Matayo 10

Noolo lkipaareta le Yesu pokira tomon o aare

(Mk 3.13-19; Lk 6.12-16)

1Neipot Yesu lelo ooiteng'eni lenyena tomon o aare, neisho meitoria nearaa iloiriruani ooiduruk, neishiunye sii mpukunot pooki oo muoyiaritin o nkeyaitin. 2Naa kuna nkarn oo lkipaareta lenyena pokira tomon o aare; ole dukuya naa Simon oji Petero, o Andrea olalashe lenye; Yakobo le Sebedayo o Yohana olalashe lenye; 3Filipo, o Bartolomayo; Tomas o Matayo olasotoni le kodi; Yakobo le Alfayo, o Tadayo; 4Simon onyor olosho lenye o Yudas Iskariot laa ninye otakaldayie Yesu.

Eitanapa Yesu neirriwaa lelo pokira tomon o aare

(Mk 6.7-13; Lk 9.1-6)

5Kulo pokira tomon o aare eirriwayie Yesu neitanap ajoki, “Emipuo nkoitoi oo Loreren, nimijing'ijing'i enkang hoo nabo oo ltung'ana le Samaria 6kake enchom enetii ntare kiminat e nkaji e Siraeli. 7Ore ipuopuo, entolikioi entejo ‘Etinyikua enkitoria e keper.’ 8Enchiunye iloomuoi, entopiu ilootuata enchiunye ilooata enkeeya oo lbolot, entaarai iloiriruani. Eishooki intae pesho, enchooi sii intae pesho. 9Emishoroo saabu anaa mpisai too lbenia linyi, 10#1 Ilkor 9.14; 1 Tim 5.18nimishoroo olbene te lototo inyi, anaa inkilani maare, anaa inamuka, anaa eng'udi, amu keishiaakino olaisiaayiani endaa enye.

11“Ore pooki ang sapuk o enkiti nijing'ijing'i, enkilikuanisho tenaa ketii oltung'ani supat atua, nitonini tenebo ninye o metaba anaa nidumunyenye aapuo. 12Naa tinijing'ijing'i enkaji eroroki. 13Naa te neitoomoni intae teina aji, nejing osotua linyi shumata ninye, naa te neitu eitoomoni intae, neshukokino intae osotua linyi. 14#Iat 13.51Ore pooki ng'ae lemeng'amaa intae, anaa olemening ororei linyi, ore pee ipukuku aaing'uaa ina aji, anaa ina ang, nimpiripiroo enterit natii nkejek inyi. 15#Mat 11.24; Enk 19.24-28#Lk 10.4-12Esipa ajoki intae, keikashieki Sodom o Gomora teina ang te nkolong enkiguana!

Kelotu osina

(Mk 13.9-13; Lk 21.12-17)

16 # Lk 10.3 “Kairriwaa intae anaa nkerra atua suyian, enteng'enita anaa lasuriaa, niborrurru anaa nturkuluoni. 17#Mk 13.9-11; Lk 12.11,12; 21.12-15Kake entodol ate too ltung'ana amu keishooyo intae meiguanareki neidong intae tiatua nkajijik enye e ntumo 18Naa keriki intae dukuya ilbalosuni o laiguanak te nkaraki nanu, pee iakuku shakeni te ninche o too Loreren. 19Kake ore ina kata te nerik intae, eming'aeng'ae aajo, ‘Kaa kijo’, amu keishori intae teina kata enijojo. 20Amu mme intae ooiro, Enkiyang'et e Papa linyi nairo tiatua intae.

21 # Mk 13.12; Lk 21.16 “Naa keishooyo olalashe olikae, metaari metua, neishooyo menye enkerai, nedumakino nkera ntoiuo enye neishooyo ninche metaari metuata. 22#Mk 13.13; Lk 21.17; Mat 24.13; Mk 13.13Naa keibayu intae iltung'ana pooki, te nkaraki enkarna ai, kake ore olong'iri o metabaiki enkiting'oto nejeu. 23Naa te nearari intae te nkang nabo, esikaki enkae, amu esipa ajoki intae, miishushu nkang'itie e Siraeli pooki eitu elotu Enkerai e Tung'ani.

24 # Lk 6.40; Yhn 13.16; 15.20 “Melang oloiteng'eni oloiteng'en ninye, nemelang osinka oloitore ninye. 25#Mat 9.34; 12.24; Mk 3.22; Lk 11.15Keidim oloiteng'eni atotiuo anaa oloiteng'en ninye, netiu osinka anaa oloitore ninye. Pasa taa etejo olopeny enkaji Beelsebul, kebaa eitulusoo aajo neijia lootii enkaji enye!

Ele entureita

(Lk 12.2-7)

26 # Mk 4.22; Lk 8.17 “Metaa emiure lelo tung'ana amu meetae embae naisudoyioki nemeyiolouni. 27Ore enajoki nanu intae te naimin embalunye te wang'an, ore enining'ining'i te nkiok, entolikioi too nchumarot oo nkajijik. 28Emiureyu ilo oar osesen nemeidim aatar enkiyang'et, enare ti niureyuyu ilo oidim aidaikie pokira are enkiyang'et o sesen tiatua olbalbal le nkima. 29Ai meinosieki imotonyi are empisai nabo, kake mesulunye nabo aosh enkop, meyiolo Papa linyi. 30Ore ninche intae, eikenaki o metabaiki lpapit loo lukuny inyi. 31Ore te nkaraki ina emiureishoyu amu irara ile tipat inkashikasha aalang imotonyi kumok.

32“Ore naa pooki laaibalie te dukuya ltung'ana, naa kaibalie sii ninye te dukuya Papa lai otii keper. 33#2 Tim 2.12Ore pooki laamiki te dukuya ltung'ana naa kamiki sii nanu ninye te dukuya Papa lai otii keper.

Olalem eyaua Yesu mme osotua

(Lk 12.51-53; 14.26-27)

34“Emidamu nijojo kaewuo ayau osotua enkop; eitu alotu ayau osotua, kake olalem ayaua. 35#Mik 7.6Aewuo nanu airriki olayioni o menye nairriki entito o ng'otonye, nairriki entito o enkaputani. 36Ore lmang'ati lo ltung'ani keaku lelo le nkaji enye.

37“Ore olonyor menye anaa ng'otonye aitalang nanu, anaa olonyor olayioni lenye anaa entito enye pee aaitalang nanu, nemaishiaakino nanu. 38#Mat 16.24; Mk 8.34; Lk 9.23Ore olemenap osalaba lenye naasuju nemaaishiakino nanu. 39#Mat 16.25; Mk 8.35; Lk 9.24; 17.33; Yhn 12.25Ore ologolie enkishui enye neiminie, ore oloiminie enkishui enye te nkaraki nanu negolie.

Olerrinyore

(Mk 9.41)

40 # Lk 10.16; Yhn 13.20; Mk 9.37; Lk 9.48 “Ore olong'amaa intae, nanu etang'amayie, ore olaang'amaa nanu naa ilo lairriwua etang'amayie. 41Ore olong'amaa oltung'ani supat te nkaraki naa supat, netum olerrinyore lo ltung'ani supat. 42Ore oloisho obo le kulo ooti, enkikompe e nkare nairobi te nkaraki naa oloiteng'eni lai, esipa ajoki intae, meimin olerrinyore lenye.”

Currently Selected:

Matayo 10: BIBLIAPRO

Highlight

Copy