SEMPANHNAK 11
11
Babel Lungdawl
1Hlanlai ah laivum pumpuhluk minung hmuahhmuah in pong phunkhat lek nai ai cafang a bangvek hmang tlang i. 2Nisuah lamah vakvai in Babylonia nelrawn hleng tlang ai ciata ah khuato tlang i. 3Ciafangin, “Kawi tu ih, ukkhe bawn in mai ah rawh tlang ngasing,” tiin pakhat le pakhat ti dun i. Ciatihin innsahnak ah ukkhe nai ai a bethnak ah ṭhung hmang tlang i. 4Anite in, “Kawi tu ih; kin ca khuapui sa tlang ngasing khaw van ban in lungdawl bawn tuh ising. Kinmah ca hming nai tu ve seh; cen laivum pumpuhluk ah kin piak tuh lo i,” tiin ti dun tlang i.
5Ciafangin minungte sahnak khuapui le lungdawl sik tuhin Bawipa zuktolh i. 6Bawipa in, “Sik tu ih, hemite heh amahte veksen in miphun phunkhat lek i ai pong phunkhat lek hmang i. Amahte bawn tumhnak a pan ngom lai i. A rai hlanah amahte bawn tumhnak hmuahhmuah bawnsuak tuh sek i. 7Ciamanin feh ngasing khaw pakhat le pakhat pong ling dun thai loin amahte pong cokrawi sah tuh sek ising” tiin ti i. 8Ciatihin Bawipa in minungte heh lailung vum khuahacang ah piakruai sek ai khuapui tu sa ben leh lo i. 9Ciami khuapui heh Babel#11:9 Babel tihnak tu Babylon tica i ai Hebrew in balal tiin ko ai cokrawi sek ti thawn a awsuah bang dun i. tiin ko i, zaimantifangin ciata ah minungte pong heh Bawipa in cokrawi sek ai, laivum pumpuhluk ah piakruai sek i.
Shem Ai Tesinfate
10Shem ai tesinfate tu a hnia lamai bangin i. Tilawi tlung hnua kum hnihhnak ah, Shem tu kum zakhat khim ai fapa Arpachshad nai i. 11Cia hnuaah kum za nga nung ai a dang fapa le a dang fanute khai nai i.
12Arpachshad tu kum sawmthum le kum nga a khim fangin fapa Shalah nai i. 13Cia hnuaah kum za li le kum thum nung ai a dang fapa le a dang fanute khai nai i.
14Shalah tu kum sawmthum a khim fangin fapa Eber nai i. 15Cia hnuaah kum za li le kum thum nung ai a dang fapa le a dang fanute khai nai i.
16Eber tu kum sawmthum le kum li a khim fangin fapa Peleg nai i, 17Cia hnuaah kum za li le kum sawmthum nung ai a dang fapa le a dang fanute khai nai i.
18Peleg tu kum sawmthum a khim fangin fapa Reu nai i. 19Cia hnuaah kum zahnih le kumkua nung ai a dang fapa le a dang fanute khai nai i.
20Reu tu kum sawmthum le kum hnih a khim fangin fapa Serug nai i. 21Cia hnuaah kum zahnih le kum sarih nung ai a dang fapa le a dang fanute khai nai i.
22Serug tu kum sawmthum a khim fangin fapa Nahor nai i. 23Cia hnuaah kum zahnih nung ai a dang fapa le a dang fanute khai nai i.
24Nahor tu kum kul hluankua a khim fangin fapa Terah nai i. 25Cia hnuaah kum za le hlaikua nung ai a dang fapa le a dang fanute khai nai i.
26Cen Terah tu kum sawmsarih a khim fangin fapate Abram, Nahor le Haran nai i.
Terah Ai Tesinfate
27Terah ai tesinfate tu Abram, Nahor le Haran i. Haran tu Lot ai pa i. 28Haran tu a pa Terah a nung laiah Khaldea ram, a senhnak Ur khua ah thi i. 29Abram in Sarai hoi ai Nahor in Haran ai fanu Milcah hoi i. Haran tu Iskah ai pa khai i. 30Sarai tu fa nai thil lo i, zaimantifangin nucing i.
31Cen Terah in a fapa Abram le a fasuan, Haran ai fapa, Lot le Abraham nupui Sarai heh lang ai Canaan ramah feh tum in Khaldea#11:31Khaldea tu Babylon ti inkhai ko thil i. ram Ur khua an suak tlang i. Ikhalselai Haran khua tian feh tlang ai ciata ah khuato tlang i. 32Terah tu kum zahnih le kum nga a khim fangin Haran khua ah thi i.
Currently Selected:
SEMPANHNAK 11: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
