Luka 4
4
Yesu navamweseka kuli liyavolo
(Mat 4:1-11; Mako 1:12-13)
1Jino Yesu, oku wakuzala naShipilitu Wajila, ahilukile kufuma kuYotau, kaha vamutwaminyine kuli Shipilitu nakumutwala mupambo
2muze vapwile nakumweseka kuli liyavolo #Lush 9:9; 1 Vamy 19:8makumbi makumi awana (40). Kalile nachimweko hamakumbi aze. Omu akumine aze makumbi, evwile zala.
3Liyavolo amwambile ngwenyi, Nge uMwanaKalunga, amba lilolwa eli lipwenga mbolo.
4Kaha Yesu amukumbulwile ngwenyi, Vasoneka ngwavo,
#
Lush 8:3
Mutu keshi kuyoyela hambolo kahako.
5Kaha liyavolo amukandwishile helu nakumumwenesa mawangana ahakaye osena mukatando kakandende,
6kaha liyavolo amwambile ngwenyi, Nangukuhana wata wamawangana osena naupahu wawo, mwomwo #1 Yowa 5:19vanguhanawo lyehi, kaha ngunahase kuwahana kuli weshowo ngunasake.
7Shikaho, nge ove naulifukula kuli ami, osena naapwa ove.
8Yesu amukumbulwile ngwenyi, Vasoneka ngwavo,
#
Lush 6:13
Lifukulenga kuli MWATA Kalunga kove,
Zachilanga Ikiye kaha.
9Kaha amutwalile kuYelusalema nakumwimika hakasongwa kaTembele nakumwamba ngwenyi, Nge uMwanaKalunga, fuma hano limbile hamavu,
10mwomwo vasoneka ngwavo,
#
4:10-11; Samu 91:11-12 Mwatuma vangelo jenyi vakukinge Ove.
11Kaha ngwavo,
Navakwakwila namavoko avo
Kuchina nauhukana kulilolwa.
12Kaha Yesu amukumbulwile ngwenyi, Vamba ngwavo,
#
Lush 6:16
Kanda ukeseka MWATA Kalunga koveko.
13Kaha omu liyavolo akumishile #22:28vyeseko vyosena, amusezele nakuvandamina lwola lwakutamo.
Yesu mwaputuka milimo yenyi
(Mat 4:12-17; Mako 1:14-15)
14Kaha Yesu akindulukile kuNgalileya mungolo jaShipilitu, kaha #4:37; Mat 9:26mujimbu wakumuvuluka watanjile mujingalila jajingilikileko josena.
15 #
Mat 4:23; 9:35; 11:1 Ikiye anangwilenga mujisunangonga#4:15 Sunangonga yikiko zuvo yakukungulukila vaYuleya nakulinangula. javo, kaha vamwalishilenga hamilimo yenyi kuli vosena.
Yesu navamukana kuNazaleta
(Mat 13:53-58; Mako 6:1-6)
16Jino ahetele kuNazaleta, kuze vamulelelele. Kaha ngana muze alingilenga, engilile musunangonga haSambata, kaha akatukile mangana atange.
17Kaha vamuhanyine mukanda wakuvunga wakapolofweto Isaya. Avungulwile uze mukanda nakuwana haze vasoneka ngwavo,
18 #
4:18-19; Isa 61:1-2 Shipilitu yaMWATA ali hali ami,
Mwomwo #Vili 10:38nanguwavisa ngwambulule mujimbu wamwaza — kuli vaka-kuhutwa,
Nangutumu nguvilike kusokoka — kuli vafunge,
Nakumona cheka — kuli tupuputa,
Nakuvasokola vaze vanashinyinyika,
19Nakuvilika mwaka wauselewa waMWATA.
20Kaha avungile uze mukanda nakuuhilwisa kuli muka-kuulama, kaha atwamine. Jino meso avosena musunangonga ajikile hali Ikiye.
21Kaha aputukile kuvamba ngwenyi, Lelo awa Mazu-vasoneka-ajila vanawatesamo haze vene munawevu.
22Kaha vosena vamusangejekele nakulikomokela hamazu alikoji afumine mukanwa kenyi. Kaha vambile ngwavo, #Mat 13:55; Mako 6:3; Yowa 6:42Ou, kumana keshi mwanaYosefweko?
23Kaha avambile ngwenyi, Pundu vene, namungutela chishimo echi ngwenu, Ove Chimbuke, lihindule Ove ivene. Vize tunevu unalingi #Mako 1:21; 2:1; Yowa 4:46kuKapelenau, vilinge nawa namuno mwimbo lyove.
24Kaha avambile ngwenyi, Mwamuchano nangumilweza ngwami, #Mat 13:57; Mako 6:4; Yowa 4:44Kakweshi kapolofweto vetavila mwimbo lyenyiko.
25Oloze chamuchano nangumilweza ngwami, mwapwile vatulilwe vamapwevo vavavulu #1 Vamy 17:1; 18:1; Yako 5:17-18muIsalele hamakumbi aElija, omu melu vawasokele hamyaka yitatu natukweji vatanu naumwe, ngocho zala yakalombolombo yapwile mulifuchi lyosena,
26kaha Elija kavamutumine kuli umwe wavoko, shina kaha kuli uze pwevo watuliwe ápwile #1 Vamy 17:9kuZalefwate muShitone.
27Kaha kwapwile vaka-mbumba vavavulu muIsalele halwola lwakapolofweto Elisha, oloze kavatomesele umwe wavoko, shina kaha #2 Vamy 5:1-4uze kaSulya Namane.
28Omu vevwile vyuma evi, vosena muze musunangonga vapihililile chikuma.
29Kaha vakatukile #Vili 7:58; Kula 15:35nakumulovola mwimbo nakumutwala kungenge yapili yize vatungile limbo lyavo lyakembwe, mangana vamumbile kuze kwakumbolomoka.
30Oloze Ikiye #Yowa 8:59; 10:39ahichile mukachi kavo, nakuliyila kwenyi.
Yesu mwahindula muka-ndemone waunyengwe
(Mako 1:21-28)
31Jino Yesu ashikumukile kuKapelenau, limbo-lyakembwe lyamuNgalileya. Kaha avanangwilenga haSambata,
32 #
Mat 7:28; 13:54; 22:33; Mako 11:18; Yowa 7:46 kaha valikomokelele kunangula chenyi, mwomwo mazu enyi apwile nawata.
33Kaha muze musunangonga mwapwile mutu ápwile nandemone, shipilitu waunyengwe, kaha atambakanyine ngwenyi,
34Ha! Unasake kulinga muka nayetu, Ove Yesu wakuNazaleta? #Mat 8:29Uneza nakutunongesa tahi? Ngunakutachikiza #Mako 1:24yove Muka-kujila waKalunga!
35Oloze Yesu amuhanjikilile ngwenyi, Hola kulu, mulovoke! Kaha uze ndemone hakumumbila hamavu mukachi kavo, amulovokele chakuzeneka kumukolesa.
36Kaha vosena valikomokelele hinavalihanjikisa ngwavo, Mazu muka awa? Mwomwo vashipilitu vaunyengwe mwavamba nawata nangolo, kaha hinavalovoka!
37Kaha #4:14; 5:15; Mat 9:26mujimbu wakumuvuluka watanjile mungalila yosena yajingilikako.
Yesu mwahindula nayewenu yaPetulu
(Mat 8:14-15; Mako 1:29-31)
38Kaha akatukile, alovokele musunangonga nakwingila muzuvo yaShimona. Jino nayewenu yaShimona apwile nakuviza chishika chikuma, kaha vamuhanjikilileko kuli Yesu amukafwe.
39Kaha emanyine kuli ikiye nakuhanjikila chize chishika chimufume, kaha chamufumine. Hahaze vene ahindukile nakuvazumbula.
Yesu mwavahindula vosena
(Mat 8:16-17; Mako 1:32-34)
40Jino omu likumbi lyapwile nakulauka, vosena vaze vapwile navaka-kuviza misongo yeka nayeka, vamunehelelevo kaha anangikile mavoko enyi hali muveji himuveji nakuvahindula.
41Navandemone nawa valovokelenga muli vavavulu, nakutetumuka ngwavo, Ove uMwanaKalunga! Oloze Ikiye avahanjikilile kaha #Mako 1:34; Mat 8:4kavetavishile kuhanjikako, mwomwo vatachikijile ngwavo Ikiye Kulishitu.
Yesu mwatwalililaho kwambulula mazu
(Mako 1:35-39)
42Kaha omu kwachele, Yesu alovokele mwimbo nakuya mupambo. Lizavu lyavatu lyamutondele nomu lyamuwanyine, kaha lyamuhungikile kuchina mwavaseza,
43oloze avambile ngwenyi, Ngwatela kwambulula mujimbu wamwaza wawangana waKalunga kumembo eka ajikembwe nawa, mwomwo chikiko vangutuminyine.
44Kaha #Mat 4:23; Mako 1:39; Mat 9:35ambulwilenga mazu mujisunangonga jamuYuleya.
Currently Selected:
Luka 4: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
