Romans 15
15
4Godim uqauhiit titiraqhimajun tamarmik titiraqhimavaktun tapkununga uvagut ilihautjauqupluta uqauhitigun ikajuqtauqupluta utaqqiinnarluta, niriukhimalutalu nakuujumik. 5Godlu ikajuqtiugami naammakhipkaipluni taffuma ikajuqpagluhi tamaffi ihumaffigun atauhiuqupluhi maliglugulu Christ Jesusim ilitquhia. 6Tamaffi ilaa atauhiqtun qujagiquplugu Atanipta Jesus Christim angutaa, Godingalu. 7Godim qujagijauninga piplugu, Quviatkutigivagluhiuk Christim ilagingmahi. 8Uqautigiffi, Christ inmi kivganguqpaktuq Jewmiut pitjutigiplugit itqaumaquplugit Godim uqariijautain uqaqhimajain Jewmiut pitjutigiplugit itqaumaquplugit God ilumurman. 9Aahiin, Jewmiunngittuttauq qujagiquplugu God tamna nagliktarman; Godim uqauhiit titiraqhimangmata, “God taimaa qujaginiaqtagin Jewmiunngittuni nakuugiplugulu atqin.” 10Aahiin titiraqhimajuq, “Aliattagitti Jewmiunngittun aliahuqatigilugit Godim inungit niruarijauhimajun.” 11Aahiittauq, “Qujagiluhiuk, Ataniq, Jewmiunngittuhi, qujagilugulu inuit tamarmittiaq.” 12Aahiin Isaiahm uqaqhimajain, “Jesusim kinguliata ilangat qainiaqtuq qaitaupluni atanniqtuquplugit Jewmiunngittun, tapkualu niriukhungujun nakuujumik taffumuuna.” 13Godiplu niriungnaqtum ilumiqtitpagluhi naammaktumik, nakuuqutaaniglu ukpirniffigun inminun, niriuqpallialiqupluhi taffuminga Anirnim Nakuujum hakugingningagun.
Currently Selected:
Romans 15: AQ
Highlight
Share
Copy
Want to have your highlights saved across all your devices? Sign up or sign in
