LUATSUAKHNAK 23
23
Dikcanghnak Le Felhnak
1“A dik lo thuthang than tuh lo i si. A mawhmi bawm nuam in a dik lo thu rel mah.#Luat 20:16; Sua 19:11-12; Danp 5:20 2Thilsual bawn tuhin mirual sawn hlun tuh cuang lo i si. Thuheng dun hmunai thurelhnak ah mi tamsawn ai lungkhimhnak bawn nuam in a dik lomi thu rel mah. 3Mifarah pa ai thu a rel fangin a farah manin bawm deuh cuang mah.#Sua 19:15
4“Ning ral ai kawlpaw ihlahle laak vaivak in tawk le i sikhaw a hnenah tlut tuh i si.#Danp 22:1-4 5A siphuh heh a thilrit manin bual lekhaw hlum in zam sah tuh lo i si; a siphuh heh tho bawm tuh i si.
6“Ningmah lakai farah nauta ai thu ning rel fangin cawh tuh lo i si.#Sua 19:15; Danp 16:19 7Thudik loin midang sualpuh tuh lo i si. Mawhhnak a nai lomi rek tuh lo i si. A rektu um lekhaw zuah tuh hrimhrim lo ing. 8Nawhthuh lang tuh lo i si; zaimantifangin nawhthuh aitu in, a nawhthuh aihnak in a mit cawruai manin, thudik hmu thil nawn lo ai mawh nai lomi ai lampui khai pitruai sio i.
9“Ramdang mikhual zohsuam mah ih; ningmah khai Egypt ramah ramdang mikhual cang rih awng ai mikhual heh zaibang i ti ling zo i si.#Luat 22:21; Sua 19:33-34; Danp 24:17-18; 27:19
Kum Sarihhnak Le Ni Sarih Nia
10“Kum ruk song ning lo ah hlaici cing tu ilai, a suakhnak heh khawm tu ih.#Sua 25:1-7 11Ikhalselai kum sarihhnak tu cawlumruai tu ilai lo songai pomi zaikhai khawm mah ih. Lo songah a pomi um lekhaw ningmah lakai mifarahte in khawm tuhai a valhnak heh ramsa zuvate in ai tu menma hang seh. Ciatih bang thotho in ning cabit vuandum le ning olive vuandum khai bawn tuh i si.
12“Niruk song naper tuhai ni sarih nia tu cawlum tuh i si. Ciatihin ning kawlpaw le ning siphuhte khai cawlum tuhai, ning hnenumte le ning mikhualte khai thathar ngah tlang tuh i.#Luat 20:9-11; 31:15; 34:21; 35:2; Sua 23:3; Danp 5:13-14
13Ning hnenai i relhnak hmuahhmuah heh ngai tu ih. A dang khuavangte hming heh a sal khai sal mah ih; anite hnenah saw khai ngen mah ih.
A Lianpui Puaite Phunthum
(Luat 34:18-26; Danp 16:1-17)
14“Kum khat songah kaimah upathnak ah puaite pathum bawn tuh i si. 15Col tello sang puai bawn tuh i si. I rel cia bangin ni i tiamhnak Abib hla ah ni sarih song col tello sang ai tuh i si; zaimantifangin cia hla ah Egypt ram an suak i si. Kut lolek in i hmaiah aisu khai kawi tuh lo i si. Kutken thawn i bia tuhin kawi tu ih.#Luat 12:14-20; Sua 23:6-8; Mip 28:17-25
16“Ning lo ai ning cinghnak rong khawm cu ai a hmasaber ning khawm fangin Rongthar Puai bawn tuh i si.
Cen kum bo#23:16Kum bo tihnak tu rong siar kum i ai October 15 dung fangin bo i. ai ning cabit vuan le ning lo songin thingthaite ning khawm fangin Rongkhawm puai#23:16Rongkhawm puai tihnak tu Hlambuk Puaiti inkhai ko i. bawn tuh de i si.#Sua 23:15-21, 39-43; Mip 28:26-31 17Ningmah lakin pasal hmuahhmuah in kum khat vel thum, he puai can ah, kaimah Bawipa ning Pathian hmaiah kawi tuh de i si.
18“I hnenah hibawlhnak sel ai sumhnam ning pe fangin col roihhnak sang hmang tuh lo i si. Kaimah ca ning bawnhnak puai ah ning rohnak sumhnam ai sathaute heh a thangha tian val tuh lo i si.
19“Ning lo ai ning langhnak a pha ber rongthar tepawl heh Bawipa ning Pathian ai inn songah koih tuh de i si.
“Tuu faniu tu a pui hnawiti in suang tuh lo i si.” #Danp 14:21; Luat 34:26; Danp 14:21; 26:2
Thukhamhnak Le Thuzirhhnak
20“Ning lamtluanah ning kilkhawltu tuhin le ning ca i pai cia ramah kong ning hoitu tuhin ning hmaiah vancungmi pakhat hlat tuh ing. 21Ani tu upat tu ilai a relhnak thu heh ngai in hlun tuh i si. Ani tu kin daih lo i tiin ralsan tuh lo i si. Zaimantifangin kaimah in hlat ing. Ralsan pang le i sikhaw ning ngaithiam tuh hrimhrim lo ing. 22Ikhalselai amah thu ngai ai i relhnak hmuahhmuah bawn le i sikhaw ning ralte heh kaimah in tawng tuhai ning raltute heh i ral cang tuh ve ing. 23I vancungmi heh ning hmaiah feh tuhai Amor mi, Hit mi, Perizz mi, Canaan mi, Hiv mi le Jebus mite ai ramah ning hoi tuh i. Ciamite heh kaimah in siatsuah tuh sek ing. 24Ciamite ai khuavangte heh bia mah ilai anite hmaiah ning lu ut tuh lo i si. Hemite ai bawndan in bawn tuh lo i si. Anite ai khuavangte heh siatsuah tuseh ilai a khuarum tepawl khai cek sah tusek ih. 25Ning tu Bawipa ning Pathian bia tuh i si; Ti le rong in hmuifu ning burh tuhai ning hnenin urhnak heh ning lang sah tuh sek ing. 26Ciami ning ramah nupang in fazulh ti um tuh lo ai facing ti khai um tuh lo i. Ning san khai ning sauruai tuh ing.
27Ning tawngcaitute heh kaimah i kih tuhin a vumah naper tuh ing. Ning tawngcaitute lakah buaihnak hlengruai tuhai ning ralte heh khel lamah let tuhai tlanruai tuh sek ing. 28Ning hmaiah a laukul khoipuite hlat tuhai Hiv mi, Canaan mi le Hit mite heh ning hleng hlanah ning hnawt sah tuh sio i. 29Kum khat songah hnawt tuh lo ing, zaimantifangin ramkhing ah cang pang tuhai ramsate pungzai in ning ca tam ze pang tuh i. 30Ning pungzai amam ai ram pumpuhluk ning lang ben hlanlo, tlawm niuniu in hnawt tuh cekco ing. 31Ning ramri tu Tipui San ai panin Mediterranean tifingriat tian kauruai tuhai hlang lam nelrawn in Euphrates runpui tian sauruai tuh ing. Ciami ram songai a ummi minungte vumah huham ning nairuai tuhai hnawt tuh sek i si. 32Amahte thawn ituseh, a khuavangte thawn in ituseh lungkhimhnak bawn tuh lo i si. 33Ning ram songah umruai tuh lo i si; umruai le i sikhaw i vumah sualhnak ning bawnruai tuh i. Amahte khuavangte bia le i sikhaw ning bahsual tuh tengteng i,” tiin ti i.
Currently Selected:
LUATSUAKHNAK 23: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
