Joani 20

1Ifuku damulungu damuchimu, Mariya Mandaleni hakuya kwijamu habudidi kuchidi mwidima, hakumona ilola anadifumishi dehi kwijamu. 2Hakuya lufuchi kudi Shimona Petulu nikudi owu kambanji mukwawu akeŋeluwu kudi Yesu; hakuyila nindi, Anafumishi dehi Mwanta mwijamu, etu kwiluka kwanamukamikuwu nehi. 3Dichi Shimona Petulu hakwidika nayenowu kambanji mukwawu, hiyakuya kwijamu. 4Hiyakuyila hamu lufuchi; kambanji mukwawu hakumushiyamu Petulu, hakusambila ŋahu dehi kushika kwijamu. 5Hakubandama, hakutalamu, hakumona kwamahina atooka adi heseki awa, ilaŋa yena kwijila nehi. 6Shimona Petulu wadiŋi nakumulondela, ashika nikushika, epila nimwijamu. Hakumona kwamahina atooka adi heseki awa, 7niihina dadiŋi kunamutu windi hididi hamu nanowu mahina atookaku, Ilaŋa dakuvuna hakanka wadu. 8Dichi owu kambanji mukwawu, wasambihli kushika kwijamu, hakwijila mu niyena, hakumonahakwitiya. 9Muloŋa henohu adiŋi kanda eluki mukanda wajila welili nawu chiŋa asaŋuka mudi afu. 10Atumbanji hiyakufunta cheŋi kwaawu.

11Hakwila Mariya chochemanayi hanzi yejamu nakudila. Chadiŋi nakudilayi hakubandama, hakutala mwijamu, 12hakumona aŋelu ayedi anavwali yitooka, anashakami wumu kunyitu mukwawu kunyendu, kwakamini mujimba waYesu. 13Hiyakumwihula nawu, Eyi mumbanda wudi nakudiladi? Hakuyila nindi, Muloŋa natwali dehi Mwanta wami, ami kwiluka kwanamukamikuwu nehi. 14Chanahoshiyi ochu, hakutala munyima, hakumona Yesu nemani, kwiluka nindi diyi Yesu nehi. 15Yesu hakumwila nindi, Eyi mumbanda wudi nakudiladi? Wudi nakukeŋanyi? Yena hakutoŋojoka nindi kwiji hindimi yetempodu. Hakumwila nindi, Eyi mwanta, neyi yeyi wunamusendi, nleji kuwunamukamiki, nimufumishuku. 16Yesu hakumwila nindi, Mariya. Yena hakubalumuka, hakumwila muHeberu nindi, Raboni; daya mukwila nawu, Nkuluŋaŋa. 17Yesu hakumwila nindi, Bayi wunkunkaku, Muloŋa nichidi kanda nikandami kudi Tata. Yaŋa kudi ana kwami, wuyileji neyi hinukukandama kudi Tata yami ninenu Tata yenu, kudi Nzambi yami ninenu Nzambi yenu. 18Mariya Mandaleni hakwinza kudi atilmbanji, hakuyileja nindi, Namumoni Mwanta. Hakuyileja nawa nimwanamulejiyi.

19Denodu ifuku odu damuchimu damulungu, chikuneli melela, anaŋati dehi yenzelu yamwadiŋi atumbanji muloŋa atiyili aYudeya woma, Yesu hakwinza hakwimana mukachi; hakuyila nindi, Kuwunda kwikali nanenu. 20Chanahoshiyi ochu hakuyileja makasindi nikabavu kindi. Dichi atumbanji chanamonuwu Mwanta, atiya nikuwaha. 21Yesu hakuyila cheŋi nindi, Kuwunda kwikali nanenu; chantemesheluwu kudi Tata, ninami nawa hinukuyitemeshenu. 22Chanahoshiyi ochu hakuyonena, hakuyila nindi, Tambulenu Spiritu Wajila. 23Antu mukwanakena nyiloŋa yawu, anayanakeniyu; antu mukulekela nyiloŋa yawu, anayilekeliyu.

24Ilaŋa Tomasi wahekumi nayedi, atenaŋawu nawu Mpamba, chenjiliyi Yesu hadiŋi nawuku. 25Dichi akwawu atumbanji hiyakumwila nawu, Tunamumoni Mwanta. Ilaŋa yena hakuyila nindi, Chiŋa nimona yilonda yambwambu mumakasindi, niiŋa nimunu wami muyilondoyu yambwambu, nisha nichikasa chami kukabavu kindi; mukunkulwayi hinukwitiyaku.

26Chimunahiti mafuku atanu nasatu, atumbanji twindi adiŋi cheŋi mwitala, Tomasi wadiŋi hamu nawu niyena. Yesu hakwinza, kuyenzelu saŋa apatilaku; hakwimana mukachi, hakuyila nindi, Kuwunda kwikali nanenu. 27Hakumwila Tomasi nindi, Letaku kunu munu weyi wumoni makasami, ololaku chikasa cheyi wiŋiji kukabavu kami. Bayi wikala nantaduku, itiyaku. 28Tomasi hakumwakula nindi, Mwanta wami! Nzambi yami 29Yesu hakumwila nindi, Wunetiyi nanichi chiwunanmoni. Anetiyi chakadi kumona anakooleki.

30Yesu welili yinjikijilu yi kwawu yayivulu kumesu awatumbanji twindi, hiyanayisoneki mumukanda iwuku. 31Ilaŋa yeniyi anayisoneki kulonda mwitiyi nenu Yesu diyi Kristu, Mwana kaNzambi, kulonda chimukwitiya chakukuhwelela mumoni wumi mwijina dindi.

Currently Selected:

Joani 20: MW62

Highlight

Copy