Jẹnẹsisi 10
10
Isi Nke Iri
Alị Ndị Gha Ebọn Nụa Pụha
1Ọnwan wụ ndị rị ichẹn-ichẹn ụmụ Nụa wụ Shẹm lẹ Ham lẹ Jafẹtị mụ, wẹ mụma ndịnị ogẹn okẹn-mirin hụ gi bigụ.
Ebọn Jafẹtị
2Ụmụ Jafẹtị wụ Goma lẹ Magọgụ lẹ Mẹdịa#10.2 Madaị. lẹ Javanị lẹ Tubalụ lẹ Mẹshẹki lẹzi Tirasị.
3Ụmụ Goma wụ Ash'kẹnazị lẹ Rifatị lẹ Togama.
4Ụmụ Javanị wụ Ẹlisha lẹ Tashishi lẹ Kitim lẹ Rodu hụn wụzị Dodu. 5Ụmụ Javanị ndịnị mụ ndị bisọnmẹ mkpẹnrẹn Ohimin Mẹditerenia — hụn ọwụlẹ lẹ alị o bi lẹ asụsụ wẹ lẹ ebọn wẹ lẹ ndị alị wẹ.
Ebọn Ham
6Ebọn Ham lẹ ụmụ wẹ wụ ndịnị: Kushi lẹ Mizraim wụ Ijiptu lẹ Putu lẹ Kenaanị. 7Ụmụ Kushi wụ Sẹba lẹ Havila lẹ Sabta lẹ Raama lẹ Sab'tẹka. Ụmụ Raama wụ Shẹba lẹ Dedanị.
Nimrọdụ
8Omẹgụ, Kushi nọ mụ Nimrọdụ; Nimrọdụ wụ onyẹ ibuzọ kpasọnmẹ ikẹn imẹ ụwa. 9Okẹn-ogbẹni k'ọ wụ ẹnya Osolobuẹ. Ya haịn wẹ gi a sị, “Ọ nọ kẹ Nimrọdụ, hụn wụ okẹn-ogbẹni ẹnya Osolobuẹ.” 10Obodo Babẹlụ lẹ Ẹrẹkị lẹ Akadị lẹ Kal'nẹ kẹ alị-eze Nimrọdụ gha bidọn — alị ndịnị ile rịsọnmẹ alị Shina wụ Babilọnụ. 11Alịnị wụ Shina k'ọ gha jẹnmẹ alị Asiria d'a tụn obodo Ninivẹ lẹ Rẹhobọtụ-Ẹh lẹ Kala 12lẹzi Rẹsẹni. Rẹsẹni rị ẹgbata Ninivẹ lẹ Kala hụn wụ okẹn obodo alị hụ.
13Mizraim wụ Ijiptu nọ mụ ndị Ludu lẹ ndị Anam lẹ ndị Lehabụ lẹ ndị Naf'tu lẹ 14ndị Patrusu lẹ ndị Kaslu hụn ndị Filistia gha pụha lẹzi ndị Kaftọ.
15Ya Kenaanị nọ mụ Sidọnụ. Sidọnụ wụ nwa ibuzọ Kenaanị. Kenaanị mụzịkwọ ndị Hẹti lẹ 16ndị Jebusu lẹ ndị Amọ lẹ ndị Gẹgashị lẹ 17ndị Hivu lẹ ndị Aki lẹ ndị Sini lẹ 18ndị Avadị lẹ ndị Zẹma lẹ ndị Hamatị. Omẹgụ, ndị Kenaanị nọ buwaye ọda. 19Alị ndị Kenaanị bi nọ nwan shịa ẹfọ, gha obodo Sidọnụ pụ Gẹra, gha Gẹra pụ Gaza — shịashi ibẹka Sodọm lẹ Gomora lẹ Adima lẹ alị ndị Zẹbo, d'e rukwọrị Lasha. 20Wẹ ile wụ ụmụ Ham: onyẹ-onyẹ lẹ ebọn ẹ lẹ asụsụ a lẹ alị o bi lẹ ndị alị a.
Ụmụ Shẹm
21Shẹm, hụn sụa Jafẹtị, mụzịkwọ ụmụ. Shẹm wụ nẹdi kanị ụmụ Ẹba ile.
22Ụmụ Shẹm wụ Ẹlam lẹ Ashuru lẹ Afakishadị lẹ Ludu lẹzi Aram. 23Ụmụ Aram wụ Uzu lẹ Hulu lẹ Gẹta lẹ Mashi. 24Afakishadị wụ nẹdi Shẹla, Shẹla wụ nẹdi Ẹba. 25Ẹba mụ ikẹnnyẹ ẹbụọ: ẹfan ohu wụ Pẹlẹgị (ya wụ “nkebe”), makẹni, ogẹn ẹ kẹ ụwa gi kebe. Ẹfan nwẹnẹ ẹ wụ Joktanị. 26Joktanị nọ mụ Al'mọdadị lẹ Shẹlẹfụ lẹ Hazamavẹti lẹ Jẹra lẹ 27Hadoram lẹ Uzalụ lẹ Dik'la lẹ 28Obalụ lẹ Abimaẹlụ lẹ Shẹba lẹ 29Ofiri lẹ Havila lẹzi Jobabụ: uwẹ ile wụ ụmụ Joktanị. 30Alị wẹ bi gha Mẹsha shịaru Sẹfa rị alị-ugu rị ibẹka ọwụwa-ẹnyanwụn. 31Wẹ ile wụ ụmụ Shẹm. Onyẹ-onyẹ lẹ ebọn ẹ lẹ asụsụ a lẹ alị o bi lẹ ndị alị a.
32Wẹ ile wụ ebọn ụmụ Nụa — kẹ wẹ dọnsọnmẹ mụ wẹ lẹ alị ndị gha ẹhụ wẹ pụha. Imẹ wẹ kẹ alị ichẹn-ichẹn gha ba ụba bajun ụwa ogẹn okẹn-mirin hụ gi bigụ.
Currently Selected:
Jẹnẹsisi 10: ikkBI
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
