ISAIAH 48
48
Pathian Hmai lam Can Ai Bawipa
1Aw Israel mite, hemi heh ngai tu ih!
Judah tesinfate, phatak niu in ngai tu ih!
Bawipa ai hming sal in thukham ai,
Israel ai Pathian bia ing, ti isi.
Ikhalselai na ponghnak tu na ka ian i;
Na thinlung ah zaikhai um lo i.
2Ciahlaiah hngal ngai in,
“Kai tu khua thianghlim songah umtu ing;
Israel ai Pathian rinsan ing;
Amah ai hming tu Cungnungber Bawipa i,”
ti isi.
3 Bawipa in Israel hnenah,
“Khuahlanlai in thil a cang tuhhnak rel cia zo ing;
Cen cia sawngpah in khimruai ing.
4Na thinlung tu dar le thir bangin ruh roh in
um tuh i ti khiah ling cia zo ing!
5‘I bawnhnak i milimte ai rel cia i,’
na ti thil lohnak tuhin thil a cang hlanin
rel cia zo ing;
Hlanlaipui in rel cia zo ing.
6“I rel cia hmuahhmuah khim zo sio i;
I relhnak hman i, tiin pom kul isi.
Tunah a hleng tuhhnak thilthar na rel tuh ing;
A hlanah i phuang awng lai lohnak tu.
7Tun fang ian in cangruai tuh ing,
Hemi bang tu hnua lamah a cang awng lohnak thilte i.
Cang awng zo lekhaw kin lingciahnak i ti tuh isi.
8Na te sawngpah in mi engsantu isi ai,
Rinsan tuhhnak ilo isi, ti khiah i ling siohnak i.
Ciamanin i he thu tu na ling nuam lohnak le
ponkam kamkhat rin na bil ai
a hleng awng lohnak!
9“Mi in i hming i thangphat tuhin
I thinrawhnak heh sup ing;
I thin nemruai leh ai na siatsuah tuh lo ing.
10Ngun tu pummai songah a thiangruai bangin,
Tuarhnak mai songah ning cu i.
Ikhalselai man nai lo na ihnak khiah fiang ngai in ling ing.
11Ciamanin thil i bawnhnak heh i hming hrang ian ah bawn ing;
I hming tu thangsia in umruai thil lo ing;
Songlawihnak khai kaimah ai lek i ai
Aisu inkhai co tuh lo i,” tiin ti i.
Bawipa Ai Rilhnak Mi Cyrus
12 Bawipa in Israel hnenah,
“Aw Israel, i kohnak mite, i ngai tucuk ih;
Kai tu Pathian ing;
Hmasaber ing, hnuataber khai ing.#Isa 44:6; Thup 1:17; 22:13
Kaimah ian heh Pathian ing.
13Lailung vumai hamtohhnak tu i kut in bawnhnak i;
Vante khai i kut in a pharhhnak i.
Lai le van i ko fangin,
Cammalak in i hmaiah ding i.
14“Ning veksen in pumkhawm tu ilai ngai tu ih!
I rilmi pa in Babylon tawng tuh i, tiin
akon khuavang inkhai phuang cia thil lo i.
I bawnruaihnak tu bawn tuh i.
15A hnenah a pongtu le a kotu heh kaimah ing;
Hoi ai hlawhtlinghnak pe ing.
16I nong tu ilai i relhnak ngai tu ih!
A hampan in ning hnenah
Zaikhai thup loin rel ing;
I relhnak thu tu khim ṭiode i,” ti i.
(Tunah Cungnungber Bawipa in huham i pe ai i hlat i).
Minungte Ca Bawipa Ai Tumtekhnak
17Israel ai Pathian thianghlim, na otu Bawipa in,
“Kai tu Bawipa ning Pathian ing;
Ning phathnak tuhin ning zirhtu le
Ning fehhnak tuh lampui ah ning hoitu ing.
18I thupehnak ngai i silai maw!
Ning vumah hmuifu khiah
Zaikom inkhai a kang awng lo
runpui bangin luang tuh napui i!
Ning hnenah nehhnak tu,
Tipui kamai tilep a hleng cingcing bangin
hleng tuh napui i!
19Ning tesinfate tu tipui kamai runsiat zah i tuhai
laipua vumah a pairaltu i tuh lo napui i si!”
tiin ti i.
20Babylon an suak tu ih! Ning luat i, feh tu ih!
Ciami thu tu lungawi in au tu ih!
Khuahacang ah than tu ilai;
“Bawipa in a cengfa Israel o zo i!”
tiin au tlang tu dekdo ih.#Thup 18:4
21 Bawipa in a minungte tu
a car le a sa nelrawn lakin a hoi fangin,
Anite in tihalhnak zaikhai tuar tlang lo i.
Amahte caah lungpui songin ti suakruai i.
Lungpui tu khoiruai ai ti suak zurzo i.
22“Misual ca ahcen himhnak um lo i,” tiin
Bawipa in ti i.#Isa 57:21
Currently Selected:
ISAIAH 48: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
