ROMUDENƆ 10
10
1Ma gbɛ̃nɔ, yã kũ má yei ma swɛ̃̀ɛ gũn matɛni a wɛ́ kɛ Ludaamɛ Isarailanɔ surabana ũ. 2Mani fɔ̃ mà ń sèeda kɛ kũ ò kokari vĩ kũ Luda yão, ama ń wɛ́ kɛ̃naro. 3Zaakũ ò dɔ̃ deran Luda dì tó yã bo kũńwo nna nàro, akũ òdigɔ̃ wɛtɛ yã bo kũńwo nna kũ ń zĩda gbãnao. Deran Luda dì tó yã bo kũńwo nna nà, odi wero. 4Zaakũ Kirisi Musa doka lɛ́ pàpa, de yã bo kũ gbɛ̃ sĩnda pínki kũ à a náani kɛ̀o nnamɛ.
Surabana bi gbɛ̃ sĩnda pínki pɔ́mɛ
5Deran doka dì tó yã bo kũńwo nna nàn Musa ò a takadan à pì, gbɛ̃ kũ à yã pìi kɛ̀ mɛ́ ani wɛ̃̀ndi le a gũn. 6Lákũ ludanaanikɛnaa dì tó yã bo kũńwo nna nà kɛ̃na a yãn à pì:
Ǹsun o n nɛ̀sɛn ǹ pi,
dí mɛ́ ani gɛ́ ludambɛ à Kirisi kiparo,
7ke dí mɛ́ ani gɛ́ gyãwãn à Kirisi bo ganlo.
8Yã kũ à òon dí:
Yã pì kú kũnwo kãni,
à kú n lɛ́n kũ n nɛ̀sɛɛo.#Dok 30:12-14
Ludanaanikɛna yã kũ odì a waazi kɛn yã pì ũ. 9Tó n ò kũ lɛ́o gupuraa kũ Yesumɛ Dikiri ũ, akũsɔ̃ ń sì n swɛ̃̀n kũ Luda a bò gan, ani n sura ba. 10Zaakũ yã pì sina n swɛ̃̀n mɛ́ àdi tó yã bo kũnwo nna, akũsɔ̃ yã pì ona kũ n lɛ́o mɛ́ àdi n sura ba. 11À kɛ̃na Luda yãn ò pì, wé'i ni gbɛ̃ kũ àtɛni a náani kɛ kũ zikiro.
12Yudanɔ kũ buri pãndenɔ donadona kɔ̃nɛro, zaakũ ń pínki Dikiri dokɔ̃nɔmɛ, àdi karana kɛ gbɛ̃ kũ òdi a sísinɔnɛ ń pínki. 13Zaakũ Dikiri sìsirinɔ ni bo ń pínki. 14Deran gbɛ̃nɔ ni a sísi a náanikɛnaa sarii? Deran oni a náani kɛ a yãmanaa sarii? Deran oni a yã ma waazikɛrii sarii? 15Tó òdi waazikɛrinɔ zĩḿmaro, deran oni waazi kɛńnɛ nàa? À kɛ̃na Luda yãn ò pì: Baarunnakparinɔ suna dì kɛńnɛ nna fá! 16Ama adi kɛ gbɛ̃ sĩnda pínki mɛ́ à baaru nna pì sìro. Akũ Isaya pì: Dikiri, dí mɛ́ à ó yã sìi? 17Lɛmɛ ludanaanikɛnaa dì bo a yãmana kĩnaamɛ, yã pì sɔ̃ bi Kirisi yãmɛ. 18Ma pì yɔ́ɔ! Odi manloo? Ò mà.
Ń kòtoo dà anduniala pínki,
ń yã'onaa gɛ̀ɛ ari zĩtɛ lɛ́a.#Zab 19:4
19Ma pì yɔ́ɔ! Isarailanɔ dí dɔ̃ro yá? Káaku gĩa Musa pì:
Mani tó ò gɔ̃ba kpá kũ buri kũ ò de ma gbɛ̃ ũronɔo,
mani tó ń pɔ fɛ̃ bisãsiri wɛ́siradenɔ yã musu.
20Akũ Isaya Luda yã ò kũ kùgbãnao à pì:
Gbɛ̃ kũ odi ma ki wɛtɛronɔ mɛ́ ò ma le,
ma a zĩda mɔ̀ gbɛ̃ kũ odi ma gbɛkaronɔnɛ.
21Isarailanɔ yã musu à pì:
Zaa kɔnkɔ ari ɔkɔsi ma ɔ dɔ̀ buri sãgbãnade kũ ò fɛ̃na kũmaonɔnɛ.
Currently Selected:
ROMUDENƆ 10: BB2005
Highlight
Share
Copy
Want to have your highlights saved across all your devices? Sign up or sign in
Bisã Bible © SIM International, 2005.
