Matthew 6

9Angutikput qilangmiitutin,

Atqin nakuugijauli,

10Atan’nguvin qaili,

Ihuummatin taimaliurlit nunami qilangmiitutun.

11Uplumi niqikhaptingnik aittuqtigut;

12Huinniqqutiptingnik ihumagijunairlutin uvaguttauq ihumaluutigihuiraptigit huinniqijigijavut;

13Uktuqtaunirmun hivulliqtailuta, Tupilagmin annautitigut.#6:13 Ilvit pitjutigigapkin atan’nguvik, hakugingniq, qaumanirlu nungulaitumun taimunga. Amen.

16“Nirittailigaiguffi akuliahi tautungningit aallannguqtitaililugit ilummiqhiqtutun. Tapkua akuliatik pinnijaqpangmatigik nirittailijutun itquplugit inungni. 17Iliffili nirittailigaiguffi niaquhi uqhuqtirlugit. Akuliahilu uarlugit 18tautungnaqqunahi inungnin nirittailigaluaqtilluhi. Angutin qilangmiittuq tautungniaqtuq ilihimagami nirittailiguffi kihimi. 19Piqutinik akitujunik tutquriaqtuqtailugit nunami qupilrut qattiniuplu nungutiqhunngurmatigik kukiktaulutigluunniin. 20Piqutinigli akitujunik iliffingnun tutquqtirijaqturlugit qilangmi, qupilrut qattiniupluunin nungutilimainmatigik, kukijuktullu kukilimaitpiarmata tapkuninga. 21Iliffi piutihi naniitkaluaqqata, taikanittauq uummatihi najurniaqtun.

24“Atanirnun malrungnun inuk kivgaqtuilimaittuq. Aippa nakuugijunainnamiuk aippanga nakuugiquplugu. Imaalunniin, aippa tuhaaniaramiuk aippanga nakuugijunaitkaluaqhugu. Iliffittauq Godmun nunaum piqutaillu atauttikkun kivgaqtulimaitkaluaqtuhi. 25Aahiin uqautigiffi, inuunihi ihumaalutigittailugit niqikhaffingnik imikhaffingnigluunniin, timiffiluunniin aanuraakhainnik. Inuum inuninga nakuutqijaungilaq niqimiin, timimiin aanuraanilluunniin? 26Tautugiaqhigit qupanuat. Tapkua nauttijiqhijuittun katitirinngitkiplutik tutquqhivingnun. Angutiffilu qilangmiittum niripkaqpaktaraluangit tapkua. Iliffi tapkunanga nakuutqijaungillahii? 27Naliffingnit kina ihumaalukkumi tuquningata tikinniarutaanik nutqarniaqqa? 28Aahiin aanuraanik huuq ihumaalukpihi? Nauttiat nunamiittun ihumahigihik naulirmata. Tapkua havagiaqtujuittun atigiliunngitkiplutik. 29Uqautijaraluaffi, Solomon piqutiminik akituqpiaqtunik piqaraluaqhuni tamna aannuraaqhimajugaluaq pinniqtutun nauttiatun. 30Iviit nunamiittun uplumi nauliqtut. Aqagunguqqat igitaujukhat ingnirvingmun. Godim iviit aannuraarigamigit taffuma aannuraaqtittunaitpahii iliffi, ukpirnikugitpihii? 31Talva ihumaaluktailivagluhi uqarluhi, ‘Humik niriniaqita? Humiglu imirniaqita?’ imaaluunniin, ‘Qanuq aannuraakhaqarniaqita?’ 32Tapkua tamaita Jewmiunngittun pijumangmatigik; Angutikhi qilangmiittuq pijakhaffingnik tapkuninga ilihimajugaluaq. 33Godim atan'nguvia taffuma pitjutaillu pinahualiruffigik tapkua tamarmik tunijauhungujun iliffingnun. 34Talva aqagu ihumaalutigittailuhiuk aqagu inminik ihumaalungnarialik. Uplum ihumaalungningit naamalit inminun.

Currently Selected:

Matthew 6: AQ

Highlight

Copy