John 6
6
5Jesus qiviarami tautukhuni inungnik amigaittunik qailiqtillugit Philip uqallautijaa, “Qanuq niqimik niuviriaqturniaqqita hapkua inuit niriquplugit?” 6Uqallaktuq taimaa ukturumagamiuk Philip piniaqtaminik ihumagaluaqhuni inmi. 7Philip kiujaa, “Aturupta 200nik man'ngujanik muqpaujanun naamajunaittut tahapkua atuni niriquplugit mikijumik.” 8Malirutaita ilangata Andrew, Simon Peterm nukaata, uqallautijaat 9“Taika inuuhuktuq muqpaujaqaqtuq talimanik iqalungniglu malrungnik. Amigaittunulli naammanngitpiaqtugaluit.” 10Jesus uqaqtuq, “Inuit ingittikkit,” iviqarnirmi talvani. Inuillu ingittut 5000ngujun. 11Talva Jesus muqpaujanik tiguhiuq qujahukkamilu tapkuninga tuniuqqaipkaijuq inungnun taimailiuqhunilu iqalungnik. Tamarmik inuit aqiattuqpiaqtun. 12Nirihuirmata Jesusim malirutini uqallautijain, “Niqit ilakuit katitirlugit tammaqunagit.” 13Tapkuningalu katitirijun tigumiarutit 12ngujun tatattugit muqpaujat talimat ilakuinnin nirivaktunin. 14Inuit takugamitku tamna Jesusim naunaitkutaa pingmagu uqaqtun, “Ilumun, tamna nalauttaijiujuq nunamun qaijukhaujuq.”
Currently Selected:
John 6: AQ
Highlight
Share
Copy
Want to have your highlights saved across all your devices? Sign up or sign in
