Milimo Kutontolola
Kutontolola
Byambo bili mu Libuka lya Milimo ya Bantumwana byenga bya kuwezelela ku biya bili mu Libuka lya Luka. Mutwe wa shambo wenga wakutongweza bantu bya bandongesha ba Yeshu bakutatika, eshi bapanzanishile ncango zaziwahe za Yeshu oho wabatwamininine Moyo wa Kuyela. Batatikile ku shimikila “Mu Yelushalema na mu Yundeya nimwamo na mu Shamaliya kutwala nanoku kwakumina kaye” (1:8). Zenga ncango za Bakakilishitu eshi bendele. Batatikile ku shimikila mukati ka Bayunda niho ncango zapanzanine, haya zengakale kukulupila kwa kaye nimwako. Mukakutikita unamoneshe shiwahe ngayi baya bakulaba bayuvwishishe ngayi Bakakilishitu kaliha bengile bakakulwisha Wene wa Baloma, kami ngayi kukulupila kwa Bakakilishitu, kunenzalishilili biya bakulupilile Bayunda.
Libuka lya milimo likutwesha kutapululiwa mu mintanti yayinene yihatu iya yiku monesha zimbalila zazingi kuya ncango zaziwahe za Yeshu zashimikiwile na Litengo eshi lyashumishiwile. (1) Kutatika kwa milimo ya Bakakilishitu mu Yelushalema munyima ya kutwaliwa kwa Yeshu muyilu. (2) Kupanzana kwa milimo mu zimbalila zamina za mu Paleshitina. (3) Milimo yikutwalililaho kupanzanina mu litunga lya Menditaleniya kukakuma na ku Loma.
Mu libuka lya Milimo, mulimo wa Moyo wa Kuyela, niwo wenga wawunene. Moyo wa Kuyela wezile na ngovu ku bakakwitabila baya bekalile mu Yelushalema ha mutena wa Pentekoshita, kami Moyo watwalilileho kutwaminina na kushumisha Litengo na bakulwane balyo mu nimwabyo batendele biya byatikitiwa munelye libuka. Ncango za Bakakilishitu ba muntanzi, banazimanishilili mu ncango zazingi, kami biya byatendiwile, ebye byatikitiwa mu libuka lya Milimo, biku monesha ngovu zaneze ncango mu kuyoya kwa bakakwitabila na neshe balilumikilile mu Litengo.
Biya Bilimo
Kuliwahishila kuya na kupaka ncango zaziwahe 1:1-26
Kulaya kwa Yeshu kwa mamaninino na shikulupisho shendi 1:1-14
Uya wahingile muli Yundashi 1:15-26
Kupaka ncango zaziwahe mu Yelushalema 2:1—8:3
Kupaka ncango zaziwahe mu Yundeya na mu Shamaliya 8:4—12:25
Mulimo wa Paulu 13:1—28:31
Mukala wa Paulu wa muntanzi wa kuya na ku shimikila 13:1—14:28
Shikungulukilo shekalile mu Yelushalema 15:1-35
Mukala wa Paulu wa wubili wa kuya na ku shimikila 15:36—18:22
Mukala wa Paulu wa wuhatu wa kuya na ku shimikila 18:23—21:16
Paulu oho hinga enga kayili mu Yelushalema na mu Sheshaliya na mu Loma 21:17—28:31
Currently Selected:
Milimo Kutontolola: LLK
Highlight
Share
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.