توریت شریف: پَیدایش 10

1اے حضرت نُوح نے پُتراں سام، حام تے یافت نا شجرہ نسب اے۔ اِنہاں نے پُتر سیلاب تُوں بعد پیدا ہوئے۔

2حضرت یافت نے پتر جُومر، ماجُوج، مادائی، یاوان، تُوبل، ماشک تے تِیراس سݨ۔

3جُومر نے پتر اشکَناز، رِیفات تے تُوجرمہ سݨ۔

4یاوان نے پتر اَلِیشہ، ترسِیس، کِتِیم تے رُودانِیم سݨ۔ 5او اُنہاں قوماں نے آبا و اجداد سݨ جیہڑے ساحلی علاقیاں تے جزیریاں وِچ پھیلی گئے۔ اے لوک اپݨے اپݨے مُلخے، اپݨے اپݨے گراواں، اپݨے اپݨے قبیلے، تے اپݨی اپݨی بولی نے مطابق آباد سݨ.

6حام نے پتر کُوش، مصر، فُوط تے کَنعان سݨ۔

7کُوش نے پتر حوِیلہ، سَبتہ، رعما تے سَبتِکہ سݨ.

رعما نے پتر شَبا تے دَدان سݨ۔

8کُوش کولوں نمرُود جمیا، جیہڑا ساری زِیمی پر اِک عظیم بادشاہ بݨی گیا۔ 9او رب نے سامݨے اِک عظیم شکاری بݨیا، تے اِس واسطے اج وی کِسے اچّھے شِکاری نے بارے وِچ اے مثال دِتی جاݨی اے کہ ”او نمرُود نی طرح رب نی نظراں وِچ اِک عظیم شکاری اے۔“ 10نمرُود نی بادشاہی سِنعار نے مُلخے وِچ بابل، ارک تے اَکاد نے شہراں توں شروع ہوݨی سی۔ 11فِر اُس مُلخے وِچوں نِکلی کے او ملک اسُور وِچ آئے، تے اُتھے نِینوہ، رخُوبُوت عِیر، کَلح تے 12رسن بسائے. رسن او شہر اَے جیہڑا نِینوہ تے بڑے شہر کلح نے بشکارے وِچ اے۔

13فِر مصر اِنہاں قوماں نا پیؤ بݨیا: لُودی، عنامی، لہابی، نفتُوحی، 14فَترُوسی، کسلُوحی تے کفتُوری. (کسلُوحیاں کولوں فلِستی نکلے.)

15کَنعان نا پہلا پتر صَیدُون سی. فِر او اِنہاں قوماں نا پیؤ بݨیا: حِتی، 16یبُوسی، امُوری، جِرجاسی، 17حِوی، عَرقی، سِینی، 18اَروادی، ضَیماری تے حماتی.

بعد وِچ کنعانیاں نے قبیلے اِتنے پھیلی گئے 19کہ اُنہاں نیاں حداں شمال وِچ صَیدُون شہر تُوں جنوب آلے پاسے جرار شہر آلی طرفوں غزّہ شہر تک، تے اُتھوں مشرق نے پاسے سدُوم، عمُورہ، ادمہ تے ضِبُوئِیم شہراں آلی طرفوں لَسَع شہر تک سݨ۔

20حام نے پُتر اے اݨ جیہڑے اپݨے اپݨے مُلخے، اپݨے اپݨے گراواں، اپݨے اپݨے قبیلے، تے اپݨی اپݨی بولی نے مطابق آباد سݨ۔

21سام جیہڑا یافثؑ نا بڑا پہرآ سی، اُس نے پتر جمے. سام ساری بنی عَبر نا پیؤ دادا وی بݨی گیا۔

22سام نے پُتر اے سݨ: عیلام، اسُور، ارفکسد، لُود تے ارام۔

23ارام نے پتر اے سݨ: عُوض، حُول، جَتر تے مَسَک.

24ارفکسد کولوں شلح جمیا، تے شلح کولوں عَبر جمیا۔

25عابر کولوں دو پتر جمے. اِک نا ناں فلج سی، یعنی پھیلیا ہویا، کِیئانکہ دُنیا نے لوک اُس ویلے پھیلی گئے سݨ. دُوئے پہراؤ نا ناں یقطان سی۔

26یقطاں کولوں المُوداد، شالِف، حضرمَوت، یارَح، 27ہدُورام، اُوزال، دِقلہ، 28عُوبال، ابی مائِیل، شِیبا، 29اُوفِیر، حَوِیلہ تے یُوباب جمے. اے سارے یقطان نے پتر سݨ۔ 30اِنہاں نی آبادی مِیشع تُوں سَفار نے پاسے مشرقی پہاڑاں تک سی۔

31اے سام نے پتر اݨ جیہڑے اپݨے اپݨے مُلخے، اپݨے اپݨے گراواں، اپݨے اپݨے قبیلے، تے اپݨی اپݨی بولی نے مطابق آباد سݨ۔

32اے سارے اپݨیاں اپݨیاں نسلاں تے اپݨیاں اپݨیاں قوماں نے مطابق حضرت نُوح نے پتراں نے قبیلے اݨ. سیلاب تُوں بعد اِنہاں قبیلیاں تُوں ساریاں قوماں پُوری دُنیا وِچ پھیلی گیاں۔

Currently Selected:

توریت شریف: پَیدایش 10: phr

Highlight

Copy