Luka 20

Navahulisa kwafuma ngolo jaYesu

(Mat 21:23-27; Mako 11:27-33)

1Kaha chasolokele likumbi limwe, omu Yesu apwile nakunangula vatu muTembele nakwambulula mujimbu wamwaza, vapilishitu vavalemu navaka-kusoneka, hamwe navakulwane javaYuleya, vejile kuli Ikiye,

2kaha vamuhulishile ngwavo, #Yowa 2:18Tulweze, evi uli nakuvilinga nangolo muka? Kaha ou akuhana ngolo kana iya?

3Avakumbulwile ngwenyi, Ami nawa nangumihulisa lizu limwe, kaha mungukumbulule.

4Lujimiko lwaYowano lwapwile lwakufuma mwilu tahi nyi lwakufuma kuli vatu?

5Vakiko valihwojwele ngwavo, Nge natwamba ngwetu, Lwakufuma mwilu, kaha mwatwamba ngwenyi, Nyi mwakanyinyine ika kumufwelela?

6Oloze nge natwamba ngwetu, Lwakufuma kuli vatu, kaha lizavu lyosena nalitwasa malolwa, mwomwo vatu vafwelela ngwavo #7:29; Mat 14:5Yowano apwa vene kapolofweto.

7Shikaho vamukumbulwile ngwavo, Katwatachikiza okwo lwafumako.

8Yesu avambile ngwenyi, Nayami nawa kangweshi kumilweza ngolo kana nguli nakulinga najo vyuma eviko.

Chishimo chawande wamivinyo

(Mat 21:33-34; Mako 12:1-11)

9Jino aputukile kutela vatu chishimo echi ngwenyi, Kwapwile mutu alimine #Isa 5:1-7wande wamivinyo nakuusela vanjimi vaulamenga, vawanyineho nakumuhanako mihako yawo. Kaha #Mat 25:14ayile kulifuchi lyeka nakushimbulako chikuma.

10Hangonde yakwaha atumine ndungo yenyi kuli vaze vanjimi mangana vakamuhane mihako yimwe yamuwande wamivinyo. Oloze vaze vanjimi vamuvetele nakumuhilwisa mavokovoko.

11Kaha atumineko ndungo yenyi mukwavo, naikiye nawa vamuvetele, vamusawile nakumuhilwisa mavokovoko.

12Kaha atumineko nawa wamuchitatu, ikiye vamutwile mbandu, nakumuhanga.

13Kaha uze mwenyawande wamivinyo ambile ngwenyi, Nangulinga muka? Nangutuma mwanami, ou ngwazanga, pamo navakamuvumbika.

14Oloze vaze vanjimi hakumumona valivwasanyine ngwavo, Ou ikiye swana. Tumujihenu, mangana uswana upwenga wetu.

15Kaha vamutwalile kusali yawande nakumujiha. Shikaho mwenyawande mwakavalinga muka?

16Mwakeza nakunongesa vaze vanjimi, #Vili 13:46; 18:6; 28:28kaha wande kana wamivinyo mwakauhana veka. Omu vachivwile, vambile ngwavo, Kanda nachipwa ngochoko!

17Oloze avatalile swi-i nakuvamba ngwenyi, Nyi echi vasoneka chaya mulihi? Ngwavo,

# Samu 118:22-23; Vili 4:11; 1 Pet 2:6-7 Lilolwa eli vakanyine vaka-kutunga Tembele

Likiko linapu jino Mutwe wakukashisa mbango yazuvo.

18 # Isa 8:14-15 Weshowo mwalimbukila halilolwa lino mwasanyuka, oloze weshowo nálikaholokela nalikamuchika chiki-chiki.

Mutelo waKesale

(Mat 21:45-46; 22:15-22; Mako 12:12-17)

19Kaha vaka-kusoneka navapilishitu vavalemu #19:47vasakile kumukwata halwola vene luze, mwomwo vatachikijile ngwavo chishimo kana nachitela vakiko, oloze vevwile woma wavatu.

20Kaha #Mako 3:2vapwile nakumulavijiza, ngocho vatumine vandoji vaze valyongele nge vaka-kwoloka nakumuta kumazu enyi, mangana vahase kumuhana kungolo nakuwata wanguvulu.

21Shikaho vamuhulishile ngwavo, #Yowa 3:2Ove Muka-kunangula, tunatachikiza ngwetu Ove weji kuhanjikanga nakunangula mwakwoloka, kawatwama nachihandwako, oloze weji kunangulanga mwamuchano mwaya jila yaKalunga.

22Mwaya Jishimbi, chatamo kutela kuli Kesale tahi, nyi chiku?

23Oloze omu amwene kulunguluka chavo, avambile ngwenyi,

24Tutalenu ndenali#20:24 Tala ha7:41.. Nyi mutwe uliho navasona volaho vyeya? Vakiko vamukumbulwile ngwavo, VyaKesale.

25Avambile ngwenyi, Shikaho vyaKesale muhanenunga Kesale, kaha vyaKalunga nawa muhanenunga Kalunga.

26Valikomokelele kukumbulula chenyi, kaha kavahashile kumuta kumazu enyi kumeso avaze vatuko, vaholele kulu.

VaSatuse nakusanguka chavafu

(Mat 22:23-33; Mako 12:18-27)

27Jino kuli vaSatuse, #Vili 4:1-2; 23:6-10vaze vamba ngwavo kakwatwama kusangukako, kwafumine vamwe vejile kuli Ikiye.

28Kaha vamuhulishile ngwavo, Ove Muka-kunangula, #Lush 25:5Mose atusonekelele ngwenyi,

Nge lunga ali nandumbwenyi walunga, kaha uze ndumbwenyi mwafwa

nakuseza pwevo lyenyi

Chakuzeneka kusema nenyi mwana,

Uze nasaleho ambate uze pwevo nakusangula mbuto yandumbwenyi.

29Kaha kwapwile malunga vatanu navavali mulijimo lyavo. Uze watete ambachile pwevo, kaha afwile chakuzeneka kusema mwana.

30Kaha nauze wamuchivali,

31nauze wamuchitatu nawa amumbachile. Kaha vosena vatanu navavali chochimwe vamumbachile, vafwile, kavasele vanako.

32Hakukuminyina, uze pwevo nawa afwile.

33Shikaho hakusanguka, mwakapwa pwevo lyaumwe ulihi? Mwomwo vosena vaze vatanu navavali vamumbachile.

34Yesu avakumbulwile ngwenyi, Vana vamyaka yino veji kumbatanga, kaha veji kuvahangisanga.

35Oloze vaze Kalunga amona ngwenyi vanatemo kuheta kungonde yize nakukusanguka muvafu, kaveshi kukambata chipwe kuhangisa mapwevoko.

36Mwomwo kaveshi kuhasa kufwa chekako, navakapwa nge vangelo — hakupwa vana vaKalunga, vana vakusanguka.

37Hakuvuluka omu vafu navakavasangula, naMose nawa achisolwelele hamujimbu #Kulo 6:3wachiputa chamingonga, omu MWATA amulwezele ngwenyi,

Ami yami Kalunga kaApalahama, Kalunga kaIsaka, Kalunga kaYakova.

38Jino Ikiye kapwa Kalunga kavafuko, oloze kavavatonyi, mwomwo kuli Ikiye vosena vavatonyi.

39Kaha #Mako 12:28vaka-kusoneka vamwe vamukumbulwile ngwavo, Ove Muka-kunangula, unahanjika mwakwoloka.

40 # Mako 12:34; Mat 22:46 Mwomwo kavahasukile kumuhulisa chekako.

Yesu mwavahulisa vyamwanaNdavichi

(Mat 22:41-46; Mako 12:35-37)

41Kaha avahulishile ngwenyi, Vambila ika ngwavo, Kulishitu apwa #Mat 9:27MwanaNdavichi?

42Mwomwo ivene Ndavichi nambe hamukanda wajiSamu ngwenyi,

# Samu 110:1 MWATA ambile Mwata wami ngwenyi,

Twamanga kulivoko lyami lyachilyo

43Palanga nomu nangukalingisa vaka-kole jove kupwa chitwamo chamahinji ove.

44Shikaho Ndavichi amuvuluka ngwenyi, Ikiye Mwata. Kaha mwapwa ngachilihi Mwanenyi?

Yesu mwavahanjikila vaka-kusoneka

(Mat 23:1-36; Mako 12:38-40; Luka 11:37-54)

45Ahanjikile kuli tumbaji twenyi, oku vatu vosena vali nakwivwako, ngwenyi,

46Zangamenu navaka-kusoneka, #11:43; 14:7ava vasaka kutambwojoka, vanavwale uvwalo wausuku, kaha vazanga kuvamenejeka nakalemesa kuvilanjilo, vazanga nawa vitwamo vyaulemu mujisunangonga, navihela vyaulemu kuviwanyino vyakulya,

47veji kulyanga luheto lwavatuliwe vamapwevo, kaha veji kulyonganga kupwa vaka-kukomoka Kalunga hakulomba nakutwalililaho. Vakiko navakavayanjisanga kuhambakana vakwavo.

Currently Selected:

Luka 20: LUE

Highlight

Copy