NAANAA 36

Isau burinɔ

1Isau kũ òdi pinɛ dɔ Ɛdɔmu burinɔ yãn dí. 2Isau Kanaa nɔgbɛ̃nɔ sɛ̀, Iti buri Ɛlɔni nɛ́ Ada kũ Ivi buri Ana nɛ́ Ɔɔlibama, Zibɛɔ̃ daikoreo. 3À Sumaila nɛ́ Basɛma, Nɛbayo dãre sɛ̀ dɔ. 4Ada Ɛlifaza ì kãao, akũ Basɛma Ruɛli ì. 5Ɔɔlibama Yeusu kũ Yalamuo kũ Koraoo ì. Isau nɛ́gɔ̃gbɛ̃ kũ ò ń í Kanaanɔ bùsunnɔn gwe.

6Isau a nɔnɔ sɛ̀tɛ kũ a nɛ́gɔ̃gbɛ̃nɔ kũ a nɛ́nɔgbɛ̃nɔ kũ a bedenɔ ń pínki kũ a pɔ́kãdenɔ kũ a aruzɛkɛ kũ à lè Kanaanɔ bùsunnɔ pínki, akũ à gɛ̀ɛ Sei bùsun, à zã̀ kũ a dakũna Yakubuo, 7zaakũ ń aruzɛkɛ zɔ̃kɔ̃ mɛ́ à tò oni fɔ̃ ògɔ̃ kú kũ kɔ̃oro. Bùsu kũ ò kun dí mɔ́ḿmaro kũ ń pɔ́nɔn dasi yãi. 8Isau vùtɛ Sei gusĩsĩden kũ òdi pi tera Ɛdɔmu.

9Isau kũ à de Ɛdɔmunɔ dizi káaku ũ burinɔn dí. 10Isau nɛ́gɔ̃gbɛ̃nɔ tɔ́n dí: Ada nɛ́ Ɛlifaza kũ Basɛma nɛ́ Ruɛlio. 11Ɛlifaza nɛ́gɔ̃gbɛ̃nɔn Temana, Omaa, Zefo, Gatamu kũ Kenazio ũ. 12Ɛlifaza nɔ yìgisaridemɛ Timina ũ. Àkũ mɛ́ à Amalɛki ì kãao. Isau nɔ Ada daikorenɔn gwe. 13Ruɛli nɛ́gɔ̃gbɛ̃nɔn dí: Naata, Zɛra, Sama kũ Mizao. Isau nɔ Basɛma daikorenɔn gwe. 14Isau nɔ Ɔɔlibama nɛ́gɔ̃gbɛ̃nɔn dí: Yeusu, Yalamu kũ Korao.

15Isau buri kínanɔn dí. Isau daudu Ɛlifaza buri kínanɔn Temana, Omaa, Zefo, Kenazi, 16Kora, Gatamu kũ Amalɛkio ũ. Ɛlifaza buri kínanɔ, Ada daikorenɔn gwe. Ò kú Ɛdɔmu bùsun. 17Isau nɛ́ Ruɛli buri kínanɔn dí: Naata, Zɛra, Sama kũ Mizao. Ruɛli buri kínanɔ, Basɛma daikorenɔn gwe. Ò kú Ɛdɔmu bùsun. 18Isau nɔ Ɔɔlibama buri kínanɔn dí: Yeusu, Yalamu kũ Korao. Ana nɛ́ Ɔɔlibama daikorenɔn gwe. 19Isau kũ òdi pinɛ dɔ Ɛdɔmu nɛ́gɔ̃gbɛ̃nɔn gwe, a buri kínanɔn gwe.

Sei burinɔ

20Sei, Ori buri kũ à kú Ɛdɔmu bùsun zaa káaku nɛ́gɔ̃gbɛ̃nɔn dí: Lotana, Sobala, Zibɛɔ̃, Ana, 21Disɔ̃, Ɛza kũ Disão. 22Lotana nɛ́gɔ̃gbɛ̃nɔn dí: Ori kũ Omamuo. Lotana dãren Timina ũ. 23Sobala nɛ́gɔ̃gbɛ̃nɔn dí: Alavã, Manaa, Ebala, Sefo kũ Onamuo. 24Zibɛɔ̃ nɛ́gɔ̃gbɛ̃nɔn dí: Aya kũ Anao. Ana pì mɛ́ à bò ísɛ̃boki wãnaa zaa gbárannan gɔrɔ kũ àtɛni a de zaakinɔ dã. 25Ana nɛ́gɔ̃gbɛ̃n Disɔ̃ ũ, a nɛ́nɔgbɛ̃ sɔ̃ Ɔɔlibama. 26Disɔ̃ nɛ́gɔ̃gbɛ̃nɔn dí: Ɛmɛdã, Ɛsɛbã, Itirana kũ Keranao. 27Ɛza nɛ́gɔ̃gbɛ̃nɔn dí: Bilana, Zavã kũ Akanao. 28Disã nɛ́gɔ̃gbɛ̃nɔn dí: Uzu kũ Aranao. 29Ori buri kínanɔn dí: Lotana, Sobala, Zibɛɔ̃, Ana, 30Disɔ̃, Ɛza kũ Disão. Ori buri kínanɔ kũ ń buri kũ ò kú Sei bùsunnɔn gwe.

31Kína kũ ò kí blè Ɛdɔmu bùsun Isarailanɔ kínanɔ ãnɔn dí. 32Bɛɔ nɛ́ Bɛla, Dinaba gbɛ̃ mɛ́ à kí blè Ɛdɔmu káaku. 33Kũ à gà, akũ Zɛra nɛ́ Yobabu, Bɔzɔra gbɛ̃ kí blè a gɛ̃nɛ ũ. 34Kũ à gà, akũ Temana bùsu gbɛ̃ Usamu kí blè a gɛ̃nɛ ũ. 35Kũ à gà, akũ Bedada nɛ́ Adada, Avi gbɛ̃ kí blè a gɛ̃nɛ ũ. Àkũ mɛ́ à zĩ̀i blè Midiãnɔa Mɔabunɔ bùsun. 36Kũ à gà, akũ Masareka gbɛ̃ Samala kí blè a gɛ̃nɛ ũ. 37Kũ à gà, akũ Reobo kũ à kú Yuflati sarɛ gbɛ̃ Saulu kí blè a gɛ̃nɛ ũ. 38Kũ à gà, akũ Akabo nɛ́ Baali Ana kí blè a gɛ̃nɛ ũ. 39Kũ à gà, akũ Pau gbɛ̃ Adada kí blè a gɛ̃nɛ ũ. A nɔ tɔ́n Mɛtabɛli, Matarɛdi nɛ́mɛ, Mɛzaba daikoremɛ.

40Isau buri kínanɔ tɔ́n dí kũ ń bùsunɔ: Timina, Alava, Yɛtɛ, 41Ɔɔlibama, Ela, Pinɔ, 42Kenazi, Temana, Mibiza, 43Magadiɛli kũ Iramuo. Ɛdɔmu kínanɔ tɔ́n gwe wɛ̃tɛ kũ wɛ̃tɛo bùsu kũ ò vùtɛn. Isau kũ à de Ɛdɔmunɔ dizi ũ burinɔn gwe.

Currently Selected:

NAANAA 36: BB2005

Highlight

Copy