Sakaria 6
6
Enduaata oo ngarrin ong'uan oo mbartan
1Naitoki ake araposhu inkonyek aainei aing'orisho, naa ng'ura, ingarrin ong'uan oo mbartan naatupukutuo te rishata oo ldoinyo aare, naa ore lelo doinyo naa ildoinyo lo suyai. 2#Emb 6.4; Emb 6.5Ore engarri e dukuya neeta imbartan naanyokie, ore eniare neeta imbartan naarook, 3#Emb 6.2ore ene uni neeta imbartan naaibor, ore eniong'uan neeta imbartan pusi naata iltipot. 4Ina pee ajoki ilo malaika laairorie nanu, “Ainyoo doi kuna, olkitok lai?”
5 #
Emb 7.1
Naawaliki nanu olmalaika ajoki, “Ore kuna naa inaapuo ilubot ong'uan e nkijape e keper, eidipa aaitayu ate te dukuya Olaitoriani le nkop pooki. 6Ore ngarrin oo imbartan naarook, naa enkop e moikuape epuo, ore ngarrin oo mbartan naaibor naa enkop oloontoluo epuo teneidip kunda aashom, ore ngarrin oo mbartan pusi naata iltipot naa enkop e kopikop epuo.” 7Ore pee epuku nena bartan naagol, neenyiyenyu eyieu nepuo aarrip enkop. Nejoki olmalaika ninche, “Enchom, entorrip enkop.” Metaa eshomo aarip enkop. 8Ina pee aaishiraki ninye nanu ajoki, “Ng'ura ore nena naapuo ina kop e moikuape neitoborro Enkiyang'et ai te nkop e moikuape.”
Enkitanapata naishopokinyeki Yoshua enkopiyia e nkitoo
9Nelotu ororei lo Laitoriani enatii ejo: 10Iwa te lelo oararo, Heldai, o Tobiya, o Yedaia, laa ninche ootabautua eing'uaa Babilon nilo ina olong ake ina aji e Yosia olayioni le Sefania. 11Iwa te ninche enkosholai o saabu, nintobiru enkopiyia e nkitoo, nipik ninye endukuya e Yoshua, olayioni le Yehosadak olapolosani kitok; 12#Yer 23.5; 33.15; Sak 3.8nijoki ninye, inji ejo Olaitoriani loo lororani, “Ng'ura, ore ilo tung'ani oji enkarna enye Olng'osila: naa kebulaa ninye teine netii, naa keshetaki ninye Olaitoriani enkaji e Nkai. 13Ninye oshetu ina aji o Laitoriani naa keishopokini ninye enkisisa o enkanyit, naa keton aitoreisho to lorika lenye le nkitoria. Naa keaku ketii olapolosani embata o lorika lenye le nkitoo. Nejing olning'o le seriani erishata enye pokira.” 14Naa kejing enkopiyia e nkitoo atua enkaji Olaitoriani metaa endamunoto te Heldai o Tobiya o Yedaia o Yosia olayioni le Sefania.
15“Naa ore lelo oo lakua naa kepuonu aaretu aashet ina aji Olaitoriani, naa iyiolouu aajo ilo Aitoriani loo lororani ninye laairriwua nanu enetii. Naa kelotu ina bae abaya tininyorraa katukul aairuk ilo toilo lo Laitoriani Enkai inyi.”
Currently Selected:
Sakaria 6: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018
