MALAKI 3
3
1 “Ambuyenyi, njiduma msu oko, naṟeheṟe njia oshangunyi loko; na Mndumii chu mokemshiha nechea hekalu lyake faṟa; msu ulya o mkundana mokechihiṟo nyio, ambuyenyi nyi aicha, Mndumii Menyi Matoṟito ahamba.”
2 Indi nyiu echiidima iwedia mkonu fo foicha lyake? Ang'u nyiu echiidima ihoṟoka ili echiwono. Kyamba nafananyi na modo fo mndu aisanja fesa, kafanana na mndu mosanja nguwo, kawa cha sapunyi, 3nao nechidamia cha mosanja fesa, nechihaluo wana wa Lewi waele, nechiwasanja cha sahabu na fesa, wechidasia Mndumii kui wulohi na wusumhanyi. 4Mandi ho shidaso sha Yuda na Yerusalemu shechichihiṟa oshangunyi lo Mndumii, cha mkonu iya ya kacha, cha maka iya ya kuwoka.
5“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.
Shidaso na shiano shishiteṟie
6“Kipfa inyi Mndumii njekeweṟukaweṟukapfo; nkyo kitewe mularumatso, nyo wana wa Yakobo. 7Wokia mkonu ya ndeanu mulekaa kihadi, mkada mawawaso hako. Njiwuyeni na inyi njimuwuuye, Mndumii Menyi Matoṟito ahamba. Indi nyo muihamba. “Luwuye luda?” 8Ngesa mndu o wandu nechiidima iiwia Ruwa? Indi nyo munjiiwia inyi. Na mukawesa, “Lulekuiwia luda?” Mulenjiiwia mwano na shidaso. 9Nyo nyi mui wasese, kipfa mokaria injiiwia inyi, yee wandu wa wose. 10 Endenyi mwano fusumhanyi kikumbinyi, kuwade kando mbenyi yako, munjiheshe mudo, Mndumii menyi Matoṟito ahamba, muwone kokoya njilechimupfunguya matiṟisha ha ruwehu na imsotsia mboṟa mtano mowuṟa handu hewika ang'u ote. 11Na inyi kipfa kyanu njechidedia molya, manya echinyamaṟa mbeu tsa demenyipfo; ma msabibu fonu fochiolotsa ndunda kiheri kilameshika-pfo, Mndumii menyi Matoṟito ahamba. 12Masanga hose hechimulaha nanga, kipfa mochiwa oruka luchihiṟie mnu, nyi wudo Mndumii menyi Matoṟito ahamba.
13“Madedo hanu hawa maumu, Nyi wudo Mndumii ahamba, ‘Indi nyo muihamba, madedo ho lohamba nyi maki?’” 14Mohamba, “Kuwode kiira iṟundia Mndumii-Ruwa-pfo, ‘Nyi kiira kiki luwode ili lulekusiria mawawaso hake na ikuinadia oshangunyi loke Ichu menyi Matoṟito? 15Wulalu luihamba ke wenyi orikiki nyiwo wai nanga, wewuta mawicho nyiwo waonyishe na walya wehesha Mndumii nyiwo wachiṟo.’”
16Nahong'u walya waindie Mndumii wakawiana wo wenyi na wenyi. Na Mndumii kaadanyia, kaicho; na kitapu kya ngumbuo kikaendo na iṟehio kipfa kya walya waindie Mndumii na ikusaṟa kya rina lyake. 17“Wo wechiwa wako,” Mndumii menyi Matoṟito ahamba, Kiidi kya mkonu njifutana, wechiwa kisa kyako, “Inyi njechimulekia, cha mfee molekia mana oke ekemṟundia. 18Nlyong'u mochiwuya na imanya wecha na wawicho na weṟundia Ruwa nyi waki na walamṟundia.”
Currently Selected:
MALAKI 3: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
