SEMPANHNAK 13
13
Abram Le Lot Khekhnak
1Ciatihin Egypt ram an Abram heh suak ai, sak lam ram Negev lamah a nupui le a naihhnak veksen thawn feh tlang i. A hnenah Lot khai tel ve i. 2Abram tu milian ngai i ai; tuu, me le kawlpawrual tampui nai ai sui le ngun khai nai i. 3Negev in suak ai riahbuk pakhat hnua pakhat thawn betbo ai, a hmasaber ai riahbuk zarhnak Bethel le Ai khua karlak ram lamah hleng i. 4A hmasa ai hibawlhnak a tiang hmun a hleng fangin Bawipa ai hming ko i.
5Cen Abram thawn a fehtu ve Lot inkhai tuu, me le kawlpawrual tampui nai ai hnenumte khai nai i. 6Abram le Lot tu sumhnam tampui nai kawm veve ai aih tuh khamtlak hamhing ram um lo manin hmunkhat ah um kawm thil nawn lo i. 7Ciamanin amahte sumkhaltute karlak ah a rohpui in haudunhnak suak i. Cialaitak in Canaan mi le Perizz mite cia ramah um lai i. 8Ciafangin Abram in Lot hnenah, “Songkhat ising ai na minungte le i minungte tu hua dun tuh hnelhno khiah ilo i. 9Khek dun sawn ngasing. Na daihhnak ram ril tulai ciata ah feh tu. Kai tu hmundang ah feh tuh ing,” tiin ti i. 10Ciafangin Lot tu khuahlir ai, Bawipa ai vuandum le Egypt ram a bangmi Jordan varkam zawllai phairawn heh Zoar tianin ti tampui umhnak rampha hmu i. Cialai ah Sodom le Gomorrah heh Bawipa in siatsuah lai lo i.#Sem 2:10 11Lot in amah ca Jordan varkam zawllai phairawn a veksen in ril ai nisuah lamah ceer i. Ciatihin khek dun i. 12Abram tu Canaan ramah um ai Lot tu zawllai phairawn ai khuapuite lakah um i. Sodom khua hiangah buk sa i. 13Sodom khua mite tu mihrokhrawl i ai Bawipa hmaiah sual i.
Abram Hebron Ah Ceer I
14Lot thawn a khek dun hnuaah Abram hnenah Bawipa in, “Na umhnak hmun an sak le hlang, ziat le vai khuahacang khiah phatak ngai in sik tu.#Nal 7:5 15Na hmuhnak ram hmuahhmuah heh nangmah le na tesinfate hnenah ning pe tuhai kumzangza in ning ram cang tuh i. 16Tesinfa tampui na pe tuhai laipua vumai laivut siar cawk lo angin na tesinfate khai siar cawk tuh lo i. 17Cen he ram heh a pumpalah in hal tu sio; zaimantifangin a veksen in na pe tuh ing,” tiin ti i. 18Ciamanin Abram tu a riahbuk thawn ai Hebron khua ai Mamre cianghlim thingkung hiangah khuato i. Ciata ah Bawipa ca tuhin puleng tiang i.
Currently Selected:
SEMPANHNAK 13: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
