Sakaria 3

Enduaata o loiboni le Nkai naipirta olapolosani kitok

1 # Esr 5.2; Emb 12.10 Naaitoki ninye aitodol nanu Yoshua olapolosani kitok eitashe te dukuya ilo malaika lo Laitoriani, neitashe sii ninye Sheitani te nkaina e tatene aitangor ninye. 2#Yd 1.9Nejoki Olaitoriani Sheitani, “Mikisikong'a iyie Olaitoriani, iyie Sheitani! Metaa ilo Aitoriani otegelua Yerusalem likisikong iyie! Amaa ele aime olchata oishu otawuapuaki te nkima.”

3Ore ina kata egira Yoshua aitashe te dukuya ilo Malaika, eishopokoki inkilani naaiduruk naang'u. 4Nejoki olmalaika lelo ooitashe te dukuya ninye, “Entayu nena kilani naang'u naaiduruk naaishopito entung'uai ninye.” Nejoki ninye, ninye “Ing'ura, aiwuang'ie ing'ok inono te iyie naa kaaishopoki nanu iyie inkilani sidain.”

5Naitoki nanu ajo “Enchoo ninche epik aaishopoki enkarasha sidai endukuya enye neishopokini ninye inkilani; ore olmalaika lo Laitoriani neitashe te mbata ninye.”

6Neitanap olmalaika lo Laitoriani Yoshua ejoki, 7“Inji ejo Olaitoriani loo lororani: Tinilo tiatua inkoitoi aainei nimbung enkitanapata ai, neaku iyaku oloitore enkaji ai nintore sii indung'orot aainei, naa kaaisho iyie esipata nijing'ie tenebo kulo ooitashe tene. 8#Yer 23.5; 33.15; Sak 6.12Toning'o naa taata, iyie Yoshua olapolosani kitok iyie tenebo ilchorueta linono ootoni te dukuya iyie, amu iltung'ana supati ninche ooitodolu imbaa naapuonu. Ng'ura, ekayaki osinka lai ilo oji Olng'osila. 9Amu ng'ura, ore shumata eilo soit laitasheyie te dukuya Yoshua, enchumata osoit obo oata imatuan naapishana, naguetaki osirata, Olaitoriani loo lororani ojo, naa kaitayu ina kitarruorroto ena kop te nkolong nabo. 10#Mik 4.4Ore teina olong ejo Olaitoriani loo lororani, naa keitoomon pooki te intae olelatia enye meetu aatoni te ntonata o sabibu lenye o te ntonata o lng'aboli lenye.”

Currently Selected:

Sakaria 3: BIBLIAPRO

Highlight

Copy