Luka 22

Yesu navamutwama punga

(Mat 26:1-5, 14-16; Mako 14:1-2, 10-11; Yowa 11:45-53)

1Jino chiwanyino chaJimbolo jakuzeneka Chimbalwila chapwile nakupandama, chize vavuluka ngwavo chiwanyino chaKuzomboka.

2Kaha vapilishitu vavalemu navaka-kusoneka #Mat 12:14vatondelenga mwakumujihila, oloze vevwile woma wavatu.

3Kaha Satana engilile muli Yuta, uze vavulukilenga ngwavo Isakalyote, umwe wavaze likumi navavali (12).

4Kaha ayile, nakushimutwila navapilishitu vavalemu navakulwane javaka-kulama Tembele mwakumuhanyina kumavoko avo.

5Kaha vawahililile, valivwasanyine nenyi kumuhana jimbongo.

6Etavile, kaha atondelenga awane hakumuhanyina kumavoko avo chakuzeneka lizavu lyavatu kupwako.

Yesu mwalya kulya chachiwanyino chaKuzomboka

(Mat 26:17-29; Mako 14:12-25; Yowa 13:21-30; 1 Koli 11:23-26)

7Jino #22:7-13; Kulo 12:18-20; Lush 16:5-8likumbi lyachiwanyino chaJimbolo jakuzeneka Chimbalwila lyahetele. Haze hapwa kuvanga vajihe mwanamukoko wachiwanyino chaKuzomboka.

8Yesu #19:29atumine #Vili 3:1, 11; 4:13, 19; 8:14Petulu naYowano ngwenyi, Yenu mukalongese kulya chachiwanyino chaKuzomboka, mangana tukalye.

9Vakiko vamuhulishile ngwavo, Kulihi unasake tukachilongeseleko?

10Ikiye avambile ngwenyi, Talenu, omu namukengila munganda, navakamihumangana kuli lunga námbate mulondo wameya. Kamukavangizenu namuze muzuvo mwakengila.

11Kaha kahulisenu mwenya oyo zuvo ngwenu, Muka-kunangula nahulisa ngwenyi, Unangulongesela mulihi mwakushikila ngulilemo chiwanyino chaKuzomboka natumbaji twami?

12Ikiye mwakamilweza kapete wamunene wahelu muze muli vyosena vyakuswa lyehi. Katulongeselenu chiwanyino muze.

13Kaha vayile, vawanyine ngana muze avalwezele, kaha valongesele chiwanyino chaKuzomboka.

14 # Mat 26:20; Mako 14:17; Yowa 13:17 Omu lwola lwahetele, Yesu asendavalile kumesa#22:14 Tala ha6:13. navaze vaposetolo hamwe.

15Avambile ngwenyi, Ngunafwila chikuma kulya nenu echi chiwanyino chaKuzomboka shimbu kanda ngumone makava akutwala kukufwa.

16Mwomwo nangumilweza ngwami, kangweshi kukachilya chekako, #22:14-15; Mat 26:29; Mako 14:25; Kuso 19:9palanga nomu navakachitesamo muwangana waKalunga.

17Kaha anonele lupasa, omu asakwililile, avalwezele ngwenyi, Lutambulenu nakuliselasela,

18mwomwo nangumilweza ngwami, Kufuma oholili kangweshi kunwa vyakumihako yamuvinyoko, palanga nakukwiza chawangana waKalunga.

Kulya chakwanukilangaho Mwata

19Kaha anonele mbolo#22:19 Mwata Yesu anonele mbolo, nakuputuka chiwanyino chakumwanukilangaho, omu vakumishile kulya chiwanyino chaKuzomboka. Talenu 22:20., omu asakwililile ayipuzwile nakuvahanayo, ngwenyi, Ou mujimba wami vánasuula hali enu. Kalingenunga ngana mukangwanukilengaho.

20Kaha chochimwe nalupasa nawa, hakukumisa kulya chiwanyino chaKuzomboka, avalwezele ngwenyi, Lupasa olu lukiko #1 Koli 11:25; 2 Koli 3:6; Hepe 9:15; 8:8; Yele 31:31chilongeselo-chalushiko-lwaKalunga chachihya chamumanyinga ami, náwambweka hali enu.

Muka-kumuhana kumavoko avaka-kole

21 # Samu 41:9 Oloze talenu, livoko#22:21 Nge nautala kanawa kumazu vanasoneka kuMateu 26:20-25; naMako 14:20, nauwana nge muka-kusolola Mwata kuli vaka-kole apwile nenyi hakuputuka chachiwanyino chaKuzomboka, kaha alovokele omu atambwile kachihanda kambolo, Yowano 13:26. lyayou mwanguhana kumavoko avaka-kole lili kumesa nayami.

22Mwomwo Mwanamutu mwaya #Vili 2:23; 4:28; 10:42; 17:31ngana omu vachitongola lyehi, oloze luvinda lwenyi mutu ou mwamuhana kumavoko avaka-kole!

23Kaha vakiko vaputukile kulipula jipami vawane minavo muka nambe kulinga chuma kana.

Iya ahambakana vakwavo ulemu?

(Mat 18:1; Mako 9:34; Luka 9:46)

24 # 9:46; Mako 9:34 Mukachi kavo mwakatukile jipami vawane ou vatela kumona ngwavo ahambakana vakwavo vosena ulemu.

25 # 22:25-27; Mat 20:25-29; Mako 10:42-45; Yowa 13:3-16 Oloze Ikiye avalwezele ngwenyi, Vamyangana javaka-mafuchi vayula vatu javo, kaha ava vene vaka-kuyula, valyamba ngwavo tuvaka-kuvakafwa.

26Oloze muli enu, kanda chikapwa ngochoko. Ou #9:48ahambakana vakwavo vosena ulemu mukachi kenu, alilingise nge omu apwa kanyike, kaha twamina alilingise nge omu apwa muka-kuzachila vakwavo.

27Mwomwo, iya apwa wamulemu, ou eji kusendavalanga kumesa tahi, nyi ou eji kuzachilanga vakwavo? Kumana keshi ou eji kusendavalanga kumesako? Oloze, #Mat 20:28Ami nguli mukachi kenu mwamuka-kumizachila.

28Enu yenu munemana ki-i nayami #4:13; Hepe 2:18; 4:15muvyeseko vyami,

29kaha Ami ngunamihane wangana#22:29 Kulumbununa nge ngwenyi, Nangumilingisa kupwa vamyangana., ngana omu anguhanyinewo Tata,

30mangana mukapwenga nakulya nakunwa kumesa yami muwangana wami, #Mat 19:28nakutwama hamatanda awangana nakuyula miyachi yavaIsalele likumi nayivali.

Yesu mwalweza Petulu ngwenyi, Naungukana

(Mat 26:31-35; Mako 14:27-31; Yowa 13:36-38)

31Ove Shimona, ove Shimona, ivwa! #Yopa 1:6-12; 2:1-6Satana nalombo ngwenyi amyeseke #Amo 9:9hakuminyungulula nge wunga watiliku.

32Oloze Ami #Yowa 17:9, 15ngunakulembelako kuli Kalunga mangana kufwelela chove chizeneke kukuma#22:32 Chipwe ngwavo, mangana uzeneke kuhona mukufwelela chove.. Kaha ove, omu naukahiluka, #Yowa 21:15-17kazamikisenga vandumbwove.

33 Petulu amwambile ngwenyi, Ove Mwata, ngunalizánge kuya nayove nakukamenga nakukufwa.

34 Yesu ambile ngwenyi, Ove Petulu, nangukulweza ngwami, Lelo vene shimbu kanda ndemba asanyike, naukana katatu ngwove kawangutachikizako.

Mbatenu vikwama navyola najipoko jamikwale

35Kaha avahulishile ngwenyi, #10:4; Mat 10:9-10Haze ngwamitumine chakuzeneka chikwama nachola namendelo, mwakalikijile numba? Vamukumbulwile ngwavo, Nduma.

36Avambile ngwenyi, Oloze oholili ou ali nachikwama ambate, kaha nachola nawa ngocho, kaha ou nazeneka poko yamukwale alanjise chikovelo chenyi chachisuku akalande.

37Mwomwo nangumilweza ngwami, Awa Mazu-vasoneka-ajila, kuvanga vawatesemo muli Ami, akwamba ngwavo,

# Isa 53:12 Kaha vamulavilile hamwe navaka-kuzombwojoka jishimbi,

mwomwo mazu aze akunguvuluka vali nakuwatesamo.

38Vakiko vamwambile ngwavo, Ove Mwata, tala, jipoko jamikwale jivali eji. Kaha avambile ngwenyi, Echenu ovyo.

Yesu mwalomba muNgetesemane

(Mat 26:36-46; Mako 14:32-42)

39 # Mat 26:30; Mako 14:26; Yowa 18:1 Kaha alovokele, ayile kupili yaMilive#22:39 Milemba yaNgetesemane yapwile hapili yaMilive. ngana muze alingilenga, kaha tumbaji twenyi vamukavile.

40 # Hepe 5:7-8 Omu ahetele kuze avambile ngwenyi, #22:46; Mat 6:13Lombenu kuchina namwingila mukumyeseka.

41Kaha avasosolokele kafwe katunda kakuwilila lilolwa lyakwasa, kaha afukamine nakulomba

42ngwenyi, Ove Tata, nge unasake, ngufumise olu #Mat 20:22; Mako 10:38; Yowa 18:11lupasa. Chipwe ngocho, #Yowa 5:30keshi munayi muchima wamiko, oloze chilingiwe munayi muchima wove.

43[Jino kwasolokele #Mat 4:11kangelo kufuma mwilu nakumuzamikisa.

44 # Hepe 5:7 Hakulyonyinga chikuma mumuchima, alombele nakutwalililaho, kaha mavule enyi alumukile kupwa nge mamata amanyinga nakusotokela hamavu.]

45Omu akatukile kufuma kukulomba, ahilukile kuli tumbaji twenyi, kuvawana vali mutulo mwomwo vazeyele hakulishona.

46Avambile ngwenyi, Mwomwo ika munasavalila tulo? Hindukenu, lombenu kuchina namwingila mukumyeseka.

Yuta mwavatwaminyina vakwate Yesu

(Mat 26:47-56; Mako 14:43-50; Yowa 18:2-11)

47Shimbu Yesu apwile nakuhanjika, vakasumukile, lizavu lyavatu lineza nauze vavuluka ngwavo Yuta, umwe wavaze likumi navavali (12), natetekelako. Apandamine kuli Yesu nakumusweswenya.

48Oloze Yesu amwambile ngwenyi, Ove Yuta, kumana nauhana Mwanamutu kumavoko avaka-kole hakumusweswenya?

49Omu vaze vajingilikile Yesu vamwene vize vyasakile kusoloka, vamuhulishile ngwavo, Ove Mwata, tulwe navo najipoko jamikwale tahi?

50Kaha umwe wavo omu asakile ngwenyi atape ndungo yakapilishitu wakulitulaho, amuvatwile litwitwi lyachilyo.

51Oloze Yesu ambile ngwenyi, Echenu, ndombo chiku! Kaha akwachile haze lyapwile litwitwi lyenyi nakumuhindula.

52Jino Yesu ambile vapilishitu vavalemu navakulwane javaka-kulama Tembele navakulwane javaYuleya, vaze vamulukukile ngwenyi, Munangulukuka najipoko jamikwale najingungulu nge nguchihwanga?!

53 # 19:47 Omu ngunapunga nayenu muTembele hakumbi hakumbi kamwolwele mavoko hali Amiko. Oloze olu lukiko lwola lwenu, hingolo jamilima.

Petulu mwamukana Yesu

(Mat 26:57-58, 69-75; Mako 14:53-54, 66-72; Yowa 18:12-18, 25-27)

54Kaha vamukwachile, vamutwalile nakumwingisa muzuvo yakapilishitu wakulitulaho, oloze Petulu apwile nakukavangiza hahasuku.

55Omu vawikile kakahya #Mat 26:3hakachi kachipango, vatwamine hamwe, kaha Petulu apwile mukachi kavo.

56Kaha kwapwile ndungo wamwanapwevo amumwene natwame kuze kukakahya, amushishikile nakumwamba ngwenyi, Nayou nawa apwanga nenyi.

57Oloze ikiye akanyine ngwenyi, Ove pwevo, kangwamwijivako.

58Kaha omu hashimbwile chachindende, weka nawa amumwene, amwambile ngwenyi, Nayove nawa wapwa umwe wavo. Oloze Petulu amwambile ngwenyi, Ove lunga#22:58 MuchiHelase, Ove mutu., keshi yamiko.

59Omu mwahichile kafwe lwola lumwe, naweka nawa ahanjikile nangolo ngwenyi, mwamuchano vene, nayou nawa apwanga nenyi, mwomwo naikiye nawa muka-Ngalileya.

60Oloze Petulu amwambile ngwenyi, Ove lunga, kangwejivile ovyo uli nakuhanjikako. Kaha shimbu apwile nakuhanjika, hahaze vene ndemba asanyikile.

61Kaha #7:13Mwata asetulukile nakushishika Petulu. Petulu himwanuka mazu áhanjikile Mwata ngwenyi, #22:34Lelo, shimbu kanda ndemba asanyike, naungukana katatu.

62Kaha alovokele haweluka nakulila nakulyonyinga.

Yesu navamuhenda nakumuveta

(Mat 26:67-68; Mako 14:65)

63Jino vaze #22:63-65; Yowa 18:22-24malunga vákwachile Yesu, vapwile nakumuhenda oku vali nakumuveta.

64Vamukashile hameso nakumwamba ngwavo, Polofweta! Iya nakuvete?

65Kaha vahanjikile vikwavo vyavivulu vyakumusaula.

Yesu navamusopesa

(Mat 26:59-66; Mako 14:55-64; Yowa 18:19-24)

66 # Mat 26:57; Mako 14:53 Hakututuka chalikumbi, vakulwane javaYuleya vakungulukile hamwe navapilishitu vavalemu navaka-kusoneka, kaha vamutwalile kuzango yavaYuleya#22:66 MuchiHelase ngwavo, Kusunendeline.. Vamwambile ngwavo,

67Nge Ove yove Kulishitu, tulweze. Oloze avambile ngwenyi, Chipwe nangumilweza, kamweshi kuchifwelelako,

68kaha numba nge nangumihulisa, kamweshi kungukumbululako.

69Oloze kufuma kulelo

Mwanamutu mwatwamanga #Mako 16:19kulivoko lyaKalunga lyachilyo lyangolo.

70Kaha vosena vamuhulishile ngwavo, Kumana, Ove yove MwanaKalunga tahi? Ikiye avambile ngwenyi, #23:3; Mat 27:11Mwomwo vene munambe, Yami vene Ngwapwa.

71Kaha vakiko vambile ngwavo, Nyi ika natutondela unjiho weka? Mwomwo tunawivu etu vavene mukanwa kenyi.

Currently Selected:

Luka 22: LUE

Highlight

Copy