A Zakari 6

Vẽnegr a nii soaba: Saar-dãmb a naase

1Mam leb n nak n gesame, la mam paama vẽnegre. Mam yãnda saar-dãmb a naas sẽn yit tãms a yiibã sʋk n watẽ. Tãmsã rag n yaa zũud tãmse. 2#Vẽn 6.4, Vẽn 6.5B rag n soga pipi saarã ne wed-mo-zẽese, n sog yiibẽ saarã ne wed-mo-sablse. 3#Vẽn 6.2La b soga saar a tãabẽ soabã ne wed-mo-peelse, la b sog saar a naasẽ soabã ne wed-mo-pẽrem-pẽrem sẽn tar pãnga. 4Mam leb n soka malɛɛk ning sẽn gomd-a ne maamã yaa: «M soaala, bãmbã yaa bõe?» 5#Vẽn 7.1La malɛɛkã leoka maam yaa: «Bãmb yaa yĩngr sebd a naasã. Bãmb yii zĩig ning b sẽn dag n beẽ wã, dũni gill fãa soaalã taoorã.» 6Wed-mo-sablsã sẽn tɛt saar a yembrã yi n teesa nug-rɩtg tẽmsã sẽnẽ, tɩ wed-mo-peelsã yi n pʋgl bãmba. La wed-mo-pẽrem-pẽrmã yi n teesa nug-goabg tẽmsã sẽnẽ. 7Wed-moos nins sẽn tar-b pãngã rag n yiime n kot n na n saag dũniyã. La yẽnda kõ-b-la noor n yeele: «Kẽng-y-yã! Saag-y dũniyã!» Dẽ, saar-dãmbã saaga dũniyã. 8Malɛɛkã boola maam n yeel yaa: «Gese, wed-moos nins sẽn yi n tees nug-rɩtg tẽmsã sẽnẽ wã na n sika mam sɩɩgã nug-rɩtg tẽngã zugu.»

B kãaba a Zozoe maanfo

9Sẽn-Ka-Saab goma ne maam n yeel yaa: 10«Reeg kũun neb nins sẽn yi yembd pʋg n wa wã nengẽ, reeg kũun a Hɛldayi ne a Tobiya la a Yedaya nengẽ. Bɩ f kẽng f toor a Sofoni biig a Zoziyaas yirã rũndã, bala, b sẽn yi Babilond n wa wã, yaa beenẽ la b kẽng yã. 11Bao wanzuri ne sãnem n maan maanf n fõgen a Yehosadak biig a Zozoe sẽn yaa maan-kʋʋr kãsmã.» 12#Zer 23.5, 33.15, Zaka 3.8Dẽ poore, yeel a Zozoe yaa: «Saasẽ-Pãng-Soabã yetame:

‹Ade, ned ning yʋʋr sẽn boond tɩ bõn-bullã,

yẽnda sẽn beẽ wã, a na n bula beenẽ,

la yẽnda na n mee Sẽn-Ka-Saab roogã.

13Yaa yẽnda n na n me Sẽn-Ka-Saab roogã.

Yẽnda na n yeelga naam teedo,

yẽnda na n zaoonda a naam geerã n dɩ naam,

maan-kʋʋd me n na n zaoond a geere,

la bãmb b yiibã fãa na n wʋmda taab sõama.›

14La maanf-rãmbã na n paa Sẽn-Ka-Saab roogẽ wã, tɩ b tar n tẽegd a Kelɛm ne a Tobiya la a Yedaya yelle, la b tẽegd a Sofoni biig a Kɛn yelle.» 15Neb nins sẽn be zĩ-zãrsẽ wã na n waame, n wa me Sẽn-Ka-Saab roogã, woto, yãmb na n bãngame tɩ yaa Saasẽ-Pãng-Soabã n tʋm maam yãmb nengẽ. Yãmb sã n sak Sẽn-Ka-Saab sẽn yaa yãmb Wẽnnaamã koɛɛg neere, bõn-kãng na n paama pidsgu.

Currently Selected:

A Zakari 6: MPBU

Highlight

Copy