Luka Kutontolola
Kutontolola
Ncango zaziwahe atikitile Luka ziku monesha Yeshu ngayi niye Mulamwini wakulupishiwile kuli Ishalela kami niye Mulamwini wa mukoka nimwawo wa bantu. Luka unatikiti ngayi, Yeshu wehaniwile na Moyo wa Mwene ngayi, “Alete ncango zaziwahe ku bakakushepwa” (4:18), kami eze ncango zaziwahe zinenzala na kuyavwiwa nimwako kukushingiwa ku bantu. Lizu lya ku wahilila linashumishiwi munelye libuka lya Luka, shinene mu matapululo a muntanzi aya anamba bya kwiza kwa Yeshu na matapululo amamaninino oho Yeshu ayilenga muyilu. Luka mu libuka lya Milimo ya Bantumwana, unamba kami bya kukula na kupanzana kwa kukulupila kwa Bakakilishitu oho Yeshu wayakale muyilu.
Kuli zimbalila zibili (litapululo 1-2 na 9-19) muya muli byambo byabingi bikuwaniwa tuhu muneze ncango zaziwahe atikitile Luka, shinene bya lwimbo lwa mangeloyi na balishani baya bayile kukuhemuwa kwa Yeshu na bya Yeshu oho ekalile mu Litala lya Nyambi oho ushili ndumbana na nguli ya Kashamaliya Wamuwahe naneye ya Mwana Wayongalile. Muneze ncango zaziwahe nimwazo, unashumishi shikuma ha malombelo naha bya Moyo wa Kuyela na mbalila ya bambuyama mu milimo ya Yeshu na Nyambi eshi anayatili wubi.
Biya Bilimo
Kutontolola 1:1-4
Kuhemuwa na wanuke wa Yowano Mukakuzubilisha na wanuke wa Yeshu 1:5—2:52
Milimo ya Yowano Mukakuzubilisha 3:1-20
Kuzubikiwa na kwezekiwa kwa Yeshu 3:21—4:13
Milimo ya Yeshu ku bantu babengi mu Ngalileya 4:14—9:50
Yeshu ukufuma ku Ngalileya ukuya ku Yelushalema 9:51—19:27
Shunda ya mamaninino mu Yelushalema 19:28—23:56
Mwene ukushanguka, ukuliholola na kuya muyilu 24:1-53
Currently Selected:
Luka Kutontolola: LLK
Highlight
Share
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.