Luke 16
16
19Inuugaluaq manilgujuq ihariahungitpiaqhuni aanuraaqhimajuq pinniqtunik. Niriinnaqpakhuni mamaqtunik upluq taman nunamiitpaktuq. 20Taffuma igluata hilataani ukkuangata haniani ilingajuq nallajuq. Tamna atiqaqtuq Lazarusmik kilaaqhimapluni timimini. 21Nirijumainnaqhunilu ilakuinik katagaqhumajunik manigiktuum ikpataanin. Aahiin qinmit alukturiaqtuqtain ilingajum kilaangit. 22Ilaani ilingajuq tamna tuqugami tigumiaqtaujuq iharuliktigun Abraham haanganun. Manigikturlu tuqugami iluviqtaujuq. 23Nappatiqarvingmi tamna kappiahukpiarami aarluqtuq tautukhugu Abraham ungahiktumi tatpaani Lazaruslu taffuma hanianiitillugu. 24Talva manigiktuq tuqhulajuq uqaqhuni, “Angutiga Abraham, nagliginga tiliquplugu Lazarus uvamnun. Taffuma tikini nuvua imirmun mihuktaa imiqtilliuk uqara niglaqtarlugu uluriahukpallaarama hamani ingnirmi.” 25Abraham uqaqturlu, “Irnira, puiguqtailivaglutin inuutillutin nakuujumik pivaktutin. Lazarus ajuqhaqpaktuq. Tatjali tamna nakuuhiliqtuq ilvin uluriakhuktillutin. 26Aahittauq akunniptingni naqhak itivallaaktuq, ikarumajun hamanga ilingnun. Tapkualuunniin ilingnin qaijumaplutik hamunga pilimaittun ikaaqunagit.” 27Manigiktugaluaq uqallangmijuq, “Angutiga, tukhiarvigigapkin ilaptignun tilivaglugu Lazarus 28qatangutiqarama talimanik, tapkua uqautjaujukhat hamunga kappiahugvingmun tikinakhavut.” 29Abraham kiujugaluaq, “Mosesim nalauttaijiillu titirain piqaramitigit tuhaalugit kihimi.” 30Manigiktuq uqarmijuq, “Imannaq, angutiga Abraham. Tuqungajunin inuk utiqqan tapkununga ihumaliutqiqniarunakhijun.” 31Abraham uqallautijaa, “Ilaa tuhaajumangitkumik Mosesim nalauttaijiillu titirainnun tuhaajunaittuq tuqungajumin makihimajum hagjairvigikpakhiluunniin.”
Currently Selected:
Luke 16: AQ
Highlight
Share
Copy
Want to have your highlights saved across all your devices? Sign up or sign in
