Romans 8

6Inuum ihumagigumigit timim pijumajain tuquhimajutun ilinniaqtuq; Anirnim Nakuujum piqutain inuutjutiqaqtuugaluaq naamaktumik. 7Inuum ihumangit aaruhukkumik timim piqutainnik akiniaqtuq Godmun, tuhaajumanngitkiplutik Godim pitqujainun pilimainamik. 8Taapkua atanniqtuqtaugumik timimingnin nakuunahugijaulimaitugaluit Godmin. 9Iliffi timiffingnin atanniqtuqtaujunaiqtuhi inuupluhi anirnirmi, Godim anirningata najuqpahi. Kinaliqaa Christim anirninganik piqanngitkumi taffumunga nanminirijaulimaiqtuugaluaq. 10Christ iliffingniitpan timihi tuqungajutun ilingmata huinniqinikkun, uummatihi inuuliqtuugaluit ilumuurniqtigun. 11Godim anirningata (taffuma Jesus makititpagaa tuqungajumin) najurumihi taffuma Jesus makititpagamiuk tuqungajumin tunihiniaqtuq inuuhirmik timiffingnun Anirnikkun Nakuujukun tunijauhimajukkun iliffingnun.

12Talva qatangutitka, pitqujauhimavaktugut inuuqunata pijumajaitigun. 13Timiffi pijumajainnik malikkuffi kihimi tuquhungujuhi. Iliffi Anirnikkun Nakuujukkun ipirariguffigit pijumajahi ihuittun inuuniaraluaqtuhi. 14Tamarmik qitulliqaak tahiuqtauhimajun Godmun. 15Godim tunijanga Anirniujuq Nakuujuq. Taffuma kivganguqtijuittaahi iqhiuqupluhi. Anirnipli qitunganguqtitaraluahi Godmun. Aahiin Anirnim Nakuujum hakugikningagun tainginaqtaqqut God tuqhulapluta “Apaapamik, Apaapamik.” 16Godiplu Anirninga anirnivullu uvagut angiqatigiiktun. Godim qitungaringmatigut. 17Aahiin Godmun qitungarijauhimagapta nanminiriniaqtavut nakuguqtitauningit. Taffuma tutquqhimajain inuutiminun. Uvaguttauq piqaqatauhungujugut Christim piqarniaqtainnik. Tamna ilaginiaraptigu. Ilaa naglikhaaqtitaugupta Christmi nakuuqatigihungujaqqut tamna qaumaningani. 18Ihumagaluaqtunga naglikhaaqtitaunivut qaujimaliqhugit tatja humaangitpiaktutun ililiqtun qaujmanginapta alianaqtumik takupkaqtauniaqtumik ilaani. 19Tamarmik ilaa hanajauhimajun God utaqqiuqtaat taffuma qitun'ngaita takupkaqtauniaqtainnun. 20Hanahimajullu piiqtitauvallialiqtun. Godim pipkarmatik kihimi. Niriunginaqtugaluit 21ilaani hanahimajun tamarmik aallanguqtitauhungurmata nungutqunagit nutanguktitaukataulutik Godim qitungainni. 22Ilihimagaluakhuta qangaraalungmin uplumimun hanahimajun tamarmik nivjanginnaqpaktun ulurianaqtumik arnaqtun irniliqtutun iliplutik. 23Uvaguttauq ilaa hanahimajugun atjikkutariplugit Anirnimik Nakuujumik Godim aittutaanik. Hivullirmik pipkaqhimagapta uvaptingnik nivjaaqtutun ililiqtugut utaqqiinnaliqhuta Godmik taffuma qitun'ngagiqupluta kivgaktuitilluta tamaptingnik

38Ilihimajunga tuquniq, inuuniq, iharulgit, inuuqarniit hamaniittun, qaijukhalluunniit kingiktun, ittijun, 39humilliqagluunniin hanahimajun, ihumajunga tapkua tamarmik avipkaqtilimaitaatigut Godim quviakkutaanin, Jesus Christmi Ataniptingni.

Currently Selected:

Romans 8: AQ

Highlight

Copy