Matai 28
28
1Vwu alutile usabati vwu kutengula ukukya palitsuva ililongotsi lya pajuma, pwu UMalija va mu-Magatala nu-Malija ujyunge vakabiha kwilola uvuguli. 2Pwu vakakeńemuka ikilunga kilindima sitso, ulwakuva unsuṅwa va Nguluve ahumile kukyańa itsile avusitse iliganga pandyango, lyu atamilepwo. 3Ukuvoneka umwene avonekaga uta lumuli lwa nzasi, nimisabwa gya mwene igyu aswalile gikava mivalasu vuvule uta nala. 4Vwu vambwene avalolelaga uvuguli pwu vakakeńemuka, uludwado lukavavona, vakagwilanila vwu vangwike. 5Umwene unsuṅwa akavavula avadala akata: Uńe ndadwadaga. Mańa ndilumańile mukundonda UJesu uvi atovelilwe pakidamiṅanye. 6Namuli umu. Mańa atsukile nduvwu atsovile atye nditsukaga. Ukwi ndole upwu agonile unkuludeva. 7Mbihage ṅani-ṅani nkavavule avakongi va mwene nkatetsage: Atsukile umwu aswe, ilongola mbulongolo ukubiha mu-Galilai. Mwu ndatsikumbona. Lola ndivavulile. 8Pwu vakańila ukuhuma mbuguli, vakahanza vakata nukudwada vakata nuku…hekela, vakakuja vakatsikuvavula avakongi va mwene. Munzila vwu vibiha kukuvavula avakongi va mwene, 9pwu vakakeńemuka vikwaganila nave UJesu. Vi akatsova navo akata: Ndikuvapembetsa. Avene vakańilila kumana vakamwibata amalunde vakisaja kumwene. 10Pwu UJesu akata: Kwu bako ukudwada. Mbihage nkavavule avajango vabihage mu-Galilai mwu valambona uńe.
11Avene vwu valutile pwu avange avasikali avalolelaga uvuguli vakabiha mbutsenge mu-Jelusalemu, vakatsikuvavula avateketsi avavaha itsivonike. 12Vwu vakalundamana navańivaha avenekivumbuko vakatsovana. Pwu vakavahomba sitso avasikali indalama 13vakata: Mutetsage avakongi va mwene vitsile pakilo vamitsile vwu itulu tsitulemile. 14Tungave tuvwene apulike undolelakilunga, pwu tukunnunatsa uvwe, uńe mukinage vuvule. 15Pwu avene vakupilila indalama, vakatsova itsu vavavulaga. Pwu ligenda mba-Juta ilimeńu ili nakulino kunu, lyu vitsova sikutsoni.
16Avene avakitsigo numpamato vakabiha mu-Galilai pakidugala ikyu avalagye UJesu, ikyu atye tutsikwaganilaga. 17Vwu vambwene pwu vakisaja kumwene. Avange vakinana mwitumbu. 18Umwene UJesu akahegelela akatsova navo akata: Amaka goni naga kukyańa naga pasi ndipevilwe une. 19Pwu ndita: Mbihage lino nkavapelelage vakongi vango avanu isivumbuko syoni upwu mukuvotsehetsa mwitavwa lya Nguluve udadaje nilya nswambe nilya Mepo umbalatse, 20nkavamańisage ukukonga tsoni tsitsu ndivalagye une. Lola ndili nuńe sikutsoni vuvule nditsisikaga nuńe nakuvusililo ikilunga.
Currently Selected:
Matai 28: Kinga
Highlight
Share
Copy
Want to have your highlights saved across all your devices? Sign up or sign in
New Testament in Kikinga © British and Foreign Bible Society, 1961.
