Marku 3

Yeesu nyawtii mo junŋo waatuŋo.

(Matiye 12.9-14; Luka 6.6-11)

1Yeesu naatii kade der *suudu waajorde, o tawi ton gorko mo junŋo mum waati. 2Himɓe wonnooɓe ɗon e watti hakkillo mum, e daara naa Yeesu nyawtan gorko on *nyalaane siwteteene, gam ɓe keɓa no ɓe gaccorii mo. 3Yeesu wi'i mo junŋo mum waati on: «Umma, dara hakkune maɓɓe!» 4Den, o ƴami ɓe: «tawreeta meeɗen hokkii laawol waɗugo ko wooɗi naa waɗugo ko halli der nyalaane siwteteene, daɗingo neɗɗo naa warugo mo?» Amma ɓe toontaaki. 5Yeesu daari ɓe e mone, yoorugo ko'e maɓɓe biisi ɓerne makko, o wi'i gorko on: «Foortu junŋo maa!» O foorti ŋo, ŋo yanɗiti. 6Ɗon maa ɗon, Farisaaɓe wurti suudu Alla, yahi dawridi e himɓe dariiɓe ɓaawo Eroodu gam ɓe daarta dabare no ɓe kalkirta Yeesu.

Himɓe e wara to Yeesu

(Matiye 12.15-16; Luka 6.17-19)

7Ɓaawo majjum, Yeesu fottii, yahi maayo *Galili, kanko e aahiiɓe makko, jama'aare ɗuunne ƴiwune Galili e Yahudiya e tokki mo. 8Himɓe ɗuuɓɓe, ƴiwoyɓe *Urusaliima, e Idumiya, e ci'e piiltitiiɗe Urdun e gureeje Tirus e Sidon, nani ko o waɗuno fu, wari to makko. 9Yeesu wi'i aahiiɓe mum e siriyanoo ɗum laana gam jama'aare e ɓilla ɗum. 10O nyawtii ɗuuɓɓe, kan waɗi nyawɓe fu e hanƴontira gam ɓe meema mo. 11Wakkati on to wooduɓe ginnaaji yi'i mo, jiccoto nun e bata e semme e wi'a: «An a laati nun *Ɓii Alla!» 12Oo waggina ɗi sanne to ɗi batu moy nun o laatii.

Yeesu suɓii aahiiɓe sappo e ɗiɗo ɓe laatoo lilaaɓe.

(Matiye 10.1-4; Luka 6.12-16)

13Ɓaawo majjum, o yawtiri dow waanne, o noddi ɓe o yiɗi, ɓe jahi to makko. 14O suɓi sappo e ɗiɗo, gam ɓe gonda e makko, o lila ɓe waajaago, 15o hokki ɓe baawɗe riiwugo ginnaaji. 16Daa ɗo inɗe sappo e ɗiɗo ɓe o suɓi: «Simon mo o innitiri Piyer, 17Yaakuuba e minyum Yuhaana, ɓiɓɓe Jebede ɓe o innitiri Bowanerges, maanaa mum woni nanduɓe e riggaaŋo», 18Andere, Filippu, Bartolome, Matiye, Toma, Yaakuuba ɓii Alfee, Tadde, Simon tinniiɗo gam Alla. 19e Yahuuda Iskariyot, jammiiɗo mo.

Ruuhu Ceniiɗo Yeesu riiwirta ginnaaji.

(Matiye 12.22-32; Luka 11.14-23)

20Ɓaawo majjum o hooti wuro, go jama'aare hawritii kade to makko faa kanko e aahiiɓe makko, ɓe keɓay no ɓe nyaamira. 21No himɓe makko nani ɗum, ɓe gari tefugo mo ɓe koora mo gam ɓe bi'aama hakkillo makko sottake.

Yeesu e toontoo ka ɓe gaccorii mo

(Matiye 12.22-32; Luka 11.14-23; 12.10)

22*Moodiɓɓe tawreeta ƴiwuɓe *Urusaliima wari e wi'a: «Beljebul nun woni e makko. E baawɗe Beljebul, mawɗo ginnaaji nun o riiwirta ginnaaji, kanko woni hooreejo ginnaaji, waɗi oo riiwa ɗi.» 23Den Yeesu noddi ɓe ɓe gara, waɗani ɓe ballool, wi'i: «Noy *Seyɗan waawirta ko riiwi Seyɗan? 24To laamu seennake e haɓida hoore mum, laamu ŋun wonataako. 25Nun bo to wuro seennake e haɓida hoore mum, wuro ŋon wonataako. 26Hande nun bo, to Seyɗan seennake e haɓida hoore mum, o waawataa ko darii, baawɗe makko bo majjan.»

27Yeesu tokkii wi'ugo: «Goɗɗo waawataa ko naati wuro semmenteejo, ɓotta ko o woodi, to hinaa o arti o haɓɓi joomum taw, den to o haɓɓii mo, o waawan ko ɓotti ko woni der wuro ŋon fu #3.27 Semmenteejo mo Yeesu batani ɗo, Seyɗan nun o wondanaa..

28Mii bata on e gooŋa, himɓe waawan ko heɓi yaafuye haalaaji mum kalluɗi ɗi ɓe bati dow Alla fu. 29Amma batuɗo kalluka dow *Ruuhu Ceniiɗo heɓataa yaafuye sam, hakke ɗen wondan e joomum faa abada.»

30Yeesu batii ka gam ɓe bi'i, oo woodi ginnool.

Miiraaɓe Yeesu e inna mum

(Matiye 12.46-50; Luka 8.19-21)

31Den inna e miiraaɓe Yeesu wari, darii yaasi, lili o noddee. 32Tawi jama'aare ɗuunne e jooɗodii e makko e howii mo, ko mo wi'aa: «Inna maa e miiraaɓe maa na'on yaasi e noddee.» 33O toontii, o wi'i: «Moy woni inna am e miiraaɓe am?» 34O daari jooɗiiɓe e howii mo, o wi'i: «Inna am e miiraaɓe am nani. 35Gam gaɗoowo ko Alla yiɗi, kan woni miiraawo am e sakiike am e inna am.»

Currently Selected:

Marku 3: BFB

Highlight

Copy