Luka 23

Navatwala Yesu kumeso aPilatu

(Mat 27:1-2, 11-14; Mako 15:1-15; Yowa 18:28—19:16)

1Kaha liyongomena lyavo lyosena lyakatukile, nakumutwala kuli Pilatu.

2Vaputukile kwaula chihande chakuvuluka Yesu ngwavo, Ou, tunamuwane ali nakuhungumwisa vaka-lifuchi lyetu, #20:22-25nakuvakanyisa kufweta mitelo kuli Kesale, nakulivuluka ngwenyi Ikiye Kulishitu, kaha ngwenyi apwa Mwangana.

3Pilatu amuhulishile ngwenyi, Ove yove Mwangana wavaYuleya tahi? Ikiye amukumbulwile ngwenyi, #22:71Mwomwo vene unambe.

4Pilatu ambile vapilishitu vavalemu naaze mazavu avatu ngwenyi, #23:14, 22, 41; Mat 27:23; Yowa 19:4, 6; Vili 13:28Kangwawanyine mulonga muli Ou Mutuko.

5Oloze vakiko vatwalilileho kuhanjika nangolo ngwavo, Eji kusangumunanga vatu nakunangula chenyi kuYuleya kwosena kuputukila kuNgalileya mbwe nakuno.

Yesu mwemana kumeso aHelote

6Jino omu Pilatu achivwile, avahulishile nge Mutu kana wakuNgalileya.

7Kaha omu atachikijile ngwenyi Mutu kana wakuchiyulo chaHelote, amutumine kuli Helote, uze apwile nawa kuYelusalema hamakumbi aze.

8Jino Helote, omu amwene Yesu, awahililile chikuma, mwomwo hamakumbi amavulu #9:9asakilenga amumone, mwomwo evwilenga vyavivulu vyakumuvuluka, kaha apwile nakutalilila amone cheshocho chinjikizo mwalinga.

9Shikaho amwihwojwele chikuma, oloze #Mat 27:12, 14; Mako 15:5; Yowa 19:9Ikiye kamukumbulwileko.

10Navapilishitu vavalemu navaka-kusoneka vemanyineko nakwaula chihande chenyi nakuchizamisa namazu angolo.

Helote mwahilwisa Yesu kuli Pilatu

11 # Mako 15:17-19; Yowa 19:2-3 Helote namaswalale jenyi vamulumbilishile nakumuhenda, vamuvwikile uvwalo waupahu nakumuhilwisa kuli Pilatu.

12Kaha halikumbi lize Helote naPilatu valikwachile usepa, mwomwo hamwaka mwapwile kole mukachi kavo.

13Kaha Pilatu akungulwile vapilishitu vavalemu navaka-kuyula javaYuleya nalize lizavu.

14Avambile ngwenyi, Munangunehela Mutu Ou ngwenu muka-kuhungumwisa vatu. Oloze talenu, ami ngunamweseka kumeso enu, kaha Ou Mutu #23:4, 22, 41kangwamuwanyine namulongako havyevi muli nakumuvulukila.

15Chipwe Helote nawa chochimwe, mwomwo natuhilwishilayo. Talenu, kalingile chuma chakutela kufwilako.

16 # 23:22; Yowa 19:12-14 Shikaho nangumuzangamisa nakumwecha.

17[Mwomwo hachiwanyino kana, kuvanga avechele funge umwe.]

Vatu ngwavo Yesu afwenga

(Mat 27:15-26; Mako 15:6-15; Yowa 18:38—19:16)

18 # 23:18-25; Vili 3:13-14; Yowa 18:38-40; 19:14-16 Oloze vosena vatambakanyine hamwe ngwavo, Fumisa Ou kumeso etu! Twechele Mbalapa —

19uze vahakile mukamenga hakufumbukila chiyulo muze munganda, nahakujiha vatu.

20Pilatu ahanjikile navo cheka, mwomwo asakile kumwecha Yesu.

21Oloze vakiko vapwile nakutambakana ngwavo, Mupapalile hakulusu! Mupapalile hakulusu!

22Kaha ikiye avahulishile kamuchitatu ngwenyi, Mwomwo ika? Kupihya muka nalingi Ou? Kangwamuwanyine namulonga wakutela kufwilako. Shikaho nangumuzangamisa nakumwecha.

23Oloze vakiko vamushinjilile nakutambakana ngwavo kuvanga amupapalile hakulusu. Mazu avo amufungulwile.

24Kaha Pilatu ayulile ngwenyi chipwenga ngana omu vanalombo.

25Avechelele Mbalapa uze valombele, ákashiwile mukamenga hakufumbukila chiyulo nahakujiha vatu, oloze Yesu amuhanyine kumavoko avo mangana vamulinge omu vasakile.

Yesu navamupapalila hakulusu

(Mat 27:32-56; Mako 15:21-41; Yowa 19:17-30)

26Kaha jino omu vapwile nakumutwala, vakwachile Shimona wakuKulene, uze ápwile nakufuma kungalila yamawande, kaha vamutwikile kulusu mangana ayimbate nakukava Yesu.

27Kaha liyongomena lyalinene lyavatu lyamukavile, namapwevo vápwile nakulishona nakumulila jimbimbi.

28Oloze Yesu alumukile nakuvamba ngwenyi, Enu vana vaYelusalema vamapwevo, kanda namungulilila jimbimbi Amiko, oloze lilililenu enu vavene navana venu.

29Mwomwo talenu, nakukeza makumbi omu navakamba ngwavo, #21:23; 11:27; Mat 24:19Vatokwa vomba, namajimo ázeneka kusema, namavele ázeneka kwamwisa!

30Haze vene navakaputuka

# Hoze 10:8; Kuso 6:16; Isa 2:19-20 Kwamba jipili jajinene ngwavo, Tushiukilenu,

Najipili jajindende nawa ngwavo, Tufwikenu!

31Mwomwo nge navalinga mutondo ututa ngana, nyi nachikapwa ngachilihi omu naukoma?

32 # Mat 27:38; Mako 15:27; Yowa 19:18 Kwapwile veka vavali nawa, vihwanga vatwalile hamwe naIkiye mangana vakavajihe.

33Kaha omu vahetele kuchihela chize vavuluka ngwavo kuChikola#23:33 Lizu Chikola, mulilimi lyavaLoma lyapwa ngwavo, Kavali., kwakuze vene vamupapalilile hakulusu, navaze vihwanga, ou kuchilyo, mukwavo kuchimoswe.

34Yesu ambile ngwenyi, #Vili 7:60Ove Tata, vakonekele, mwomwo echi váli nakulinga kavachitachikijileko. #Yowa 19:24Valipangilile uvwalo wenyi hakuutahisa navitaho.

35Kaha vatu vemanyine nakutala. Vaka-kuyula nawa vamulangulwile ngwavo, #4:23Nalwilinga veka, alilwile ivene, nge Ikiye Kulishitu yaKalunga, Wenyi Ásakula.

36Namaswalale nawa vamuhendele. #Mako 15:23; Samu 69:21Vapandamineko nakumuhana vinyo yingangamina#23:36 Vinyo yingangamina yapwile vinyo yayisamu, vanwinenga vatu vavavulu, yandando yayindende. Vamuhanyineyo Mwata.,

37nakwamba ngwavo, Nge uMwangana wavaYuleya, lilwile Ove Ivene.

38Kaha helu yamutwe wenyi voleleho mazu halipulanga ngwavo,

# Mat 27:37 OU IKIYE MWANGANA WAVAYULEYA.

39Chihwanga umwe hali vaze vatachikile, amusawile ngwenyi, Kumana, keshi Yove Kulishituko? Lilwile, utulwile nayetu nawa.

40Oloze uze mukwavo amuhanjikilile ngwenyi, Kawevwa Kalunga womako — hakumona vali nakukuzangamisa mwomumwe naIkiye?!

41Etunyi chinoloka, mwomwo tuli nakutambula vize vinatemo navilinga vyetu. Oloze #23:4, 14, 22Ou kalingile chuma chakuhengako.

42Kaha himwamba ngwenyi, Ove Yesu, kangwanuke omu naukeza muwangana wove.

43Yesu amwambile ngwenyi, Mwamuchano nangukulweza ngwami, lelo vene naupwa nayAmi hamwe muPalachise#23:43 Mwatwama vatokwa..

Kufwa chaYesu

(Mat 27:45-50; Mako 15:33-41)

44Jino hapwile kafwe halwola lwamuchitanu nalumwe#23:44 Hamulungu, ha12.00., kaha hamavu hosena hapwile milima kokolo palanga nakulwola lwamuchitanu najiwana#23:44 Hachiteuko, ha15.00..

45Likumbi kalyamunyikileko, kaha #Kulo 26:31-35; Hepe 9:8; 10:19lihina lyapimo yayinene lyakuvatasana muTembele lyapulikile muvihanda vivali.

46Kaha Yesu atambakanyine ngwenyi, Ove Tata,

Nanguseza shipilitu yami mumavoko ove!

Omu ahanjikile ngocho atulile mwono wenyi.

47Jino uze kapitau kamaswalale hakumona vize vyasolokele, álishile Kalunga haupahu wenyi, ngwenyi, Mwamuchano Ou Mutu apwanga vene wakwoloka.

48Kaha aze mazavu avatu osena ákungulukile nakutala vize vyakukomwesa, hakumona vize vyasolokele, #18:13vapwilenga nakusolola kulishona#23:48 MuchiHelase ngwavo, valivetele hapambo, chikiko kulumbununa kulishona mwaya chisemwa chavo, ngana omu chapwa kulikwata mbamba mutwe kuli vaLuvale. omu vakindulukile kumahyavo.

49Oloze vaze valijivile nenyi vosena, #8:1-3; 23:55-56; 24:10navaze mapwevo nawa vamukavangijile kufuma kuNgalileya, vemanyine hahasuku, nakutala vize vyuma.

Navasavalika Yesu muchimbumbe

(Mat 27:57-61; Mako 15:42-47; Yowa 19:38-42)

50Kaha jino, kwapwile lunga umwe, lijina lyenyi Yosefwe, lunga wamwenemwene wakwoloka, umwe wavaka-zango yavaYuleya,

51oloze kalikundwijile navo mupunga yavo namuze valingileko. Ikiye apwile wakuAlimateya, limbo-lyakembwe lyamuYuleya, kaha atalililenga wangana waKalunga.

52Ikiye ayile kuli Pilatu nakulomba mujimba waYesu.

53Kaha omu aufumishileho, aujingilile halihina lyalinyu nakuusavalika muchimbumbe chakutota mulilolwa, muze kanda lyehi vachisavalikemo mutu.

54Jino lyapwile Likumbi lyakuLongesa vyaSambata, kaha Sambata yapwile hakamwihi nakuputuka.

55Vaze mapwevo véjile naYesu kufuma kuNgalileya, vakavangijile Yosefwe, kaha vamwene chize chimbumbe, nomu vasavalikilemo mujimba wenyi.

56Kaha vakindulukile #Mako 16:1nakulongesa vyaunga-unga#23:56 Vyaunga-unga vyalivumba lyamwaza vazachishilenga hakufunda mutu hakuvijingila hamwe namujimba halihina, kuchina mujimba kupola. vyamavumba amwaza namaji akuwavisa. #Kulo 12:16; 20:10Kaha haSambata vanokele, nge muze mwaya lushimbi.

Currently Selected:

Luka 23: LUE

Highlight

Copy