Luka 19

Yesu naZakeu

1Kaha Yesu engilile mu Yeliko, apwile nakupulasanamo.

2Jino mwapwile lunga lijina lyenyi Zakeu, mukulwane wavaka-kutelesa, kaha apwile muka-luheto.

3Afwilile kutachikiza Yesu nomu apwa, oloze hakupwa wamwihi kahashileko mwomwo walizavu lyavatu.

4Shikaho alahilile kulutwe nakunyina kumutondo wamusuhwa mangana amumone, mwomwo Yesu apwile hakamwihi nakuhichila kuze.

5Omu Yesu aheteleho atalile kwilu nakwamba ngwenyi, Ove Zakeu, anguhwa kusuluka mwomwo kuvanga ngushikile kuzuvo yove lelo.

6Kaha anguhwile kusuluka, amutambwile nachisambo.

7 # 9:20-30; 15:1-2 Vosena omu vachimwene vatatwokele ngwavo, Nayi nakushikila kuli lunga muka-shili.

8Zakeu emanyine nakulweza #7:13Mwata ngwenyi, Ove Mwata, Tala, nangupangununa vikumba vyami hakachi nakuhana chimbwa chimwe vaka-kuhutwa. Kaha nge ngwalyapwile mutu #3:14; Kulo 22:1; Levi 6:5; Kula 5:6-7; 2 Samw 12:6nangumushishishilamo mapapa kawana.

9Yesu amwambile ngwenyi, Lelo ulwilo uneza kuzuvo yino — naikiye nawa #3:8; 13:16; Loma 4:1-5, 16; Ngal 3:7mwanaApalahama.

10Mwomwo Mwanamutu eza nakutonda chize chajimbala nakuchilwila.

Chishimo chajimina likumi

11Omu vapwile nakwivwilila vyuma evi, hakupwa #9:51; 13:22; 17:11; 18:31kwakamwihi naYelusalema, Yesu avatelele nawa chishimo mwomwo vashinganyekele ngwavo wangana waKalunga nausoloka linwomu.

12 # 19:12-27; Mat 25:14-30 Shikaho ambile ngwenyi, #Mako 13:34Kwapwile mutu wamulemu ayile kulifuchi lyapwile kwakusuku nakumuswanyisa wangana, nakukinduluka.

13Jino shimbu kanda ayenga, asanyikile vandungo jenyi likumi, avahanyine jimina#19:13 Mina yimwe yapwile jindenali likulukaji (100), nge fweto yamuka-kuzata hakuzata tukweji vawana. likumi, nakuvamba ngwenyi, Jisekasanenu nomu nangukakinduluka.

14Oloze vatu jenyi vamuhungile, kaha vatumine chendo chavaluwa vamukave vakambe ngwavo, Ou mutu katwamusakile atuyuleko.

15Kaha chasolokele, omu akindulukile wakuswanyisa lyehi hawangana, atumine vamusanyikile vaze vandungo ahanyine jize jimbongo mangana atachikize ojo vanawanyinaho hakusekasana.

16Omu ejile wakavanga ambile ngwenyi, Ove kaka, mina yove yinaseme jimina jikwavo likumi.

17Kaha amwambile ngwenyi, Ove ndungo wamwenemwene, unalingi kanawa. #16:10Mwomwo unashishikila hachuma chachipululu, naupwa nawata wamembo-ajikembwe likumi.

18Kaha wamuchivali ejile, ambile ngwenyi, Ove kaka, mina yove yinaseme jimina jikwavo jitanu.

19Kaha amwambile ngwenyi, Nayove nawa naupwa nawata wamembo-ajikembwe atanu.

20Mukwavo nawa ejile, ambile ngwenyi, Ove kaka, tala mina yove eye-e, ngunayilamenga yakukashilila halihina.

21Mwomwo ngwakwivwa woma, hakupwa ove umutu wamukalu, wéji kumbatanga ocho kawatumbikileko, kaha wéji kwahanga ocho kawakuvileko.

22Kaha amwambile ngwenyi, Ove ndungo wamupi, nangukuhisa namazu ove. Kumana watachikijile ngwove ngumutu wamukalu, ngweji kumbatanga ocho kangwatumbikileko, kaha nawa, ngweji kwahanga ocho kangwakuvileko —

23nyi mwomwo ika wazenekele kuhana lumbongo lwami kunyambaulu? Kachi omu nguneza nangutambula lumbongo lwami nakalyapoko.

24Kaha ambile vaze vemanyine kwakamwihi ngwenyi, Mutambulenu oyo mina, yihanenu ou ali najimina likumi.

25Vamwambile ngwavo, Ove kaka, ali lyehi najimina likumi.

26Nangumilweza ngwami, #8:18; Mat 13:12; Mako 4:25Weshowo áli navyo navakamuwezelako, oloze ou keshi navyoko, chipwe chize áli nacho navakamutambulacho.

27Oloze ava vaka-kole jami vangukana kuvayula, vanehenu kuno, #20:16; Mat 22:7vatapenu kumeso ami.

Yesu mwengila muYelusalema mwamwangana

(Mat 21:1-11; Mako 11:1-11; Yowa 12:12-19)

28Kaha omu akumishile kuhanjika, #Mako 10:32atetekeleleko nakukanduka kuYelusalema.

29Kaha omu apandamine kuMbetefwaje naMbetane, hapili yize vavuluka ngwavo Milive, atumine tumbaji twenyi vavali

30ngwenyi, Yenu kulimbo lize lili kulutwe lwenu, kaha hahaze vene namwingila namuwana livuvu lyachimbulu wakukasa, ou kanda vanyinengaho lyehi kuli mutu. Kamukasununenu mumunehe.

31Kaha nge umwe mwamihulisa ngwenyi, Mwomwo ika muli nakumukasunwina? Mulwezenu ngwenu, Mwata nasake kumuzachisa.

32Omu #22:13vayile vaze átumine, vawanyine ngana muze avalwezele.

33Omu vapwile nakukasununa uze livuvu, venyayo vavahulishile ngwavo, Mwomwo ika muli nakukasunwina ou livuvu?

34Vavakumbulwile ngwavo, #7:13Mwata nasake kumuzachisa.

35Vamunehele kuli Yesu. #19:35-38; Yowa 12:12-15Vahakile uvwalo wavo hali uze livuvu nakunyinyisaho Yesu.

36Omu apwile nakuya, vatu #2 Vamy 9:13válílenga uvwalo wavo mujila.

37Omu apwile nakupandama kuYelusalema, vali lyehi mujila yakushikumuka kufuma hapili yaMilive, liyongomena lyatumbaji twenyi lyosena lyaputukile kuwahilila nakwalisa Kalunga namazu akukanguka mwomwo wavilinga vyangolo vyosena vize vamwene,

38nakwamba ngwalyo,

# 13:35; Samu 118:26 Wakukisula Mwangana Ou mweza mulijina lyaMWATA!

Kuunda chipwenga mwilu,

# 2:14 Naupahu nawa upwenga muze mwakulitulaho!

39 # Mat 21:15-16 Kaha vaFwaliseu vamwe vapwile muze mulizavu vamwambile ngwavo, Ove Muka-kunangula, vahanjikile tumbaji twove!

40Ikiye avakumbulwile ngwenyi, Nangumilweza ngwami, chipwe nge ava vaholanga #Hamb 2:11kachi awa vene malolwa nawatambakana.

41Jino apandamine kwakamwihi, kaha omu amwene nganda, #13:34-35ayilililile,

42ngwenyi, Kachi watachikizanga, ove vene, halikumbi lino, vyuma vyáneha kuunda! Oloze jino vanakuswekevyo kuchina navikulumbunukila.

43Mwomwo kuli ove nakukeza makumbi, omu #21:21-24; Isa 29:3; Yele 6:6; Ezek 4:2vaka-kole jove navakatunga muhanga wakukujingilikila muchingombela kujisali josena.

44Kaha #21:6navakakushiula hamwe navana vove, #Mat 24:2; Mako 13:2muli ove kaveshi kukasezamo lilolwa limwe halikwavoko, mwomwo #1 Pet 2:12kawatachikijile lwola lwakukwalakanako.

Yesu mwatomesa muTembele

(Mat 21:12-17; Mako 11:15-19; Yowa 2:13-22)

45Kaha engilile muTembele, aputukile kuhanga vaze vapwile nakulanjishilamo,

46nakuvamba ngwenyi, Vasoneka ngwavo,

# Isa 56:7 Kaha Zuvo yami nayikapwanga Zuvo yakulombela.

Oloze #Yele 7:11enu munayalumuna kupwa

Uswamo wavihwanga.

47Kaha anangwilenga vatu #Mat 26:55hakumbi hakumbi muTembele. Oloze vapilishitu vavalemu navaka-kusoneka navakulwane javatu #20:19vatondelenga kumujiha.

48Oloze kavawanyinenga mwakumulingilako, mwomwo vatu vosena vakakachilile kumazu enyi nakumwivwilila.

Currently Selected:

Luka 19: LUE

Highlight

Copy