Matewuji 3

Laleya wa Juwawu Mbatizi

Markuji 1:1-8; Lukaji 3:1-9,15-17; Juwawu 1:19-28

1Muwari mwa malambo anne Juwawu Mbatizi ohokumelela#3:1 Kawongaga muwari mwa malambo anne anawonga tempu Yesu agabaliwe. Kinaiziweya pama zela yaka dimanle kuma vabaliwe Yesu fiyeda tempu yakumelela Juwawu. So inaiziweya ira Juwawu agabaliwe, vohovira medi mitanu na mmohi, nomala eno Yesu pabaliwa liye. Zela baliwa wa Juwawu, nione Lukaji 1:5-24,26,36,57-80. isalesale ya Judeya roma alaleyaga atu eraga: 2<<Twaruwani, tchoira Umwene wa zulu uhuwandamela.>> 3Juwawule ali wenno namafiyiheda Izaiya#3:3 namafiyiheda Izaiya aliwo wandamelana yaka 700 mulombwana Juwawu ahanabaliwe. amuwongile liye eraga:

<<Ukala nizu nnakuwa muisalesaleni niiraga: <Sakanyedani rampa wa Nabwiya. Ongolani ndila inafuna liye vira.> >> # Izaiya 40:3

4Mulombwana Juwawu awara jowara josakanyiwa na mawoya a akamelo eto omangelela mmwinini mwaye sintu nasakanyiwe na tembe. Jodja jaye adjetcha miserebo na nuwi da mukokolani.#3:4 Juwawu awara jowara josakanyiwa na mawoya a akamelo… Jodja jaye adjetcha miserebo na nuwi da mukokolani. Mazwala ananiwandela ira Juwawu Mbatizi kaali mutu ooneya nnga mundimuwa okwaranya, tchoira jowara jaye na jodja jaye jali ja aliba simela.

5Mulombwana Juwawu agadowile muhindje eriwa Jordawu, kohoza atu adjindji kakumelaga Jeruzalemu na porovinsiya ya Judeya na vilambo dowandamela muhindje Jordawu ule ira kavuruwane laleya waye. 6Mwa enne aliwa korumelela jotega jiwa, liye abatizaga muhindje Jordawu.#3:6 liye abatizaga muhindje Jordawu: Navenda mazu anafwanyeya mBibiliyani, kannafwanya ira Mulugu oharuma aIzarayeli wanle ira kabatiziwege. Batiza tchi yengo ixa iromile lrembiwa mBibiliyani zela mulombwana Juwawu. Fwanyeya ira amurumile Juwawu ira aabatizege atu ali Mulugu. (Juwawu 1:31-33) Eto fwanyeya ira batiza wa Juwawu ali mwiko, hiya mbasiyani.

7Mwa ora yenno, kohokalawo andimuwa oasogolrelra aJudewu zela ja Mulugu. Amohiwa kali nikuru na aFarizewu, amohiwa kali nikuru na aSadusewu.#3:7 aFarizewu ali nikuru nimohi eni nafwanyeya muwari mwa aJudewu. Aliwa kali atu ozuzumela ja Mulugu na makalelo ohiyana-hiyana eto aliwa baasogolrelra aJudewu afwiwa zela ja Mulugu. (Matewuji 23:2; Juwawu 3:1,10) Oindjiva kafwanyeya kagali atu ovitukulela. Yesu ohowonga mazu madjindji muwari moasumulula aFarizewu na mwasa wa joira jiwa. Muwari mwa aFarizewu, omuroromela Yesu tchali anene. (Matewuji 23:1-35; Lukaji 18:9-14) Eto aSadusewu ali nikuru nimohi niwa nafwanyeya muwari mwa aJudewu akokene. ASadusewu vamohi na aFarizewu kafwanyeya kagali andimuwa oasogolrelra aJudewu zela ja Mulugu. ASadusewu eto tcharoromela ira mutu akwa, unovenya mokwani. Eto tcharumela ira angelro kohokalawo. (Joira ja Anamarumiwa 23:8) Mwa enne Juwawu vaaonnege liye adjindji kazaga, kafunaga jobatiziwa na liye, ohovayela asumulula#3:7 vaaonnege liye adjindji kazaga, kafunaga jobatiziwa na liye, ohovayela asumulula: Fwanyeya ira Juwawu ohoroma asumulula aFarizewu na aSadusewu anno kazele batiziwa. Tchoira Juwawu amubatiza wenno atwaruwa, hiya mutu wa vaheno vene. Asumulula wa Juwawu wafuna laba ira aavete otwaruwa na ohotwaruwa. Otwaruwa kerege rumelela jotega jiwa. Ohotwaruwa kerege takaleliwa, aliwa dowaga jiwa. eraga: <<Nyo mulogo wa jivili nyo! Kodi uuwandenleni bani ira mutawe uwali wa Mulugu unafuna za utolotchani? 8Akala muhutwaruwa, muvahege misapo dapama dotonyiheda twaruwa wenyu.#3:8 Akala muhutwaruwa, muvahege misapo dapama: Ku wonga akala muhutwaruwa, muiregena jengo japama. Ku wonga twaruwa kahi sawasawa no irana japama. Mbwenye vili twaruwa, inafwanela mutu aonihede twaruwa waye muwari moirana japama. 9Nyo mwagarati, kamuroromelege ira: <Mulugu unonirumela mwasiwa hiyo nili ziza na Abarahamu.> Tchoira miyo nnouwandelani ira Mulugu podi sandutcha mabwe ala ira kakale ana Abarahamu.#3:9 Mulugu podi sandutcha mabwe ala ira kakale ana Abarahamu. Juwawu ira awonge eno, awongela mwasiwa aFarizewu na aSadusewu karoromela ira: <<Hiyo kaninna makani na Mulugu mwasiwa nibaliwe muzizani mwa Abarahamu.>> Juwawu eto ohoruniha youmbuwela yoira mutu unovulusiwa mobaliwa mwaye. Awongaga zela sandutcha mabwe kala ana Abarahamu, ku wonga Mulugu kanaasauwela ana Abarahamu. Liye unowanda atukula atu amohiwa okana mirima dovanda nnga mabwe, liye asandutcha ira kakale anaye. Ku wonga vulusiwa kunazela mofuna mwa mutu mbwenye unazela mofuna mwa Mulugu mwasiwa mutu ekave murima waye unakala ovanda nnga nibwe. Nione Roma 9:15-31; 2 Korinto 4:6. 10Eto mbazo imala sayihiwa ira igwadege mitengo na mitchitchi diwa dene. Mutengo watene ahanavaha misapo dapama, unogwadiwa, avokediwe munloni.

11<<Na mwasa otwaruwa wenyu, miyo nnoubatizani na mahindje. Mbwenye mundulri mwaga mu, ukala mundimuwa unafuna zamo, odikwaranya miyo vano. Masiki miyo vano kadili ofwanela tukula sapato daye.#3:11 kadili ofwanela tukula sapato daye: Ira Juwawu awonge eno ku wonga liye kaviona nnga mutu ofwanela mukwivela Yesu nne kala muzari otapula sapato daye. Tchoira wanle andimuwa kohokana azari otapula sapato dewa. Liye gunafuna ubatizani na Munemba Otchena na munlo.#3:11 Liye gunafuna ubatizani na Munemba Otchena na munlo. Mutu amuwonga Juwawu gu Yesu. Yesu eto gwenno umurumile Munemba Otchena. (Juwawu 15:26) Munlo unawongiwa podi kala munlo azile siku nazilege Munemba Otchena (Joira ja Anamarumiwa 2:1-4) owu hehi, munlo Yesu unafuna liye aruma atu kahatwaruwile ira kadowe kakalemo. (Matewuji 3:12, 25:41; 2 Tesalonika 1:7-8) 12Liye ukana yovetana yaye mmandani mwaye ira avetena tirigu wenno uli nimburo nobubudavo jalo. Amala veta, unafuna atukule tirigu, ahele musandjani, makata atatilele munloni ohotima.>>#3:12 atukule tirigu, ahele musandjani, makata atatilele munloni ohotima: Mazwala anarumelela ira unafuna axefwa atu gu Yesu. Unaadowiha atu upamani na munloni gu liyene. (Matewuji 25:31-34,41; Lukaji 2:34; Joira ja Anamarumiwa 10:42, 17:31)

Batiziwa wa Yesu

Markuji 1:9-11; Lukaji 3:21-22

13Juwawu agalive muhindje Jordawu, Yesu ohovenya porovinsiya ya Galileya, liye dowa iko ule ira Juwawu ambatize. 14Juwawu mbwenye ofuna jomukonda eraga: <<Miyo gunafuna ira dibatiziwe na nyo. Eto nyo munaza wa miyo ira dubatizeni?>> 15Evale Yesu ohowakula eraga: <<Hiya eno. Nnerela ira jofuna ja Mulugu jikwakwanele.>>#3:15 Nnerela ira jofuna ja Mulugu jikwakwanele. Batiziwa wa Yesu wohokwakwanela na mazu awongile Mulugu na Juwawu wanle. Tchoira Mulugu ohomuwandela Juwawu ira: <<Ukalawo mundimuwa unafuna za uhara. Muwari moabatiza atu, vasogolro unoza umuone Munemba Otchena ammorelaga. Waona eno, uiziwe ira mundimuwa damuwonga miyo gwenno.>> (Juwawu 1:31-33) Nona yali yofuneya Yesu abatiziwe ira kakwakwanele mazu Mulugu awongile liye na Juwawu. Evale Juwawu ohomurumela.

16Yesu agabatiziwe, atavuwaga, mobaranya zulu wohuleya. Yesu againg'anne zulu, ohomuona Munemba wa Mulugu atitaga nnga ha kangayiwa, liye za mbotalri. 17Ora imohive yenne, zulu wohokumelaga mazu kawongaga keraga: <<Ula gu Mwanaga unamuziveliwa miyo, wenno unadihagalaliha.>>

Currently Selected:

Matewuji 3: iLolo

Highlight

Copy