LUKA 3

Baptisma Petu John Ai Thurelhnak

(Mat 3:1-12; Mar 1:1-8; Joh 1:19-28)

1Rome kumpimangbawi Tiberius#3:1 Tiberius tu Rome Emperor Lisanias i ai AD 14 in 37 tian ṭuan i. in ram a ukhnak kum hlainga kum ah Pontius Pilat#3:1 Pilat in Judea ram tu AD 26 in 36 tian uk i. tu Judea ram uktu Mangki bawi i ai Herod tu Galilee ram uktu i. Cen Herod ai upa Philip tu Iturea le Trachonitis ram uktu i ai, Lisanias tu Abilene ram uk tu i. 2Annas le Caiaphas tu Suangbawi Sang i. Ciami tikcucan dung ah ramkhing hampalak ai a umtu Zechariah ai fapa John hnenah Pathian ponkam hleng i. 3Ciamanin John tu Jordan Runpui hiangai ram hmuahhmuah tlawng zianzo ai, “Ning sual sir tu ilai baptisma lang tu ih; cen Pathian in ning sualhnak ning ngaithiam tuh i,” tiin thu rel betbo i. 4Prophet Isaiah ai ponkam tu laibu songah ngan in um i.

Ciami laibu songah: “Mi pakhat tu ramkhing ah au ai,

‘Bawipa ai lampui khiah remm tu ih,

a fehhnak lam pui khiah

nilruai tuh tu ih.

5Horkuam hmuahhmuah

silh tu ilai,

tlang le mual hmuahhmuah khiah

zawllairuai tu ih;

Lam kingkawn hmuahhmuah

cangruai tu ilai,

a bingbol hmuahhmuah in

rualruai tu ih.

6Miphun cangcang in Pathian ai

ohnak hmu tlang tuh i,’ tiin ti i.#Isa 40:3-5

7Mi tampui tu John ai baptisma lang tuhin a hnenah kawi tlang i. John in, “Ningmah rulte! A hleng cing tuh Pathian ai cawhhnak in ning luat thil tuh i tiin aisu in ning rel i?#Mat 12:34; 23:33 8Ning sualhnak sir le i sikhaw ning thil bawnhnak in larruai tu ih. Abraham heh kin pu ngawn i tiin ti tlang hnelhno mah ih. Fiang ngai in ning rel ing: Pathian in he lungto rin Abraham ai tesinfa ah cangruai thil i.#Joh 8:33 9Thingkungte a ham in vawnghnak tuhin haihpui dah cia zo i. Thai pha a thai lo mi thingkung tu vawng tuhai mai songah lon tuh i,” tiin ti i.#Mat 7:19

10Ciafangin mizapui in, “Cia lekhaw akontih in um tlang tuh i ing?” tiin zawt i.

11Ani in, “Angki zun hnih a naitu in zun khat heh a nai lotu hnenah sum tuseh; rong a naitu in a nai lotu khiah kawm tuseh,” tiin ti i.

12Siahkhawltu hrekkhat in John ai baptisma lang tuhin kawi tlang ai, “Sayapa, kin tang ziang bawn tuh i ing?” tiin zawt tlang i.#Luk 7:29

13Ani in, “Ning khuai tuh zah tah tam deuh lang mah ih,” ti i.

14Ralkapte hrekkhat in, “Kin tang? Akontih in bawn tuh ve i ing?” tiin zawt tlang ve i.

Anite hnenah, “Aisu hnen ahkhai khengkhebel in paisa lang mah ih. Thudon in aisu khai mawhhluk mah ih. Ning hlakhat hlawh zah in lungkhim tu ih,” tiin ti i.

15Mi zongzong in umlamhnak nai dekdo ai John tu Messiah ini im? tiin ngaihsunur in ruat tlang ṭen i. 16Ciamanin John in, “Kai incen tidap in baptisma ning pe ing. Ikhalselai mi pakhat kaimah tahin a lian sawn hleng tuh i. Kai tu a kedawl ri hawksahtu tuh rin i tlak lo i. Ani incen Rauhla Thianghlim le mai thawn baptisma ning pe tuh i. 17Fangkhaphnak ṭangṭa awh ai fang khap tuh i. Fangmu tu been songah phatak niu in dah tuh sio i, ikhalselai fanghite tu a hmit awng lomi mai songah tai tuh i,” tiin ti i.

18John in thuthangpha heh mizapui hnenah a phunphun in rel ai amahte ziaza thleng tuhin forh betbo i. 19Ikhalselai Mangki bawi Herod tu a naupa ai nupui Herodias hoi ai thil sual dangdang khai a bawn manin John in hau de i.#Mat 14:3-4; Mar 6:17-18 20Ciafangin Herod in John heh thawng ah toh ai ciatihin thil sual amam bawn i.

Jesuh In Baptisma Lang I

(Mat 3:13-17; Mar 1:9-11)

21Mi zongzong baptisma lang tlang sio hnuaah Jesuh khai lang ve i. Saw a ngen laitak ah van hong ai, 22Rauhla Thianghlim tu a vumah khuro bangin khop i. Cen vancung in aw thang ai, “Nangmah heh i ithnak mi i Fapa isi. Na vumah lung i awi i,” tiin ti i.#Sem 22:2; Saam 2:7; Isa 42:1; Mat 3:17; Mar 1; 11; Luk 9:35

Jesuh Ai Suahkehhnak

(Mat 1:1-17)

23Jesuh tu naṭuan a pan fangin kum sawmthum dung i. Mizapui in Joseph ai fapa i tiin ruat tlang i. Joseph tu Heli ai fapa i, 24Heli tu Matthat ai fapa i, Matthat tu Levi ai fapa i, Levi tu Melkhi ai fapa i, Melkhi tu Janna ai fapa i, Janna tu Joseph ai fapa i, 25Joseph tu Matthathias fapa i, Matthathias tu Amos ai fapa i, Amos tu Nahum ai fapa i, Nahum tu Esli ai fapa i, Esli tu Naggai ai fapa i, 26Naggai tu Maath ai fapa i, Maath tu Matthathias ai fapa i, Matthathias tu Semain ai fapa i, Semain tu Joseph ai fapa i, Joseph tu Joda ai fapa i. 27Joda tu Joanan ai fapa i, Joanan tu Rhesa ai fapa i, Rhesa tu Jerubbabel ai fapa i, Jerubbabel tu Shealtiel fapa i, Shealtiel tu Neri ai fapa i. 28Neri tu Melkhi ai fapa i, Melkhi tu Addi ai fapa i, Addi tu Kosam ai fapa i, Kosam tu Elmadam ai fapa i, Elmadam tu Ar ai fapa i, 29Ar tu Joshua ai fapa i, Joshua tu Eliezer ai fapa i, Eliezer tu Jorim ai fapa i, Jorim tu Matthat ai fapa i, Matthat tu Levi ai fapa i. 30Levi tu Simeon ai fapa i, Simeon tu Judah ai fapa i, Judah tu Joseph ai fapa i, Joseph tu Jonam ai fapa i, Jonam tu Eliakim ai fapa i, 31Eliakim tu Melea ai fapa i, Melea tu Menna ai fapa i, Menna tu Matthat ai fapa i, Matthat tu Nathan ai fapa i, Nathan tu David ai fapa i, 32David tu Jesse ai fapa i, Jesse tu Obed ai fapa i, Obed tu Boaz ai fapa i. Boaz tu Salmon ai fapa i, Salmon tu Nashon ai fapa i, 33Nashon tu Aminadab ai fapa i, Aminadab tu Admin ai fapa i. Admin tu Arni ai fapa i, Arni tu Hezron ai fapa i, Hezron tu Perez ai fapa i, Perez tu Judah ai fapa i, 34Judah tu Jacob ai fapa i, Jacob tu Isaac ai fapa i, Isaac tu Abraham ai fapa i, Abraham tu Terah ai fapa i, Terah tu Nahor ai fapa i, 35Nahor tu Serug ai fapa i, Serug tu Reu ai fapa i, Reu tu Peleg ai fapa i, Peleg tu Eber ai fapa i. Eber tu Shalah ai fapa i, 36Shalah tu Kainan ai fapa i, Kainan tu Arphaxad ai fapa i, Arphaxad tu Sem ai fapa i, Sem tu Noah ai fapa i, Noah tu Lamech ai fapa i, 37Lamech tu Methuselah ai fapa i. Methuselah tu Enoch ai fapa i. Enoch tu Jered ai fapa i, Jered tu Mahalalel ai fapa i, Mahalalel tu Cainan ai fapa i. 38Cainan tu Enosh ai fapa i, Enosh tu Sath ai fapa i, Sath tu Adam ai fapa i, Adam tu Pathian ai fapa i.

Currently Selected:

LUKA 3: RZB

Highlight

Copy