Mako 5

Yesu mwahindula Muka-ndemone wakuNgelase

(Mat 8:28-34; Luka 8:26-39)

1Kaha vahetele musali yachijiva, mungalila yaNgelase.

2Omu Yesu afumine muwato, hahaze vene kwamuhumanganyine mutu afumine muvimbumbe vyakusendeleka ápwile nashipilitu waunyengwe.

3Ikiye atwaminenga muze muvimbumbe vyakusendeleka, kaha naumwe wauchi ahashile kumukasa cheka, chipwe tuhu nalilenge.

4Mwomwo vamukashilenga kakavulu mujikuli namalenge, kaha aze malenge awambitwilenga mbitu-mbitu, jize jikuli ajihokwelenga hoko-hoko, kaha naumwe wauchi apwile nangolo jakumuhombola.

5Makumbi osena, naufuku namusana atetumukilenga nakulilemejeka namalolwa muvimbumbe nakujipili.

6Jino omu amwene Yesu hahasuku, alahilileko nakulifukula kuli Ikiye.

7Kaha atambakanyine ngwenyi, Ove Yesu, Ove #Vili 16:17; Hepe 7:1MwanaKalunga Ou álitulaho, #1:27; Mat 8:29Nguli nachitela muka nayOve?! Ngunalembe hali Kalunga ngwami, kanda ungumwenesa makavako!

8 Ahanjikile ngocho mwomwo Yesu amwambile ngwenyi, Ove shipilitu waunyengwe, lovoka muli ou mutu.

9Kaha amuhulishile ngwenyi, Lijina lyove yove iya? Amukumbulwile ngwenyi, Lijina lyami yamiLengiyona#5:9 Nge ngwenyi, Lengiyona, Chendo chamaswalale chakuheta mumakombakaji atanu nalimwe (6,000)., mwomwo tuvavavulu.

10Kaha amulembelele chikuma kuchina mwavahanga mungalila yize.

11Jino kuze vapwile, kwapwile utanga waunene wavangulu nakulya hamukandu wapili.

12Kaha vaze vashipilitu vamulembelele ngwavo, Tutume, mangana twingile muli vaze vangulu!

13Avetavilile. Kaha vaze vashipilitu vaunyengwe valovokele nakwingila muli vaze vangulu. Kaha uze utanga wakuheta kafwe mumakombakaji avali (2,000) wangulumukile kuze kwakumbolomoka namuchijiva nakufwa.

14Tufunga twavo vachinyine nakuchambulula mulimbo lize lyakembwe nakungalila yamande. Kaha vatu vayileko mangana vamone chize chasolokele.

15Vahetele kuli Yesu, kaha vamwene uze valowele vandemone, ápwile navandemone makombakaji atanu nalimwe, (6,000)#5:15 Tala 5:9., natwame, navwale, naundu. Kaha vevwile woma.

16Vaze váchimwene vavalumbunwinyine kanawa vize vyasolokele kuli uze ápwilenga navandemone, nakuli vaze vangulu.

17Kaha vaputukile kulembelela Yesu ngwavo afume mungalila yavo.

18Omu apwile nakwingila muwato, uze ápwile navandemone amulembelele ngwenyi ayenga nenyi.

19Kaha kamwitavishileko, oloze amulwezele ngwenyi, Yako kwimbo lyove kuli vakwenu nakuvambulila vyuma vipwaha nakulingila Mwata, nomu nakutetela.

20Ayile, kaha vyuma vyavinene vize amulingilile Yesu, aputukile kuvyambulula muNdekapole#5:20 MuNdekapole, nge ngwavo, mumembo amanene likumi.. Kaha vatu vosena valikomokelelenga.

MwanaYailu napwevo uze akwachile livoko kuuvwalo waYesu

(Mat 9:18-26; Luka 8:40-56)

21Kaha omu Yesu azaukile cheka muwato nakuheta musali, lize lizavu lyalinene lyakungulukile nakumujingilika kuze kungenge yachijiva.

22Kaha kwejile umwe #Luka 13:14; Vili 13:15; 18:8, 17wavaka-kuyula musunangonga#5:22 Tala ha1:21., lijina lyenyi Yailu, kaha hakumona Yesu, alimbilile kumahinji enyi

23nakumulembelela chikuma ngwenyi, Mwanami wamundende wapwevo ali hakamwihi nakufwa. Twaya mwane, #6:5; 7:32; 8:23; Vili 9:17; 28:8ukamunangike mavoko mangana ahinduke, ayoye.

24Ayile nenyi, lizavu lyalinene lyamukavangijile, kaha lyapwile nakumushindakanya.

25Jino kwapwile pwevo ápwile namusongo wakuhita manyinga, myaka likumi nayivali (12).

26Ayanjilenga mwamuvulu kuli vimbuke#5:26 Chipwe ngwavo, Vandotolo. vavavulu nakumanyishilaho vyosena ápwile navyo, chakuzeneka kulikangula, oloze musongo wamutekelekele#5:26 Chipwe ngwavo, musongo watwalilileho..

27Hakwivwa puho yaYesu, ejile kunyima yenyi nakuselwojoka muze mulizavu nakukwata kuchikovelo chenyi chachisuku.

28Mwomwo ashinganyekele ngwenyi, Nge nangukwata, chipwe kuchikovelo chenyi kaha, nanguhinduka.

29Hahaze vene aze manyinga ápwilenga nakuhita, omine chau, kaha evwile vene mumujimba wenyi ngwenyi vananguhindula kumusongo wami.

30Hahaze vene Yesu hakwivwa #Luka 5:17kuli Ikiye kunafumu ngolo, alumukile muze mulizavu nakuhulisa ngwenyi, Iya nangukwate kuuvwalo wami?

31Tumbaji twenyi vamwambile ngwavo, Unamono omu lizavu lili nakukushindakanya, kaha uhulise ngwove, Iya nangukwate?

32Atalile kwosena chelele ndo mangana amone uze nachilingi.

33Jino uze pwevo, hakutachikiza ocho chinasoloka kuli ikiye, ejile nawoma nakuchikima nakulimbila hamavu kumahinji aYesu nakumulweza muchano wosena.

34Oloze Yesu amwambile ngwenyi, Ove mwanami, #Luka 7:50; Mako 10:52lufwelelo lwove lunakuhindula#5:34 Mokomoko ngwenyi, Lunakulwili.. Yakonga mukuunda, pwakonga wakulikangula.

35Shimbu apwile nakuhanjika, vamwe vakuzuvo yauze muka-kuyula musunangonga#5:35 Tala ha1:21. vejile nakumulweza ngwavo, Mwanove wapwevo nafu lyehi. Mwomwo ika naumuyanjishila lika Muka-kunangula?

36Oloze Yesu hakwivwa mazu aze vahanjikile, amwambile uze muka-kuyula musunangonga ngwenyi, Kanda wivwa womako, fwelela kaha.

37Ketavishile weka kumukavako, shina #9:2; 13:3; Mat 17:1; 26:37Petulu naYakova naYowano ndumbwaYakova kaha.

38Vahetele kuzuvo yauze muka-kuyula musunangonga, kaha Yesu amwene kuzungumuka chavaze vapwile nakulila jimbimbi nakutetumuka.

39Omu engililemo avahulishile ngwenyi, Mwomwo ika muli nakuzungumukila nakulila ngana? Ou mwana kafwileko, nasavala tulo kaha.

40Kaha vamungumukile wo-o! Oloze, avalowelemo vosena, ayile naise yayauze mwana, nanaye, navaze apwile navo, kaha engilile muze apwile uze mwana.

41Akwachile uze kanyike wapwevo kulivoko nakumwamba ngwenyi, Talita kumi#5:41 Ahanjikile muchiHepeleu.! kuchilumbununa ngwavo, #Luka 7:14; Vili 9:40Ove kanyike wapwevo, katuka!

42Hahaze vene uze kanyike wapwevo wamyaka likumi nayivali akatukile nakutambuka. Kaha valikomokelele chikuma.

43 # 1:43-44; 7:36; Mat 8:4 Avakanjile chikuma ngwenyi, Kanda vakachitachikiza chipwe kuli umweko. Kaha avalwezele vamuhane vyakulya.

Currently Selected:

Mako 5: LUE

Highlight

Copy