Psalms 51
51
1Nagliginga, God, quviakutaugavin, huinniqutairlungalu nagligigangma.
2Huinniqutimnik uaqhivaglutin, halumaqharlunga huinniqutimnin.
3Kiglukuanitka ilitariinaqtatka, huinniqutitkalu mihigimaplugit.
4Huinniqivaktunga ilingnun, ilingnun ilaa kihimi, pivakhugit ihuigijatin. Talva uukturiaqturangma nakuujutin, ilumuuqtumik pijutin ihuigiplunga.
5Inuplunga ihuitumik pivaktunga huinniqiinaqhunga uplumin inuulirnimnin.
6Inungmi ilumuuqtumik pijumagavin ihumatka ilummiqtikkit ilihimanirmik.
7Huinniqutitka piijarupkit halummaqtitauhungujunga, uaqhiguvin uvamnik qakuqtangurniaqtunga aputitun.
8Tuhaaliqtunga nipimik alianaqtumik kappiahuktitaugaluaqtillunga ilipkun quviahutqiquplunga.
9Hiqunngirlugik ijiikin, huinniqutimingnin piijarlugit ihuittun uvamnin.
10God, uummatiliurin nutaamik ilumni, anirnirmik nutaamik tunitjavarma.
11Anipkaqtailunga najugangnin, Anirnin nakuujuq uvamnin ahivaqtittailugu.
12Tunilungalu alianaqtumik annautjitjutikhaptingnin qaitaujumik tuhaatillugu uummatiga.
13Talva uvanga huinniqijun ilihautiniaqtatka pitqujarnik tapkua utiuquvglugit ilingnun.
14Tuqungitkuma ilipkun, God Annautjiga ilumuurnirnik uqautjiniaqtunga.
15Ikajurungma uqainaquplunga qujaginiaqtagin.
16Ilaa aittuutikhat pijumagupkit tapkuninga tunihiniaqtunga. Aittutin ikualaaqhimajun kihimi quviahutigijuitaraluatin.
17Uvanga kihimi tuhaanginaruma, God, aittuqtaaliqhungujunga pijumajarnik. Kinaliqaak annangaijajuitkumi tuhaajumapluni ilingnun ahivaqtitaujunaiqtuugaluaq.
18God nakuuuvaglutin Zionmun ikajurlugu, hanavaglugillu Jerusalem avaluit ahiruqhimangmata.
19Talvuna quviahuutiginiaqtatin aittuutin nakuujun, ikualaaqhimajullu tamaita tuktuqpaillu tuqutauniaqtun tunihivit qaangani.
Currently Selected:
Psalms 51: AQ
Highlight
Share
Copy
Want to have your highlights saved across all your devices? Sign up or sign in
