Matthaw 4

PENNOD IV.

Ynpryd a Profedigaeth Christ. Y mae efe yn pregethu; yn galw Simon, ac Andreas, a Iacob a Ioan; ac yn iachau yr holl gleifion.

1AR ol hyn yr Iesu a arweiniwyd i’r anialwch gan yr yspryd, i’w brofi gan y camgyhyddwr. 2Yna’r Iesu wedi cael ei gadw heb ymborth deugain diwrnod a deugain nôs, a ddaeth o’r diwedd yn chwantbwydig. 3A’r profwr pan ddaeth atto, a ddywedodd, Os wyt ti yn fab Duw, arch fel y bydd i’r cerrig hyn fôd yn fara. 4Yntef a attebodd ac a ddywedodd, Ysgrifennwyd, Ni fydd byw dŷn trwy fara yn unig, ond trwy bôb gair a ddaw allan o enau Duw. 5Yna y camgyhyddwr a’i cymmerth ef i’r ddinas sanctaidd, ac a’i gosododd ef ar nen twryn y deml. 6Ac a ddywed wrtho, Os wyt fab Duw, tafl dy hun i lawr, canys y mae yn yscrifennedig y rhydd efe i’w angelion orchymmyn am danat; ar eu dwylaw hwy a’th ddygant, rhag i’th daro dy droed wrth garreg. 7Yr Iesu a ddywedodd, Y mae hefyd yn yscrifennedig, Na chais brofi yr Arglwydd dy Dduw. 8Y camgyhyddwr etto a’i cymmerth ef i ben mynydd uchel iawn, ac a arddangosodd iddo holl lywodraethodd y bŷd, a’u clodfawredd. 9Ac a ddywedodd wrtho, Y pethau hyn oll a rhoddaf i ti, os syrthi i lawr a’m haddoli i. 10Yna yr Iesu a ddywedodd wrtho, Ymmaith, Satan; canys y mae yn yscrifennedig, Yr Arglwydd dy Dduw a addoli, ac ef yn unig a wasnaethi. 11Ar hyn y camgyhyddwr a’i gadawodd ef, ac wele angylion a ddaethant ac a weiniasant iddo. 12Pan glybu’r Iesu i Ioan gael ei fradychu, efe a aeth i Galilaia. 13A chan adaw Nazaret, efe a aeth ac a drigodd gerllaw Kapernawm, yr hon sydd ar lan y llyn yn gyffiniau Zabulon a Neptalim. 14Fel y cyflawnid yr hyn a draethwyd trwy Esaias y rhagweledydd, pan ddywedodd, 15“Tir Zabwlon, a thir Neptalim, glan y môr, tu hwnt i’r Iordan, Galilaia y cenhedloedd. 16Y bobl a oeddynt yn eistedd mewn tywyllwch a welsant oleuni mawr; ac i’r rhai a eisteddent yn nhir a chysgod angau, goleuni a lewyrchodd.” 17O’r pryd hynny y dechreuodd yr Iesu i gyhoeddi a dywedyd, Edifarhewch, canys y mae’r lywodraeth nefawl yn nessai. 18A’r Iesu yn rhodio o gylch fôr Galilaia, a ganfu ddau frodyr, Simon yr hwn a elwir Pedr, ac Andreas ei frawd, yn bwrw rhwyd i’r môr (canys oeddynt bysgodwyr.) 19Ac efe a ddywedodd wrthynt, Deuwch ar fy ol i, a mi a’ch gwnaf yn bysgodwŷr dynion. 20A hwy yn y fan, gan adael y rhywdau, a’i canlynasant ef. 21Ac wedi myned oddi yno, efe a welodd ddau frodyr eraill, Iago fab Zebedëus, ac Ioan ei frawd, mewn cwch gyd â Zebedëus eu tad, yn cyweirio eu rhwydau: ac a’u galwodd hwy. 22Hwythau yn ebrwydd, gan adael y cwch, a’u tad, a’i canlyasant ef. 23A’r Iesu a aeth o amgylch holl wlâd Galilaia, gan athrawiaethu yn eu synagogau, a chyhoeddi newydd da y frenhiniaeth, a iachâu pob dolur a phob afiechyd yn mlith y bobl. 24Ac aeth clôd am dano trwy holl Syria; a dygassant atto yr holl rhai anwhylus a oeddynt yn gystuddiedig gan amrhyw gelfydau a phrofedigaethau, a’r rhai claf o’r ddueg, ar rhai lloerig, a’r rhai parlysaidd; ac efe a’u iachaodd hwynt. 25A thorfeydd lawer a’i canlynasant ef o Galilaia, a Dekapolis, a Ierosalem, a Iwdaia, ac o r tu hwnt i’r Iordan.

Currently Selected:

Matthaw 4: JJCN

Highlight

Copy