Malakia INDRAY MIJERY
INDRAY MIJERY
Ny bokin’i Malakia dia isan’ny farany ara-potoana ao amin’ny Testamenta Taloha, ary isan’ny Mpaminany roa amby folo madinika. Ny anarana hoe Malakia dia midika hoe Ny irako, na Ny anjeliko. Taorianan’ny fiverenana avy any amin’ny fahababoana no niasany.
Ny votoatin’ny Boky
Efa tafatsangana indray ny tempoly, kanefa mila hanjaka ao amin’ny Fiangonana ny fahakiviana sy ny faharerahana ara-panahy. Izany dia miseho amin’ny fomba fanatanterahany ny fanompoana an’Andriamanitra, izay tsy misy fanajana akory: Raha manolotra fanatitra izy dia biby efa misy kilema no ateriny; ny mpisorona dia tsy manao tsara ny asany fa nivadika ny fanekena, tsy mitandrina ny lalànan’Andriamanitra ary mizaha tavan’olona; nahazo toerana ny fisaraham-panambadiana ary maro ny maka vady avy amin’ny Jentilisa mpanompo sampy. Izany rehetra izany no ambaran’ny mpaminany fa tsy fahaizana mamaly fitia an’Andriamanitra ary tsy mampisy ny fitahiana.
Ambarany fa ho avy ny Andron’NY TOMPO izay ho andro famaliana ny mpiavonavona, fa hamirapiratan’ny marina kosa ka hiverina indray ny fanompoana marina an’Andriamanitra. Ambarany koa fa alohan’izany dia ho avy indray i Elia. Ao amin’ny Filazantsaran’i Matio dia ambara fa tanteraka amin’ny fisehoan’i Jaona Mpanao batisa izany (Mat 17.10-13).
Ny firafitry ny Boky
Lohateny amin’ny Boky: 1.1
Ny fitiavan’NY TOMPO ny Israely: 1.2-5
Ny fomba tsy mendrika anatanterahan’ny Fiangonana sy ny mpisorona ny fanompoana an’Andriamanitra: 1.6–2.9
Ny amin’ny fisaraham-panambadiana sy ny fakàna vady amin’ny Jentilisa: 2.10-16
Manakaiky ny Andron’NY TOMPO: 2.17–3.6
Mila mibebaka ny olona ka hanompo amin’ny fahatokiana: 3.7-12
Hamaly soa an’ireo izay matahotra Azy Andriamanitra: 3.13-21
Fampitandremana sy teny fikasana: 3.22-24
Currently Selected:
Malakia INDRAY MIJERY: BPFF
Highlight
Share
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 2011.