Shitatiko 36

Bazukulya Ishau

(1 Byambo 1:34-37)

1Aba nibo bazukulya Ishau, ou kami watumbiwile Endoma. 2#Shit 26:34. Ishau wayekele bambuyama ba Bakenaani, bengile Anda mwana Eloni wa Kahita na Oholimbama mwana Anahi wa mbuyama, ou wengile mwana Zimbeyoni wa Kahivi wa mulume, 3#Shit 28:9. na Mbashamati mwana Ishimaele wa mbuyama mpanza Nebayoti. 4Pe Anda wabelekele kuli Ishau Elifwazi, Mbashamati wabelekele Leule, 5pe Oholimbama wabelekele Yeushi na Yalamu na Kola. Nimwabo aba bana ba Ishau babalume bahemuwilile mu litunga lya Kenaani.

6Ishau niho ashimbile bakazendi na bana bendi babalume naba bambuyama na bantu bendi nimwabo bamu litala lyendi na bimuna byendi nimwabyo na wuheti nimwawo ou ahetele mu litunga lya Kenaani, pe washiyile mukonzo wendi Yakobo na kuya ku litunga lyashenge. 7Wayile ndaba litunga oku bazikilenga na Yakobo kaliha lya bakonkanine, ndaba bekalile na bimuna babengi, pe kaliha batweshele kami kwikala hamo. 8Nohobene Ishau wazikile ku litunga lya binkanda lya Endoma.

9Aba nibo bazukulya Ishau, nkaka Baendoma, aba bekala mu litunga lya binkanda lya Sheya. 10Mazina a bana babalume ba Ishau bengile aba, Elifwazi mwana Anda mukaza Ishau na Leule mwana Mbashamati mukaza Ishau. 11Bana babalume ba Elifwazi bengile ba Temani na Omala na Zefwo na Ngatama na Kenazi. 12Elifwazi kuli mukazendi wamina wakwinginina Timina, wabelekeleleko kami mwana umo wa mulume Amaleki. 13Bana babalume ba Leule bengile aba, Nahati na Zela na Shama na Miza. Aba bengile bazukulya Mbashamati mukaza Ishau.

14Bana babalume ba Oholimbama mukaza Ishau bengile aba, Yeushi na Yalamu na Kola. Olihabama wengile mwana Anahi, Anahi mwana Zimbeyoni.

15Mazina a bamyene babazukulya Ishau bengile aba, Elifwazi mwana Ishau wa mweli, wengile nkaka mishobo eye ya ba Temani na Omala na Zefwo na Kenazi, 16na Kola na Ngatama na Amaleki. Aba bengile bamyene ku bana ba Elifwazi mu litunga lya Endoma. Nimwabo aba bengile bazukulya mukaza Ishau Anda.

17Kuli mwana Ishau wa mulume Leule mu litunga lya Endoma, mazina a bamyene bengile aba ou wengile nkaka mishobo ya Nahati na Zela na Shama na Miza. Mishobo eye nimwayo yinengi bazukulya Mbashamati, mukaza Ishau.

18Mu livumo lya Oholimbama mukaza Ishau mwana Anahi wa mbuyama, mazina a bamyene bengile aba, ba Yeushi na Yalamu na Kola 19Aba nibo bazukulya Ishau hinge Endoma, hamo na bamyene babo.

Bazukulya Sheya

(1 Byambo 1:38-42)

20Aba nibo bazukulya Sheya Kaholi, Nibo bakutatika kuzika mu litunga lya Endoma. Nibo bengile Lotana na Shobala na Zibeyoni na Anahi, 21na Ndishani na Eza na Ndishoni. Aba bazukulya Sheya bana ba Holi bengile bamyene mu litunga lya Endoma.

22Lotana wengile nkaka ya mavumo a Baholi na Hemani. Timina niye wengile mpanzendi.

23Shobala wengile nkaka ya mavumo aba Alivani na Manahati na Embalu na Shefwo na Onama.

24Aba nibo bana babalume babili abelekele Zibeyoni, Aiya na Anahi. Anahi ou wawanine mema akutukuma a kaheloke mu libelelengwa, oho abuyishilenga bambongolo batatiyendi Zibeyoni.

25Anahi wabelekele Ndishoni, kami wabelekele mwanendi wa mbuyama watumbiwile Oholimbama. 26Ndishoni wengile nkaka ya mavumo aba Hemundani na Eshimbani na Itilani na Kelani.

27Eza wengile nkaka ya mavumo a Mbilihani na Zaavani na Akani.

28Ndishani wengile nkaka ya mavumo a Uzi na Alani. 29Eye niyo mishobo ya Holi mu litunga lya Endoma, niyo Lotana na Shobala na Zibeyoni na Anahi, 30na Ndishoni na Eza na Ndishani.

Bamyene ba Endoma

(1 Byambo 1:43-54)

31Aba nibo bamyene balelele litunga lya Endoma ha shikati kwa bulilenga bamyene mu Ishalela, ba shwaninenga umo kufwa, wamina pe aku hingaho.

32Mbela mwana Mbeyola wa mulume lukena lwendi lwa tumbiwile Ndinihamba., 33Oho Mbela afwile, pe Yombambu mwana Zela wa mulume waku Mbozila wa mu shwanine. 34Oho Yombambu afwile, pe Hushami waku litunga lya Temani wamushwanine. 35Oho Hushami afwile, pe Handandi mwana Mbendandi wa mulume, ou wakomene Bamindiyani mu litunga lya Mowambi wamushwanine. Lukena lwendi lwatumbiwile ngayi Aviti. 36Handandi wafwile, pe Shamila waku Mesheleka wamushwanine. 37Oho Shamila afwile, Shaulu waku Lehomboti ku shibumbo sha mushinzi wa Yufuleti wamushwanine. 38Oho Shaulu afwile, Mbaalu Hanani mwana Akimbo wa mulume wamushwanine. 39Oho Mbaalu Hanani mwana Akimbo afwile, Handa wamushwanine. Lukena lwendi lwatumbiwile Pau. Lizina lya mukazendi Mahatambela mwana Matelandi, muzukulya Mezahaba wa mbuyama.

40Ishau wengile nkaka ya mishobo eye ya Baendoma, ba Timina na Aliva na Yeteti, 41na Oholimbama na Ela na Pinoni, 42na Kenazi na Temani na Mimbiza, 43na Mangindiyele na Ilama. Aba bengile bamyene ba ku Endoma. Endoma wengile tata Ishau. Zimbalila eze mwekalilenga mushobo na mushobo zatumbiwile na lizina lya mushobo owo wazikilengamo.

Currently Selected:

Shitatiko 36: LLK

Highlight

Copy