RUTH 4
4
Boaz In Ruth Hoi I
1Khua song mite tawk dun hmun khuasuah ah Boaz tu feh ai to i. Boaz ai a relhnak Elimelech ai songkhat pa tu ciata ah kawi ai Boaz in a hming in ko ai, “Heta ah to tu,” tiin ti i. A tihnak bangin to i. 2Cen Boaz in khua upate sawmkhat ko ai, “Heta ah to rih tu ih,” ti ai to tlang ve i. 3Ciafangin Boaz in a songkhat tlantu pa hnenah, “Naomi tu Moab ram an let zo ai kin songkhat Elimelech ai lo heh tunah zuar i.
4I rel nuamhnak tu, loram heh a tlan na nuam lekhaw he upate hmaiah tlan tu. A tlan na nuam hlah lekhaw kaimah i rel tu; zaimantifangin he loram tlan thil tuhin nangmah khiah hmasa isi ai kai tu hnuata sawn ing,” tiin ti i.
Ciapa in, “Tlan tuh ing,” tiin ti i.
5Ciafangin Boaz in, “Ciatihin Naomi hnenin loram tlan lesikhaw, loram tu mithi pa ai innsang kut songah a um tuh hlen in Moab mi lengleh nu Ruth khai tlan cih na kul tuh i,” tiin ti i.
6Ciafangin ciami pa in, “Ciatih ilekhaw loram heh tlan loin um tuh sawn ing, zaimantifangin i ro hmuahhmuah i sung sio pang fangin ti i lau i. Nangmah in tlan tuhang. Kai in tlan sawn hlah hang ing,” tiin Boaz khiah ti i.
7Cialai ah Israel ram songah thilri le lairam a zuar fangin ituseh, a thleng dun fangin ituseh, a hlunhnak dan tu: a zuartu in a kedawl hawk ai a tlantu hnenah pedan i. Ciatihin amahte thula cat ihang ti larruaihnak i.
8Ciamanin Boaz hnenah, “Nangmah in tlan tuhang,” tiin a songkhat pa in a ti fangin a kedawl hawk ai Boaz hnenah pe i.#Danp 25:9 9Ciafangin Boaz in upate le ciata ai a kawitu hmuahhmuah hnenah, “Elimelech le a fapate Chilion le Mahlon ai thilri le loram hmuahhmuah heh Naomi hnenin tlan zo ing ai tunnia ah ningmah heh ning veksen in thulingtu ihang i si. 10Ciahlaiah a thi zomi Mahlon ai nupui, Moab nupang Ruth khai i nupui ah cang ihang. Ciatihin thilri le loram tu mithi pa ai innsang songah um tuhai a miphun lakah le a khuasong ah a innsangte tu tel tuh hlen i. Tunnia ah ningmah heh thulingtu i si,” tiin ti i.#Danp 25:5-6
11Ciafangin upate le a teltute in, “I, thulingtu i ing. Na innsang songah a hleng tuhhnak he nupang nu tu Jacob ca ai fate tampui a cawitute Rachel le Leah bangin Bawipa in bawn tuseh. Ephrath hin songin milian na cang tu selai Bethlehem khua ah hming na thang tuseh.#Sem 29:31—35:18 12Judah le Tamar fapa Perez ai innsang bangin he nupang nu songin Bawipa ai na pe tuhhnak na fate in na innsang mawiruai tuseh,” tiin ti tlang i.#Sem 38:27-30
Boaz Le A Fate
13Cen Boaz in Ruth heh a inn ah tlungpui ai a nupui ah cang i. Bawipa in Ruth tu hmuifu pe ai naupai ai fapa in nai i. 14Cen khuasong nupangte in Naomi hnenah, “Bawipa tu thangphat in um tuseh. Nangmah na kilkhawltu tuhin Bawipa in tunnia ah tupa na pe zo i. Israel ram songah he naupang pa tu a hmingthang tuseh! 15Ani tu nunhnak thar na petu le na tar fangin na hnemtu cang tuseh. Cen a thi zomi na fapa ai nupui Ruth tu na ittu i ai fapate pa sarih tahin mi hnempui sawn i,” tiin ti tlang i. 16Naomi in a kut in nau cawi i; a kang songah awh ai nauniu kilkhawltu ah cang i.
17Cen nauniu tu a ompui nupangte in Obed tiin a hming bawn ai, “Naomi in fapa nai zo i,” tiin amahte hmuhnak hmuahhmuah rel i.
Obed tu Jesse ai pa i ai, Jesse tu David ai pa i.
18Hemite tu Perez in David tian amahte sendan i. Perez in Hezron nai i; Hezron in Ram nai i; 19Ram in Amminadab nai i; 20Amminadab in Nashon nai i, Nashon in Salmon nai i; 21Salmon in Boaz nai i; cen Boaz in Obed nai i; 22Obed in Jesse nai ai Jesse tu David#4:22 David tu Israel kumpibawi hmingthang i. ai pa i.
Currently Selected:
RUTH 4: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.