SAAM LABU 7
7
Dikcanghnak Hrang Sawngen#7:0 David Puahhnak La
1Aw Bawipa, i Pathian, nang tu
i buanhnak isi.
I hnawhtute hnenin i o tulai i hup tu.
2Ciahlah lekhaw aisu inkhai
i o ben nawn lohnak hmunah,
Chintit bangin i thiar tuh teu ai
Ciata ah i bal tuh sek i.
3Aw Bawipa i Pathian,
Mi pakhatkhat vumah thil tisual ai,
4I lam ṭangte engsan ai,
A um menma i ralte
tuahmawh lengkhaw,
5I ral in i hnawh in i pom tuseh;
I sat tu selai i rek tuseh;
I luang tu mualpho in laivut lakah
zam tuseh.
6Aw Bawipa, na thinraw
in tho tu.
I ralte ai thinrawhnak tawng tuhin tho tu.
Phawk tulai i bawm tu.
Zaimantifangin dikcanglairelhnak
thawn thukhan heh
na nuamhnak i.
7Na hiangah mi zongzong
kokhawm tulai, a vum lamin uk tu.
8Aw Bawipa, Nang tu
mi zongzong ai thukhantu isi;
Ciamanin i felhnak le i phathnak
bangin thu i khan tu.
9Nang tu a dikcangmi Pathian isi,
I ruathnak le i daihhnak khai thukhan isi.
Mihrokhrawlte ai phatlohnak boruai tulai,
Miphate lehsawng pe tu.#Thup 2:23
10Pathian tu i lum i ai i huptu i.
Amah ai daihhnak a hluntute huptu i.
11Pathian tu a dikcangmi thukhantu i;
Mihrokhrawlte tu hnawl tuh ṭio i.
12Amahte sir hlah lekhaw,
Pathian in a ralvang tat tuh i,
A li er ai sai tuhin tum zo i.
13A mirekhnak ralthuamte lang ai,
A liau hluahhlo conkiangte en i.
14Sik tu ih, hrokhrawl mite ai
thupolhhnak tu phatlohnak lek i.
Siatsuahhnak ian ruat tlang ai
mizawl tuh ian bawn tum tlang i.
15Lai ah khur thuk ngai co tlang i,
Cen a cohnak khur songah
amahte lehlam tlok tlang i.
16Amahte bawnhnak phatlohnak tu
amahte hnenah hleng leh ai,
Mi thisan suahhnak tu amahte
lu vumah hleng leh i.
17 Bawipa tu a dikcangmi
a imanin anghnak thu rel tuh ing.
Hmualnaiber Bawipa
hnenah Thangphathnak
la sa tuh ing.
Currently Selected:
SAAM LABU 7: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
