Fuɗɗoode 38

No Yahuuda dewliri Tamar

1Ley nyalaaɗe ɗeen Yahuuda seedi e sakiraaɓe muuɗum, yehi jooɗodowii e gorko bi'eteeɗo Hira mo Adulam. 2Toon Yahuuda yi'i suka debbo ɓii Kanaaninke na wi'ee Suwa. O ɓaŋi ɗum, o wondi e muuɗum. 3Debbo oon adi reedu, rimi ɓiɗɗo gorko. Yahuuda inndiri suka oon Er. 4O adi reedu katin, o rimi ɓiɗɗo gorko, de o inndiri ɗum Onan. 5Caggal ɗuum, o rimi ɓiɗɗo gorko goɗɗo, o inndiri oon Sela. Wakkati Sela rimanoo ndeen, tawi iɓe njooɗii wuro Kesip.

6Nde afo maɓɓe Er oon mawnunoo fu, Yahuuda ɓaŋani ɗum debbo bi'eteeɗo Tamar. 7Ammaa Er, afo Yahuuda oon, wo bonɗo e gite Joomiraaɗo. Saabe majjum Joomiraaɗo wari mo.

8Yahuuda wi'i Onan:

— Hooƴu dee mawna oon, faa keɓanaa ɗum ƴuwdi.

9Onan ina anndunoo si rimdii e debbo oon fu, jeyaa ɓiɓɓe ɓeen. Saabe majjum nde o fukkodii e debbo oon fu, imo rufa aawdi makko e leydi, faa taa o heɓana mawniiko ƴuwdi. 10Ko o waɗi ɗuum metti Joomiraaɗo, de wari o kanko du.

11Yahuuda wi'i esum Tamar:

— Jooɗa ley suudu bammaa sabo wo a maayraaɗo gorum faa nde ɓiyam Sela mawnowi.

O waɗirii noon sabo o hulii taa Sela du maaya hono no mawniraaɓe muuɗum maayri noon. Ndeen Tamar hooti, jooɗowii suudu bammum.

12Duuɓi paltii, ɓii Suwa debbo, jom suudu Yahuuda oon maayi. Caggal ko ɓernde Yahuuda waaltii ɗuum, yehi Timna faa ndaara hesooɓe baali muuɗum. O yaadi e Hira yigiiko Adulamanke oon. 13Tamar haalanaa, wi'aa: «Inan esa gorko ina yaha Timna faa hesowa baali muuɗum.» 14Tamar sudditii wudere maayde gorum nde suddinoo ndeen, hooƴi lefol, suddi yeeso muuɗum. O jooɗowii dammbugal Enayim ngonungal dow laawol Timna ngaal. Sabo o yi'ii Sela mawnii, de o hokkaaka ɗum faa laatoo goriiko.

15Nde Yahuuda yiinoo Tamar ndeen, miili wo debbo woykuuru sabo wo suuɗu yeeso muuɗum. 16O falii to muuɗum ɗakkol laawol, o ndaari ɗum, o wi'i:

— War ngonden.

Sabo o annditaay yalla oon wo esiiko.

Debbo oon wi'i:

— Ɗume kokkataa kam de ngondaa e am?

17O jaabii o wi'i:

— Mi neldete damngel ley be'i am.

Debbo oon wi'i:

— Ɗume laatotoo tolma hakkunde meeɗen fadde maa e neldude ngel?

18Yahuuda wi'i:

— Ɗume kokkanmaami?

Debbo oon wi'i:

— Talkuru ndu innde maa woni e muuɗum e ɓoggol mayru e sawru wonndu e junngo maa nduun.

Yahuuda hokki ɗuum debbo oon de naaddi e muuɗum. Debbo oon hooƴi reedu. 19Caggal ɗuum, debbo oon ummii dilli, sudditii, de ɓoornii kaddule mum cuddorɗe ɗeen. 20Yahuuda neldi damngel ngeel yigoo muuɗum Adulamanke faa jaɓana ɗum ko tolminoo e junngo debbo oon. Ammaa yigiiko oon yi'aay debbo oon. 21Ndeen o ƴami yimɓe wonɓe toon ɓeen, o wi'i:

— Toy debbo woykuuru gonnooɗo dow laawol Enayim oon woni?

Ɓeen mbi'i:

— Debbo woykuuru fuu walaa ɗo.

22O yeccii to Yahuuda, o wi'i ɗum:

— Mi yi'aay mo. Wooɗi du worɓe wuro ngoon mbi'i kam debbo woykuuru fuu walaa toon.

23Yahuuda wi'i:

— O jogoo ɗum taa cemten. Inan, mi nelii ma aan e hoore maa njaaraa damngel ngeel, de a yi'aay mo.

24Caggal lebbi tati, Yahuuda haalanaa, wi'aa:

— Esa debbo Tamar, fijii, wooɗi reedii e fijirde ndeen.

Yahuuda wi'i:

— Njaltinee mo, mbulon mo.

25Nde ɓe mburtinnoo mo ndeen, o neli esiiko gorko oon wi'ee:

— Wo gorko jeyɗo gineeji ɗi oon jeyi reedu nduun.

O wi'i katin:

— Ndaaree, moy jeyi talkuru ndu e ɓoggol muuɗum e sawru ndu?

26Yahuuda annditi ɗum de wi'i:

— O ɓurii kam fonnditaade sabo mi hokkaay mo ɓiyam Sela.

Caggal ɗuum, Yahuuda fukkodaaki e makko katin.

27Wakkati ndimu makko yottinoo ndeen, tawaa funeereeɓe ngoni ley reedu makko. 28Nde o rimannoo ndeen, junngo cukalel gootel yalti. Debbo dimtinoowo oon haɓɓi gaarawol boɗewol e junngo maggel, wi'i:

— O artii rimeede.

29Ammaa ngel naattini junngo ngoon de ɗiɗaɓo oon yalti. Dimtinoowo oon wi'i:

— Noy peƴƴitirɗaa faa artiɗaa wurtaade!

Ɗuum waɗi de o inndiraa Peres.#38:29 Maanaa Peres e Ibraninkoore woni ceekol. 30Caggal ɗuum, funeejo ɗiɗaɓo oon du yalti, oon woni mo gaarawol boɗewol haɓɓaa e junngo mum. O inndiraa Jerak.

Currently Selected:

Fuɗɗoode 38: FBF

Highlight

Copy