Likezo 6

1Hamafuku owu, chelili atumbanji hiyakuya nakuvula, hikukuvulumuka kutoba; aYudeya awaHeleni hiyakutobela aHeberu, muloŋabondeli anfwila jawu hanjaŋenaŋawu hefuku hefuku. 2Ikumi nayedi hiyakutambika izaza dawatumbanji, hiyakwila nawu, Hichachiwahi etu kushiya mazu aNzambi nakukalakela kujimesaku. 3Dichi enu ana kwetu, talatalenu mukachi kenu amayala atanu nayedi akweti mpuhu yayiwahi, enzala dehi Spiritu nama ana, tuyikunjiki kumudimu iwu. 4Ilaŋa etu kwetu tukukakela kulomba, nimudimu wakushimuna mazu. 5Omu mwahosheluwu mutiyisha niizaza dejima kuwaha. Hiyakutonda Setefwanu, iyala wasweja kukuhwelela, wenzala Spiritu Wajila; niFwilipu, niPorokorusi, niNikanori, niTimoni, niPamenasi, niNikola wakuAntiyoki, wabalumukili kwikala kaYudeya. 6Wenawa hiyakuyisha kumesu awapostolu. Chanalombuwu hiyakuyinaŋika makasawu. 7Mazu aNzambi hiyakuya nakudinuŋanuŋa; niatumbanji hiyakuya nakuvula nankashi muYerusalema; mukanka wawatupristu waweni hiyakwovwahila kwitiya kwakukuhwelela.

8Setefwanu, wenzala luwi naŋovu, hakwila yuma yakuhayamisha, niyinjikijilu yeneni mukachi kawantu. 9Ilaŋa hikukusaŋumuka antu amakwawu akushikola yachaaku chawaLibiritini, niakwaKireni, niakwaAlesanderiya, niakwaSilisiya, niakwaAsiya, hiyakutadika ntadi naSetefwanu. 10Hiyakukaŋanya kwimana nindi naŋovu yama anindi, naSpiritu ahosheliyi nachu. 11Hiyakuhana maseleka kudi antu kulonda amusoŋeleli nawu, Tunamutiyi nakuhosha mazu akutuka Mosi niNzambi. 12Hiyakusaŋumona antu niakulumpi niansoneki; chanamuwanuwu hiyakumukwata naŋovu nakumutwala muchota. 13Hiyakwimika ayinsahu akutwamba elili nawu, Iwu iyala halekaŋa kutena munu mwajila ninshimbi chatamaku. 14Muloŋa tunamutiyi nakuhosha nindi, Iwu Yesu wakuNazareta wakakisaŋana tembeli iyi nakubalumuna yaaku yatulejeliyi Mosi. 15Antu ejima ashakamini muchota hiyakumushinshika namesu awu swi-i; hiyakumona kumesu indi kudi neyi kumesu akaŋelu.

Currently Selected:

Likezo 6: MW62

Highlight

Copy