SAAM LABU 5
5
Himhnak Hrang Sawngenhnak#5:0 David Puahhnak La
1Aw Bawipa, i ponkam
i ngai tu hram lai,
I thincawlhnak aw i ngai sah tu.
2I kumpibawi le i Pathian,
Bawmhnak ngen ai i auhnak aw
i ngai tu. Aw Bawipa,
na hnenah sawngen ing.
3Zingsiar i sawngenhnak za isi;
Ni suak fangin i thula tu na hnenah
hlengruai ing;
Cen na tleuhnak iang in um ing.
4Sual bawnhnak ah a lungawitu
Pathian ilo isi; phatlohnak tu
na hnenah umruai lo isi.
5Tluangkhawng mite tu hmu
ben lo isi;
Mihrokhrawlte hmuahhmuah hua isi.
6Thudonreltu hmuahhmuah
hnawmcan ai,
Thisan suahhiamtu le mi zawlthaite
ningdul isi.
7Ikhalselai a khomi na ithnak
a thawmlian manin,
Kai tu na inn songah lut tuh ing;
Na Biakinn thianghlim songah
na bia tuhai, kihzahhnak thawn
na hmaiah ut tuh ing.
8Aw Bawipa Pathian,
i ralte tampui i; na daihhnak
bawn tuhin kong i hoi tu.
I hlun benhnak tuhin na lampui
tluangruai tu hram law.
9I ralte ai ponkam tu rintlak
hrimhrim lo i;
Mi siatsuah lek nuam tlang i.
A dangkhun tu hlankua
honghnak bang i,
A lai tu nal ngai ai mizawl thiam ngai i.#Rom 3:13
10Aw Bawipa, anite tu
hnawl tulai cawh tu law.
Amahte khuakhanhnak pha lo heh
Amahte tluhnak ah cangruai tu.
Amahte sualhnak tampui manin le
nangmah na engsanhnak
manin na umhnak an lon tusek.
11Na hnenai himhnak
a tawktu tu a lungawi tuh i,
Lungawi in la sa tlang tuh ṭio i.
Na ittute tu hup ṭiode isi.
Nangmah manin anite tu
mi lungawi taktak i.
12Aw Bawipa,
midikcangte tu hmuifu pe ai,
Na ninghiohnak in lum bangin
hup isi.
Currently Selected:
SAAM LABU 5: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
