtan kana ka nii. 30Dxeral nniqan daha we pneeyah Mesa betaq Separ ga dgiyaq nklaan hido. 31Nii we kiya ka laqi ltlutuc Sem. Niqan pusu ddrudan, kari, dxeral ma qnlhangan daha nanak.

32Kana nii we kiya ka pusu rudan dlqlaqi laqi Noax, muyu so lqlaqi laqi daha smalu qnlhangan. Bobo rnecux paru de, peeyah dheya mkrehak bobo dxeral ka kana qnlhangan daha.

Currently Selected:

Smnlean 10: Stgdaya

Highlight

Copy