NALANGTE 6
6
Bawmtu Upate Pasarih
1Can a rai hlanah hnuahlunte tam amam ai Judah mite le Greek pong in a pongtu Judah mite lakah thubuai um i. Greek pong a hmangtu Judah mite in nisiar amahte kulhnak laihnak tuhin tangka zem tlang fangin hmaitongte in a co tuh zah co lo i, tiin thu um i. 2Ciamanin nalangte hlaihnih in sangtute hmuahhmuah heh hmunkhat ah ko ai, “Tangka thula tawlrelhnak ah Pathian thurel ngulsul lesingkhaw pha tuh lo i. 3Ciamanin u le naute, ningmah lakah Rauhla Thianghlim le fimhnak in a dimmi minung pasarih ril tu ilai anite heh he thula tawlreltu ah dah tuh ising. 4Kin tu kin can veksen in sawngenhnak le thurelhnak ah hmang tuh i ing,” tiin ti tlang i.
5Nalangte hlaihnih ai ruathnak khiah amahte veksen in lungkhim tlang ai ciatihin sanghnak le Rauhla Thianghlim in a dimmi Stephen, Philip, Prochoras, Nicanor, Timon, Parmenas Antioch khua in Judah biahnak ah a luttu Gentile mi Nikolaus khai i. 6Amahte pasarih tu nalangte hnenah fehpui ai amahte lu vumah kut suan tlang ai sawnget i.
7Cen Pathian thu tu zai amam i. Hnuahlunte khai Jerusalem khua songah pungzai amam ai suangbawite tampui in amahte sanghnak khiah pompui ve i.
Stephen Pomhnak
8Pathian in hmuifu tampui pe ai a thawmlian huham thawn a dimmi Stephen in mizapui lakah ngaihsunurkul le ngaihtamkul bawn i. 9Ikhalselai Salsuak pawl#6:9 ‘Salsuak pawl’ tihnak tu Judah mite zuahnak salte i ai sal ihnak in a luat zo mite i. songin Stephen thawn thu eldunhnak suak ai cia Stephen thawn thu elduntute lakah Cyrene khua le Alexandria khua in a hlengtu Judah mite khai tel i. Cen Cilicia le Asia ramai Judah mite khai tel ve i. 10Ikhalselai Stephen tu Rauhla in fimhnak pe ai a pong fangin aisu inkhai el ben lo i. 11Ciamanin mi hrekkhat khiah, ‘Moses le Pathian thangsiat in a pong za i ing,” tiin ti tuhin nawhthuh pe i. 12Ciatihin mizapui, upate le Danthiam mite tu thinraw thai in forh i. Stephen tu pom ai Council upate hmaiah suahpui i. 13Cen thudon hluktu tuh pawl fehpui ai, ‘Hemi pa heh kin Biakinn Cianghlim le Moses ai dan khai nautat zohsuam in pong ṭiode i. 14Hemi Nazareth mi Jesuh in he Biakinn heh bal tuh sio ai Moses ai san in kinmah ai san tian a umhnak kin pupate ai dan khai thleng tuh sio i, tiin a pong lak za i ing,” ti i. 15Council pumkhawmhnak songah a teltu hmuahhmuah in Stephen sik tlang ai a mithmai tu vancungmi ai mithmai bangin hmu tlang i.
Currently Selected:
NALANGTE 6: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
