Luka 1
1
Shindakanyi yamujimbu waYesu Kulishitu
1Hakumona vavavulu vanalihane kukwihwojola nakusoneka mujimbu hachuma hichuma ngana omu Mazu-vasoneka-ajila anatesamo mukachi ketu,
2kutesa namuze vatulwezelewo vangamba jaLizu lyaKalunga, #Hepe 2:3; 2 Pet 1:16; 1 Yowa 1:1vaze vakaleho #Vili 1:21-22; Yowa 15:27kufuma kukuputuka,
3shikaho #Vili 1:1ove Teyofwilo walema chikuma, nayami nawa omu ngunehwojola kanawa vyosena kufuma kukuputuka ngwachimwene kuwaha kukusonekela mujila yakusungama,
4mangana utachikize kanawa shindakanyi yamazu vákunangwile.
Kusemuka chaYowano muka-kujimika vatu
5 #
Mat 2:1
Hamakumbi ápwile Helote mwangana wavaYuleya, kwapwile kapilishitu umwe, lijina lyenyi Zekaliya, #1 Miji 24:10wakumukana waAviya. Pwevo lyenyi apwile Elizavete, wakumukana wavana vaAlone vamapwevo.
6Kaha vosena vavali vapwile #Kupu 7:1vakwoloka kumeso aKalunga, vatambukilenga chakuzeneka mulonga muJishimbi jaMWATA josena namukulonga chenyi.
7Oloze kavapwile namwanako, mwomwo Elizavete apwile mumba, kaha vosena vavali vapwile hivanakulu lyehi.
8Jino omu #1 Miji 24:19; 2 Miji 8:14; 31:2Zekaliya apwile nakuzata milimo yaupilishitu kumeso aKalunga hamakumbi amukana wenyi —
9kweseka nomu mwaya milimo yaupilishitu, vamusakwile #Kulo 30:7-8mangana engile muTembele yaMWATA #Kulo 30:7nakwocha vyalivumba lyamwaza.
10Kaha liyongomena lyavatu lyosena lyapwile nakulomba kuweluka, halwola lwakwocha vyalivumba lyamwaza.
11Kaha kuli ikiye kwasolokele #1:26; 2:9; Vili 5:19kangelo kaMWATA nemana kumutamba wachilyo walijiko lyakwochela vyalivumba lyamwaza.
12Kaha omu Zekaliya amumwene atungumukile kaha woma wamukwachile.
13Oloze uze kangelo amwambile ngwenyi, Ove Zekaliya #1:30; 2:10; Mat 14:27kanda wivwa womako, mwomwo kulomba chove vanachivu, kaha pwevo lyove Elizavete mwakasema nayove mwana walunga, kaha #1:60, 63ukamuluka ngwove Yowano.
14Kaha naukapwa nakuwahilila nachisambo, kaha vavavulu navakawahilila hakusemuka chenyi,
15mwomwo mwakapwa wamulemu kumeso aMWATA. #7:33; Kula 6:3; Kuyu 13:4; Mat 11:18Kaha kanda akanwa vinyo chipwe wala wausasuko. Mwakazala naShipilitu Wajila kufuma vene mujimo lyanaye.
16Kaha mwakahilwisa vana vaIsalele vavavulu kuli MWATA Kalunga kavo,
17 #
1:76
Kaha mwakatetekelako kulutwe lwaMWATA #Mat 11:4mushipilitu namungolo jaElija,
#
Mala 4:5-6
Nakwalumuna michima yamasevo yitale cheka kuli vana vavo,
nayavaka-kulikanga yitale kumangana avaka-kwoloka, alongesele MWATA vatu valizánga lyehi kumutambula.
18Kaha Zekaliya ahulishile uze kangelo ngwenyi, #1:34Nanguchitachikijila haka? Mwomwo ami ngukashinakaji, napwevo lyami nawa nakulu lyehi.
19Kaha uze kangelo amukumbulwile ngwenyi, Yami uze #1:26; Ndan 8:16; 9:21Ngavalyele éji kwimananga kumeso aKalunga, kaha vangutumanga nguhanjike nayove nakukwambulila ou mujimbu wamwaza.
20Tala naupwa ukamama, kaweshi kuhasa kuhanjikako swi-i nakulikumbi navikasoloka vyosena evi, mwomwo kawafwelelele mazu amiko, awa navakatesamo halwola lwawo.
21Jino vaze vatu vapwile nakuvandamina Zekaliya, valikomokelele kushimbula chenyi muTembele.
22Kaha omu alovokele, kahashile kuhanjika navoko — #1:62apwile kaha nakwinyejeka, mwomwo apwile naumama, hinavejiva ngwavo vanamumwenesa chimweneso muTembele.
23Kaha omu makumbi enyi akuzata vyaupilishitu akumine, ayile kwimbo lyenyi.
24Omu mwahichile makumbi, pwevo lyenyi Elizavete emichile, kaha aliswekele tukweji vatanu. Ambile ngwenyi,
25Ngocho MWATA Ikiye nangulingilacho, hamakumbi nángwalakana #Kupu 30:23; Isa 4:1nakungufumisa kusauka mukachi kavatu.
Kusemuka chaYesu
26 Omu Elizavete ahetele mutukweji vatanu naumwe valijimo, Kalunga atumine kangelo #1:19Ngavalyele kulimbo-lyakembwe lyakuNgalileya vavuluka ngwavo #Mat 2:23Nazaleta,
27kuli mwanapwevo #Mat 1:18ápwile kanda alimoneho lyehi nalunga, uze váhuhwile kuli lunga lijina lyenyi Yosefwe, wakutanga yaNdavichi. Kaha lijina lyauze mwanapwevo#1:27 MuchiHelase ngwavo mwanapwevo apwile kanda lyehi alimone nalunga. ikiye Maliya.
28Kaha uze kangelo omu ahetele kuli ikiye amwambile ngwenyi, Hindukenu mwane#1:28 MuchiHelase ngwavo, Wahililenu. Chikiko kumeneka chavo., ove watokwa, MWATA ali nayove!
29Oloze mazu kana ayanjishile Maliya mumuchima wenyi chikuma, kaha esekele kushinganyeka atachikize mwaya kumeneka kana.
30Kaha uze kangelo amwambile ngwenyi, Ove Maliya, #1:13; Mat 14:27kanda wivwa womako, mwomwo unawane uselewa kuli Kalunga.
31Ivwa, nawimita, kaha naukasema mwana walunga, #2:21; Mat 1:21, 25ukamuluka ngwove Yesu.
32Ikiye mwakapwa wamulemu kaha navakamuvuluka ngwavo #1:35, 76; 6:35; Vili 7:48; Mako 5:7Mwana yOu-alitulaho. Kaha MWATA Kalunga mwakamuhana litanda lyakakuluka yenyi Ndavichi,
33kaha mwakayulanga tanga yaYakova nakujingonde jázeneka kukuma, #Mat 28:20; Ndan 2:44; 7:14, 18, 27wangana wenyi kaweshi kukakumako.
34Jino Maliya ahulishile uze kangelo ngwenyi, #1:18Nachihashiwa ngachilihi, hakupwa ami kanda ngulimonengaho lyehi nalunga?
35Kaha uze kangelo amukumbulwile ngwenyi, #Mat 1:18, 20Shipilitu Wajila mweza hali ove, kaha ngolo #1:33jayOu alitulaho najipwa hali ove. Shikaho Uze mwakasemuka ajila navakamuvuluka ngwavo, MwanaKalunga.
36Kaha tala, kausoko kove Elizavete nawa, ou vambilenga ngwavo mumba, nemita lijimo lyamwana walunga muukule wenyi, kaha uno kakweji kenyi wamuchitanu naumwe.
37Mwomwo kuli #Kupu 18:14Kalunga vyosena vyahashiwa.
38Kaha Maliya ambile ngwenyi, Eyo mwane#1:38 MuchiHelase ngwavo, Tala., ngundungo yaMWATA, chipwenga ngocho kuli ami ngana omu munayi lizu lyove. Kaha uze kangelo amusezele.
Maliya mwaya nakushikama naElizavete
39Kaha Maliya akatukile hamakumbi aze nakuya washi kungalila yajipili mulimbo limwe lyakembwe lyamuYuta,
40kaha engilile muzuvo yaZekaliya nakumeneka Elizavete.
41Kaha omu Elizavete evwile kumeneka chaMaliya, mwana alinyukile mujimo lyenyi. Elizavete #1:67azalile naShipilitu Wajila,
42kaha atambakanyine ngwenyi, #11:27-28; Kuyu 5:24Ove uwakukisula mukachi kamapwevo, kaha Ou Mwana#1:42 MuchiHelase ngwavo, Muhako wamujimo lyove. áli mujimo lyove nawa wakukisula!
43Kaha chinafumu haka numba naye yaMwata wami ezenga kuli ami?
44Mwomwo ivwa, omu ngunevu lizu lyakumeneka chove, mwana nalinyuku nakuwahilila mujimo lyami.
45Kaha atokwa ou áfwelelele ngwenyi, vize vamulwezele kuli MWATA navakavitesamo.
46Kaha Maliya ambile ngwenyi,
#
1:46-53; 1 Samw 2:1-10 Mwono wami #Samu 34:2-3weji kutohwesanga MWATA,
47 #
Samu 35:9
Nashipilitu yami nawa yeji kuwahililanga chikuma #1 Chim 1:1; 2:3; Chitu 1:3; 2:10; 3:4; Yuta 1:25naKalunga Mulwilo wami,
48Mwomwo namono kukuminamo chayami ndungo yenyi.
Shikaho tala, kufuma oholili, visemunwino vyosena navinguvulukanga ngwavo atokwa.
49Mwomwo Muka-ngolo nangulingila vyavinene,
Kaha lijina lyenyi lyajila.
50Kaha mwatetela vaze vamwivwa woma kuchisemunwino hichisemunwino.
51 #
Samu 98:1; 118:15-16 Nasolola ngolo nalivoko lyenyi,
Namwange vaka-kutangalala muvishinganyeka vyamichima yavo.
52Nahosomona vaka-kuyula hamatanda avo,
Nazezula vakukuminamo.
53Váli nazala navekuchisa navyamwaza,
Kaha vaka-luheto navahange mavokovoko.
54Nakafwe ngamba yenyi Isalele,
Hakwanuka kutetela chenyi cházeneka kukuma#1:54 Mazu awa, cházeneka kukuma, chipwe anafumu kusongo ya1:55, ali nakusolola kutetela chaKalunga omu cházeneka kukuma. —
55 #
Mika 7:20; Kupu 17:19; 18:18; 22:17; Samu 132:11 Kutesa namuze ahanjikile kuli vakakuluka jetu,
Vakiko Apalahama navana venyi.
56Maliya atwamine naElizavete kafwe tukweji vatatu, kaha akindulukile kwimbo lyenyi.
Kusemuka chaYowano muka-kujimika vatu
57Jino, lwola lwakusapuluka Elizavete lwahetele, kaha asemene mwana walunga.
58Vaze vakwavo alihachile navo navausoko wenyi omu vevwile ngwavo MWATA namutetela mwamunene, kaha vawahililile nenyi hamwe.
59Kaha #Levi 12:3; Kupu 17:12halikumbi lyamuchitanu naatatu, vejile nakujihana uze mwana. Kaha vasakile vamuluke ngwavo Zekaliya, lijina lyaise,
60oloze naye avakumbulwile ngwenyi, Chiku, #1:13, 63navamuluka ngwavo Yowano.
61Kaha vamwambile ngwavo, Kuli vausoko wove kakweshi umwe valuka lijina kanako.
62 #
1:22
Vanyachilile ise vatachikize lijina ásakile kumuluka.
63Kaha alombele lilolwa lyaupalasese, kaha asonekeleho ngwenyi, #1:13, 60Lijina lyenyi Yowano. Kaha vosena valikomokelele.
64Hahaze vene #1:20kanwa kenyi kasokolokele, lilimi lyenyi lyasovokele, kaha ahanjikile nakwalisa Kalunga.
65Kaha vosena vaze valihachile navo vevwile woma chikuma. Kaha vihande vyosena evi vavishimutwilile mungalila yosena yajipili yamuYuleya,
66kaha vosena vaze vavivwile vavilamine mumichima yavo, nakwamba ngwavo, Ou mwana kana mwakapwa iya? Mwomwo #Vili 11:21livoko lyaMWATA lyapwile naikiye.
Upolofweto waZekaliya
67Kaha ise Zekaliya #1:41azalile naShipilitu Wajila, apolofwetele ngwenyi,
68Vakisulenga MWATA Kalunga kavaIsalele,
Mwomwo nalakana vatu jenyi nakuvasokola.
69Kaha natukatwila #1 Samw 2:1, 10; Samu 18:2; 89:17; 132:17; Ezek 29:21 Lumbinga lwaulwilo
Muzuvo #Mat 1:1yangamba yenyi Ndavichi
70Kutesa namuze #Vili 3:21ahanjikile mutunwa twavapolofweto jenyi vajila kufuma kushikulu,
71Ulwilo wakutulwila kuli vaka-kole jetu,
Nakumavoko#1:71 MuchiHelase ngwavo, Nakulivoko lyavosena vatuhunga. avosena vatuhunga,
72 #
Mika 7:20
Asolole kutetela chize áshikile vakakuluka jetu,
#
Samu 105:8-9; 106:45 Nakwanuka chilongeselo chenyi chalushiko chajila,
73 #
Kupu 22:16-18
Kulishinga chize alishingile kuli kakuluka yetu Apalahama,
74Mangana, hakutuhana kuyovoka mumavoko avaka-kole jetu,
Tukamuzachilenga chakuzeneka woma,
75Mukujila namukwoloka kumeso enyi makumbi etu osena.
76Kaha ove mwana, navakakuvulukanga ngwavo #7:26; Mala 4:5ukapolofweto #1:32kayOu alitulaho,
Mwomwo #1:17naukatetekela kulutwe lwaMwata nakulongesa jijila jenyi,
77Nakuhana vatu jenyi chinyingi chakutachikiza ulwilo,
#
Mako 1:4
Hakuvakonekela milonga yavo yashili,
78Hamuchima wakutetela waKalunga ketu,
#
Mala 4:2; Efwe 5:14; 2 Pet 1:19 Hakiko mwatwalakana Kalunga kufuma mwilu nge kututuka chalikumbi,
79 #
Isa 9:2; 59:8; Mat 4:16 Mangana amunyikile vaze vatwama mumilima namumuvwimbimbi wakufwa,
Nakuwilisa mahinji etu mujila yakuunda.
80Kaha #2:40, 52uze mwana azovolokelenga nakukwata ngolo mushipilitu, kaha apwile mupambo palanga nakulikumbi lize asolokele hatoma kuli vaIsalele.
Currently Selected:
Luka 1: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
