Jénésis 5
5
Kyikû-Banet ńkyí Ádam
(1 Korónyíkil 1:1-4)
1Nyín azîn nyí kyikû-banet ńkyí Ádam. Ké nkéré mú Osówo o/chi banet, o/chi kámbé wǎ nyǐ oyén. 2O/chi kámbé [onyinchéng] ne onyinyi, o-jware kámbé, o-fé kámbé dyizîn ńdyí dyidabángê onet. 3Ádam o/rí bajam-aje nyâchât esim diǐkpú ne o-fwon wǎn emen mú o/mû wǎ nyǐ, mú odabángê Sêt. 4Ńdyí o/fwon Sêt, Ádam o/chîrí égot-aje enyii. Nyǐ o/chîfwon bwǎn bakíri, 5ne o/rí égot-aje enyii esim-bajam-aje nyâchât esim diǐkpú ne o-kpú.
6Ké nkéré mú Sêt o/rí bajam-aje batánge esim atánge, o/fwon wǎn-onyinchéng mú o/fé ǎ dyizîn, Énoshi, 7ne o/chîrí égot-aje enyii ne aje káchâtkányi. Nyǐ o/chîfwon bwǎn bakíri, 8ne o/rí égot-aje enyii ne bajam batánge esim-aje diǐkpú ne afee ne o-kpú.
9Ké nkéré mú Énoshi o/rí bajam-aje banyii esim diǐkpú, o/fwon wǎn-onyinchéng mú odabángê Kínan, 10ne o-chîrí égot-aje enyii esim onyiryiká. Nyǐ o/fwon bwǎn bakíri, 11ne o/rí égot-aje enyii ne bajam batánge esim atánge ne o-kpú.
12Kínan o/rí bajam-aje bachât esim diǐkpú ne o-fwon wǎn-onyinchéng mú odabángê Mahalálel. 13O/chîrí égot-aje enyii ne bajam bafee. Nyǐ o/chîfwon bwǎn bakíri, 14ne o/rí égot-aje enyii ne bajam batánge esim diǐkpú ne o-kpú.
15Mahalálel o/rí bajam-aje bachât esim atánge ne o-fwon wǎn-onyinchéng mú odabángê Járet, 16ne o-chîrí égot-aje enyii ne aje bujam esim diǐkpú. Nyǐ o/chîfwon bwǎn bakíri, 17ne o/rí égot-aje enyii ne bajam-aje banyii esim onyiryiká ne o-kpú.
18Járet o/rí bajam-aje nyíryinyi ne aje afee ne o-fwon wǎn-onyinchéng mú odabángê Énok, 19ne o-chîrí égot-aje enyii. Nyǐ o/chîfwon bwǎn bakíri, 20ne o/rí égot-aje enyii ne bajam-aje nyíryinyi esim-aje afee ne o-kpú.
21Énok o/rí bajam-aje bachât esim atánge ne o-fwon wǎn-onyinchéng mú odabángê Metúséla. 22Ké nkéré mú o/fwon Metúséla, Énok o/kyú fáráng ne Osówo ké égot-aje ebónge ne bajam batánge, ne o/chîfwon bwǎn bakíri. 23Nyǐ o/rí égot-aje ebónge ne bajam nyíryinyi esim atánge ne o-kpú. 24Nyǐ o/kyú dyikpen emen o-fárâng Osówo ké kángkáng dyikpen emen, ne o-rím, ké nǎ, Osówo o/kúng ǎ o-dim ne nyǐ.
25Metúséla o/rí bajam-aje kátángekányi esim káchâtkányi ne o-fwon wǎn-onyinchéng mú odabángê Límek, 26ne o-chîrí égot-aje echât ne bajam-aje kátángekányi esim-aje afee. Nyǐ o/chîfwon bwǎn bakíri, 27ne o/rí égot-aje enyii ne bajam nyíryinyi esim kátángekányi ne o-kpú.
28Límek o/rí bajam-aje kátángekányi ne aje afee ne o-fwon wǎn-onyinchéng, 29o-raa o/fu, ké ochíchí-esí nyí Óburúkpâbí o/shú kányí, wǎn mún o/chi o-chi bě byi-jáng ké kángkáng biǐsínsóng-bǎmkpóngé eten ḿbé byimu byi-chi i. Ne o-fé ǎ dyizîn ńdyí badakó Núwa. 30Límek o/chîrí égot-aje efee ne bajam kátángekányi esim onyiryiká. Nyǐ o/chîfwon bwǎn bakíri, 31ne o/rí égot-aje echât ne bajam nyíryinyi esim onyiryiká ne afee ne o-kpú.
32Ké nkéré Núwa oo/rí égot-aje efee ne bajam batánge, o/fwon bwǎn-banyinchéng bachât, Shêm ne Hâm ne Jáfet.
Currently Selected:
Jénésis 5: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985