Psalms 119
119
(vv 97-120)
97Pitqujatin aliagigapkit upluraaluk ihumagijatka.
98Pitqujatin ilagiinaqpangmanga, ihumatutqijaujunga akiramnin.
99Ilihautjigijamnin kangiqhipkaqtaugaluaqtunga ihumaginnarapkin maligatin.
100Ilihimatqijaugaluaqtungalu inutquatun tuhaagapkin pitqujatin.
101Pitqutin ihuinaaqtun pijumanngitatka uqauhitin tuhaajumagapkin.
102Puigunngitaraluatka maligatin, ilvit ilihautigivagangma.
103Pitqujatin mamaqtutun ilijun, mamatqijauplutik igutap uqhuanin.
104Pitqujangnin ilihimavallialirama ihuittun tamaita iqihugijatka akhutagjuaq.
105Uqauhitin quulliujuq uvamnun tahiuqtauquplunga, qaumaniupluni apqutikhamnun.
106Ilingnun uqariijaqpagama ilumuuqtumik maligatin malingniaqtatka.
107Nangitjutitka, Ataniq kappianaqpiangmata inuupkainaqtinnga uqariijautigigangma.
108Qin'ngarama qujanaqtumik, Ataniq tuhatjavutin ilihautilunga pitqujarnik.
109Angirama inuunira piinariaqaqtuugaluaq piplutin puiginngitquplunga pitqujarnik.
110Huinniqitujun akhuurahuaqtun naniniaquplugit uvangali pitqujatin tuhaattailijuitaraluatka.
111Pitqujatin nanminirihimajatka nungulaitumun alianaqpiarmata umatimnun.
112Ihumagliuqpaktunga tuhaanginaquplunga maligaqtingnik tuquniarutimnun.
113Nakuugijuitatka tapkua pitqujan malinngitpatjuk pitqujatillu nakuugijaraluatka.
114Amiqhijagin munaqhijigiplutillu uqarijautigangm niriugigipkin.
115Huinniqitujun kihimi ahivarlit uvamnin, Godima pitqujain malingniarapkit.
116Hakugiktitpakkangma uqariijaqpakkavin inuuhungujunga niriungnikkut hapiliqtaililunga.
117Tigumiarungma annautjauniaqtunga ihumagiinarlugit pitqujatin.
118Kitquliqaa tuhaangitpata pitqujarnun igitatin, ihumangit ihuinaaqtun huunngitpiangmata.
119Ilingnun huinniqijun tamarmik iqqakurvitun ilijun uvanga nakuugijatka maligatin.
120Ilipkulli iqhiliqtunga uvanga, iqhiuqtunga uukturiaqturniaravin tamainnik.
Currently Selected:
Psalms 119: AQ
Highlight
Share
Copy
Want to have your highlights saved across all your devices? Sign up or sign in
