A Sofoni 2
2
Keoogr sik-m-mens rãmbã yĩnga
1Buud sẽn ka zoet yãnde, tigm-y taab n tagse,
2sẽn deng yam-yãkrã daar sẽn na n wa ling yãmbã,
sẽn deng daarã sẽn na n wa loog wa sobg sẽn dɩkd wudgu,
la sẽn deng Sẽn-Ka-Saab sũ-puug-kãsengã daar
sẽn na n wa sig yãmb zugã,
ne sẽn deng Sẽn-Ka-Saab sũ-puugrã daar
sẽn na n wa sig yãmb zugã!
3Bɩ yãmb a sik-m-mens rãmbã fãa
sẽn be tẽngã pʋgã bao Sẽn-Ka-Saabo.
Yãmb dãmb sẽn sakd noy nins Sẽn-Ka-Saab sẽn luglã,
bao-y tɩrlem, la y bao sik-m-menga,
tɩ daar ninga, y na paam n põs Sẽn-Ka-Saab
sũ-puugrã daare.
4 #
Eza 14.29-31, Zer 47.1-7, Eze 25.15-17, Zow 4.4-8, Amo 1.6-8, Zaka 9.5-7 Bala, Gaaza tẽngã na n lebga vɩʋʋgo,
b na n sãama Askalon tẽngã,
la b rig Asdood nebã ne wĩnto-sʋk n yiisi,
la b wã Ekron tẽngã.
5Kerɛt buudã neb sẽn be ko-kãsengã noorã,
yãmb na paam toogo!
Ad Sẽn-Ka-Saab sẽn yet yãmb wɛɛngẽ:
«Kana sẽn yaa Filistẽ-dãmbã tẽnga,
mam na n sãama foom,
la ned kõn leb n zĩnd f pʋgẽ ye.
6Soolem ning sẽn be ko-kãsengã noorã,
na n tekame n lebg yamd zĩiga,
la pe-kɩɩmbã rũms wãbneg zĩiga,
la yãg zĩis piisã yĩnga.
7Soolem-kãng na n lebga Zʋʋda roogã bu-kellã rẽnda.
Bãmb na n tɩ wãbna b rũmsã beenẽ,
la zaabre, bãmb na n tɩ gãanda Askalon rotã pʋse.
Bala, Sẽn-Ka-Saab sẽn yaa bãmb Wẽnnaamã
na n wa n sõnga bãmb n lebs n maneg b yellã.»
Yaang rãmbã na n paama sɩbgre
8 #
Eza 15.1—16.14, 25.10-12, Zer 48.1-47, Eze 25.8-11, Amo 1.13-15,
Zer 49.1-6, Eze 21.33-37, 25.1-7, Amo 1.13-15 Mam wʋma tʋy nins Moaab nebã sẽn tʋ mam nebã,
la paoogr ningã Amo nebã sẽn paoog bãmbã.
Bãmb paoogda mam nebã,
la b reeg b zĩisã n sooge.
9 #
Sɩng 19.24
Rẽ kɩtame tɩ maam a Saasẽ-Pãng-Soabã,
sẽn yaa Israyɛll Wẽnnaamã sẽn vɩ wã wẽend
n yetẽ:
«Ade, Moaab na n lebga wa Sodom,
la Amo tẽngã na n lebga wa Gomoore.
Tẽngã na n pida ne gõose,
la a lebg yamsem zĩisi,
b na n sãam-a-la wakat fãa yĩnga.
Mam nebã bu-kellã na n zɛɛ bãmba,
la b reeg b tẽngã n sooge.
10Bõn-kãng na n paama bãmb b wuk-m-mengã yĩnga,
bala, bãmb tʋʋsa Saasẽ-Pãng-Soabã nebã,
la b paoog-ba.
11Sẽn-Ka-Saab ka na n zoe bãmb nimbãaneg ye,
bãmb na n sãama dũniyã fãa wẽnnaam-dãmbã,
la buud toay-toayã tẽms nins fãa koom
sẽn gũbgã neb na n pa b sẽn beẽ wã n wõgemd
n waoog Sẽn-Ka-Saabo.»
Nug-goabg la nug-rɩtg rãmbã sɩbgre
12 #
Eza 18.1-7
Yãmb a Kuus tẽng nebã,
mam na n kɩtame tɩ yãmb pa tãpẽ.
13 #
Eza 10.5-34, 14.24-27, Nah 1.1—3.19 Sẽn-Ka-Saab na n tẽega b nugã
n tees rɩtg kɩrengã la b na n menesa Asiiri tẽngã,
bãmb na n sãama Niniiv tẽngã,
la tẽngã na n lebga koɛɛng wa raoogo.
14Tẽnga fãa na n yɩɩ yir rũms zĩiga,
la we-rũms buud toor-toor na n zĩnda be.
Bakardã ne yʋgempɛlã na n kẽe
ra-lugdsã pugli pʋsẽ n gãande.
B na n wʋma viut yãbr rotã võyẽ,
la sẽn sɩng ne tẽngã rignoorã fãa lebga raboogo,
bala, b na n luba sɛɛdr tɩɩsã ra-lugdsã fãa.
15Tẽng ning sũur sẽn dag n noom ne-a mengã,
n tagsdẽ tɩ bũmb ka tõe n maan yẽnda wã,
n yetẽ tɩ ned ka be sẽn zem yẽnda wã,
ade, yẽnda lebga raboogo,
la we-rũms gãag zĩiga,
ned ning fãa sẽn loogd be,
na n fɩɩlame la a mobg a noore.
Currently Selected:
A Sofoni 2: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
